Korɛntə dɔlɔɔ 2:7 - Yálá laawoo hɛɓɛ (dc)

⁷ Yálá ŋą kilikɛɲəi laa ɓə ku kaa naa həlii, gaa a kwɛlɛɛn mɛ̨nį, noɔ, yai Yálá ə wɔlɔ bɛli, yɛnɛ̨ɛ̨ kɔ́wɔ hvo ni kɛ tɔɔ li, a guɔi ə gu həɠə ɉu, a gu mąąɲįnɛ̨n.

Yálá laawoo hɛɓɛ

⁷ Yálá ŋą kilikɛɲəi laa ɓə ku kaa naa həlii, gaa a kwɛlɛɛn mɛ̨nį, noɔ, yai Yálá ə wɔlɔ bɛli, yɛnɛ̨ɛ̨ kɔ́wɔ hvo ni kɛ tɔɔ li, a guɔi ə gu həɠə ɉu, a gu mąąɲįnɛ̨n.

Bible

⁷ Kɛ́lɛ, kwa Ɣâla ŋɔtáre-loo-mɛni-ŋai lɛ̀, nyíi Ɣâla e gbɛ̀tɛ nàa tuɛ ŋ̀éniɛi ŋí kɔ́ɔ e lɛ́ɛ pâi pîlanii kúfolo-laai mɛni mai.

Korɛntə dɔlɔɔ 2:7 ပူးပေါင်းရင်းမြစ်များ

Mąątɛ̨nɛ̨ 78:2

Gáá mɛ̨mi ɓoi yɛ hanwon ɉu, gɛ́ tɔwɔ tɔwɔ mɛ̨nįɠaa ɓɛla hanwon ɉu.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 13:35

Ə kɛi gɛ tii ə gɛ, mɛ̨nį Yálá kwəi mɛ̨nį hukulɔ mun ə mo naa ə hon. Yaai ə kɛ la mą: «Gáá lɔ pai kɛi hvaai a hanwon, Mɛ̨nį yiiɠaa wɔlɔ a loo mɛ̨nį, ə həɠə yɛnɛ̨ɛ̨ kɔ́wɔ tɔɔi lɔwai ɓa ə həli la yiihu ɓa, gɛ́ yiliɠaai ɓo diɛ a lolo-woo.»

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Lomaŋ 8:30

Nuąi ə di təli, ə gbɛa di həɠə ɉu, yiiɠaai ə di təli, ə di kɛ a tələnmo nuą, nuąi ə di kɛ a tələnmo nuą, ə mąąɲįnɛ̨n gɛ lɔ nwɔ̨nɔ̨ diɛ.

Korɛntə dɔlɔɔ 2:1

Ɲą́ą́ gbinįlee pai ŋį́ mo ká pɔɔli ną́n nonnii, və́ kɛ pa li və́ Yálá ŋą mɛ̨nį loɔ laa həli káá a gbąnąlaa woo, awala kɛ tii, kili ɲą kulɔ woo.

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Hebreu 11:3

Laa na laa háálai ɓə, gu gɔlɔn na guɔ kɛ, Yálá ə yɛnɛ̨ɛ̨ pɛli a naa woo, hɛnŋaai kaa hvo kɛ diɛ, diɛ hvo kulɔ li, yiiɠaa kaa hvo diɛ, ɉu.

Piɛrə dɔlɔɔ 1:11

Kristə nwɔ Kilii kɛ di hu, yɛ, mɔ̨nɔ̨ɠaa da mąąwiɛlaai kɛi pa həlii Kristə ɓa mąą mɛ̨nį ɓo, ɲələ tɔwɔ, ya ɓə di kɛli ɲələ da guui ə ɉee, gwɛli.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Piɛrə veelɛ 1:3

Yiiɠaa kpɔ bɛliɛ guɔ yɛnɛ̨ɛ̨ kɛ hɛn ma, Ną́mu nwɔ huwalawala aa gəlee tɛɛ ka pɔ, guɔ kanąn Yálá ɓa laa hu, yaai gu təli, ə gɛ, gu guɔ naa hɔlɔɓo nwɔ mąąwiɛ, da nwɔ mɛ̨inɛ̨ɛ̨ hu.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.