Korɛntə dɔlɔɔ 3:10 - Yálá laawoo hɛɓɛ (dc)

¹⁰ Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Yálá laawoo hɛɓɛ

¹⁰ Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Bible

¹⁰ Yɛ̂ɛ berei m̀ɛlɛ-seei káa la nyíi Ɣâla e dɛ̀ɛ ḿbɔ yɛ̂ɛ pɛrɛ-tɔɔ-nuu tareɛ̂i, ŋá bɛ́rɛi pìlaŋ, núu da kpɛni káa dɔɔ̂i. Tɔɔ núu kélee e mɛi káa a berei a bɛ́rɛi tɔɔ̂i lai.

Korɛntə dɔlɔɔ 3:10 ပူးပေါင်းရင်းမြစ်များ

Kɔlɔnikɔ Veerɛi 2:12

Gáá kani yɛlɛmun da tɛɛ yɛ́ yiihu, a mɛ̨nį kɔ́lɔnmun, naa ɓaa a Hiramə-Abi.

Lɛɛ gbɔwɔ ɓa 36:4

Ya ɓə ɲɛlɛ kóló kɛ nuąi kɛi góló huwui tamąąi tii kɛ bɛlɛ́ mąą mɛ̨nį ɓa, di kəlee di həɠə góló kɛɛnąą di pa,

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.

Hanwon 9:1

Kili aa nwɔ pɛ́lɛ́i tɔɔ, aa dɔɔmu kɛ mą mɛ̨ihveelɛ.

Ikilisiati 12:9

Mąąnɛ̨ɛ̨ nuą di gɔlɔn diɛ kɛ: Kilimąą mun hvo kɛ kpɛla li mɛ̨nį lɛɛ ɓa nuą diɛ a nwɔ kili mɛ̨nį. Ə hanwon damąą mąn, ə mąąkpɛɛ, ə ɉukpɛɛ, ə dɔlɔ kaa yɛ ɉɔɔ nwɔ nuą diɛ.

Danîa 12:3

Nwun gɛ ɉu nuąi ŋɛ̨i kɛi kpɔmaa tɛɛ nuą pɔ diɛ lɛɛ tələnmolaa hu, di ɲɛ̨ilaa a kɛ lən ɉii yɛ pɛmɛ̨nɛ̨n gɔw.

Zakari 4:9

«Zorobabɛlə yee ɓə bɛlɛ́i ŋɛ̨i hvilɛn ɉii, yaa lɔ ɓə pai naakulɔi. Ɛlɛɛ, ka káá pai ɉu kɔ́lɔn ɉii kaa kɛ Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔ.

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Maafîu 7:24

«Yili ɓa, mɛ̨nįɠaai ŋɛ̨i gáá moi, nui a mɛ̨n, ə bɔ mɛ̨nį kɛ, a kɛ yɛ kilimąą mun yii a nwɔ pɛlɛ́ tɔɔ kwɛni mɛ̨i.

Lukə 11:35

Yili ɓa, gɛ a nɛlɛɛ, gɛɛ ponoi ŋɛ̨i gaa ə́ hu, hvo mąą pənə a kpinį.

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Gɛlaɠaa 18:27

Yɛ bələi ə naala gwəi, yɛ kɛ, ə li Akaiə, gu nąn nonnii di hvaa nwoo ti ɓa, di hɛɓɛ́ tɛɛ nąą kalan nɛa diɛ, diɛ kɛ diɛ, di di yee Apɔlɔsə mu a nɛlɛɛ. Ɉəliɛ laa, ə kpɔnmąą tɛɛ kpɔ nąą kalan nɛa pɔ kɛnɛ̨, Yálá ŋą lúwɔ́ háálai.

Lomaŋ 1:5

Yaa ɉaalai ɓə ŋį́ kɛ la nwɔ kɛla ə gɛ, huwu kəlee di kɛ nwoo mu laa na laa háálai.

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Lomaŋ 15:15

Kɛlaa yaamun, ɉɛɓɛ́i ŋą́ dɛɛ kaa, ŋį́ mɛ̨nį taɠaa pɛ̨ɛ̨ ɉu, ə gɛ, yii mąąnɛ̨ɛ̨ ka mąą kwɛli, ka kɛ a gɔlɔn ŋąą. Ŋą́ gɛ́ tii, mɛ̨inɛ̨ɛ̨i Yálá ə gɛ mą́ą́ mąą mɛ̨nį ɓa.

Lomaŋ 15:20

Kɛlaa nwɛ́i, ɓɛi di hvo ni kɛ Kristə mąą wɛlɛɛ lɛlɛɛ laa həli li laa, nąą ɓə ŋą́ ɉukulɔ laa. Ə gɛ, və́ pa kɛ nwɛ́i kɔwɔ hvilɛn nu takpɛli nwɔɔ mɛ̨i.

Korɛntə dɔlɔɔ 3:11

Yii ɓaa gɔwɔ hvilɛnŋąą nwɛi, nu hva pɛli nįnɛ̨ hvilɛn ɉii, ə kulɔ yii laa bulu, ya ɓaa: Jesus Kristə.

Korɛntə dɔlɔɔ 9:2

Akɛ nu takpɛliɠaa da wala gáá a kɛla, ka wɛi, mąąnɛ̨ɛ̨ kɛ ka gɔ́lɔ́n. Gbala ə tɔɔ, káá ɓə a nwɔ́ kɛla laa kɔlɔn ɉɛn gu Nąmu hu.

Korɛntə veelɛ 10:15

Ku wɔɔ ɲɛ̨i ponolaa hvo tɛɠɛ li ɲɛ̨n ma, gɔwɔ hvo hvilɛn ni nu takpɛli kɛ kóló mɛ̨i, kɛlaa, ku kili kaa ɉu kuɔ, ká wɔɔ laa na laa hu aa kɛli kɛnɛ̨ yɛ tɛ tɔwɔi, gaa tɛi tɔwɔ ká yəi, ku wɔɔ kpaaləi ku naa ká ɲɛ̨i, ɉáálai;

Ifisiɛŋ 2:20

Daa ká lɔ bɛlɛ́i tii tɔɔ mɛ̨nį hu, yai gɔwɔ hvilɛn ɉɛn ɓaa: Gɛlaɠaa, Yálá kwəi mɛ̨nį hukulɔ nuą, ɛlɛɛ, da Jesus Kristə kpinį lee, yai a nwun ɉon gwɛnį.

Kolosə 1:29

Nwɔ́ɔ́ tɔɔ a nwąnąi laa nwun gaa mą, ya ɓaa; gɔi gáá gɔi, a hvaŋąi kolo kɛi ɉú.

Kolosə 4:17

Ka mo Arsipə ɓa, kaa mą: tiɓo yii gu Ną́mu Jesus aa dɛɛ bɔ, ə ɉon a nɛlɛɛ, ə naa kulɔ.

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Timote veelɛ 2:15

'Ə́ ŋąąwala, ə́ mąątɛ̨nɛ̨ lɛlɛɛ hɔlɔɓo Yálá ɲəi ɓa, yɛ nui daa mąą mɛ̨nį hukpɛ, yɛ kóló kɛ mun nwumɛ̨ hva tɛ la, yɛ dɛ̨ą woo ŋɛ̨i laa həli kpɔ a ɉaŋąą.

Zĩi 3:1

Ną́n nonnii, nu kəlee hvo kɛ, gaa kɛi a mąąkwɛli kɛ nuą, bələi di pai ku kiti teei la a nwalawalaa, ká yili gbaɠala kɔlɔn.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə veelɛ 3:15

Ka gɔlɔn kaa diɛ: Gu Ną́mu Yálá nwɔ liilaa hu kwɛa ti ɓə a ka wɔ nwun mąąɓo. Giliŋąhiɛi ti ɓə gɛ, gu kaayɔwɔ da gu wɛlikɛmąą mun Polə yɛ hɛɓɛ́ tɛɛ la kaa, yɛ pələi Yálá ə mąą kili tɛɛ la bɔ.

M̀ɛni-lɛɛi 21:14

Ɉįi nwąną tɔɔi kɛ kwɛni pow kɔ́w hveelɛ mɛ̨i, ɛlɛɛ, gwɛnį tɛitɛi ɓa, Ɓɛlaa Lon nwɔ kɛla pow-kɔw-hveelɛi, laa pow-kɔw-hveelɛi di ɓo mą.

M̀ɛni-lɛɛi 21:19

Daa-lee tii mąąkpɛ hįi, kɔ́wɔ hvilɛn gwɛnįɠaa, di mąąpuɔi kɛ a kúwɔ-kwɛnįhuwu lɔpee gəlee. Gɔwɔ hvilɛn gwɛnį dɔlɔɔ ə kɛ a: ɉaspə kwɛnį, veelɛnąą ə ɓo a safirə kwɛnį, ɉaaɓanąą ə ɓo a: kalseduanə kwɛnį, nąąnnąą ə ɓo a: emerode kwɛnį,