Korɛntə dɔlɔɔ 2:6 - Yálá laawoo hɛɓɛ (dc)

⁶ Kɛlaa gaa kpɔ pa a tɛ̨ą, kilikɛɲəi laa ɓə ku kaa nɛi Kristalɛa diɛ, a diɛi daa di kpɛlaan ɉee. Gilikɛɲəi laa yili, hvo a ɲɛ̨nɛ̨ɛ̨ ŋɛ̨i nwɔɔ, ə mą kɛ a ɲɛnɛ̨ɛ̨ ŋɛ̨i hu tɔɔɓɛlaa di wɔɔ, yai naa kulɔi ɓaa a nwun na pili.

Yálá laawoo hɛɓɛ

⁶ Kɛlaa gaa kpɔ pa a tɛ̨ą, kilikɛɲəi laa ɓə ku kaa nɛi Kristalɛa diɛ, a diɛi daa di kpɛlaan ɉee. Gilikɛɲəi laa yili, hvo a ɲɛ̨nɛ̨ɛ̨ ŋɛ̨i nwɔɔ, ə mą kɛ a ɲɛnɛ̨ɛ̨ ŋɛ̨i hu tɔɔɓɛlaa di wɔɔ, yai naa kulɔi ɓaa a nwun na pili.

Bible

⁶ É máŋ kɛ́ tí, à kɛ̀ a kúai kúƃɔlɔ̂i M̀ɔlêŋ sui ku-sama, kwa tare-woo-ŋa ƃo, berei máŋ ve la a ŋ̀éniɛi ŋí su tare-woo-ŋa, kpaa máŋ ŋ̀éniɛi ŋí su mɛi-ƃelai dítare-woo-ŋai, nyíi-ŋai gáa a sɛŋ fɛ̂ɛ dí sáai.

Korɛntə dɔlɔɔ 2:6 ပူးပေါင်းရင်းမြစ်များ

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 12:19

Yɛ haláá laa həli nuą hvilɛn di kɔ́wɔ kpala ɓa, huwalawalaɠaai di heɛ, yɛ di laa pɛlɛ lɔ tɔ̨nɔ̨.

Zôo 12:21

Yɛ nwumɛ̨ tɛ a kalanɉonŋąą, yɛ kulaaɠaa di wɔ kulaa laa kulɔ di yəi.

Mąątɛ̨nɛ̨ 146:4

Di nɔ̨ɔ̨ kaa pai kulɔi di hu, diɛ pənə diɛ kɛ a pɔlɔ, mąą yələi tii, di kwəi kiliɠaa da lɛɛ a kpɛli.

Mąątɛ̨nɛ̨ 33:10

Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Mąątɛ̨nɛ̨ 37:37

'Ə́ ɲɛ̨i hee tai nu lɛlɛɛ ɓa, kwəi kwələ mun gaa tai, líikpələmun ɉuwu a ɓɛlɛ.

Azaya 40:23

A lɔi ɲąąwooɓo nuą lɛɛ kpɔlɔ kpɛli kpɛli, ə lɔi kiti tee nuą kɛ a nuąi tɔlɔi lɔpee hvo di hu;

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Maafîu 5:48

Ka wɔ túwɔ́ pələ lɛlɛ ə pɛli ɉu, yɛ pələi ka Ną́n Yálá yai gaa yələkɔlɔn ɉu, nwɛi kaa la.»

Lukə 16:8

Ɉɛn gɔw laaikɛ mun vuluɔ tii, nąmu ə mąątɛ̨nɛ̨ nwɔ gbąnąlaa túwɔ́ tii hu. Ɲɛnɛ̨ɛ̨ ŋɛ̨i hu nuą gbąnąąi di kee ni lɔwai mɛ̨nįɠaa kɛɛ hu, ə tɛɛ kɛɛ pono lonnii diɛ.»

Korɛntə dɔlɔɔ 1:28

Hɛn yɛnɛ̨ɛ̨ dɔlɔ hvo mą, diɛ viiɓo, yii mąn hvo yɛnɛ̨ɛ̨, ya ɓə Yálá ə ɉəɠə, yɛ ɉɛn yɛnɛ̨ɛ̨, vaŋą hukala a diɛ.

Korɛntə dɔlɔɔ 12:8

Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Korɛntə dɔlɔɔ 2:1

Ɲą́ą́ gbinįlee pai ŋį́ mo ká pɔɔli ną́n nonnii, və́ kɛ pa li və́ Yálá ŋą mɛ̨nį loɔ laa həli káá a gbąnąlaa woo, awala kɛ tii, kili ɲą kulɔ woo.

Korɛntə dɔlɔɔ 2:13

Kuɔn, ku hvo mɛ̨nį ta ɓoi a nu kan ŋą kilikɛɲəi woo, kɛlaa, ku kaa moi a Yálá nwɔ Kilii nwɔ mɛ̨nį lɛ pələ, kuɔ mo a Yálá nwɔ kili.

Korɛntə dɔlɔɔ 2:8

Ɲɛnɛ̨ɛ̨ ŋɛ̨i hu tɔɔɓɛlaa danɔ̨n gbɛli hvo kɛ gɔlɔn; hvo gaai, da gɔlɔn gɛ, di hvo li kɛ mąąwiɛlaa Ną́mu kpɔn kolɔwa ɓa.

Korɛntə dɔlɔɔ 3:1

Nwɛ́i ną́n nonnii, və́ kɛ pə́lə́ ɓo li káá yɛ, nuąi Yálá ŋą kilii yee kɔnma, kɛlaa ŋą́ pə́lə́ ɓo káá yɛ nuąi nu kan gili kaa diɛ, yɛ lɛapɛlɛɛ, Kristə hu.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Korɛntə veelɛ 4:3

Akɛ nwɛlɛɛ lɛlɛɛi ku kaa naa həlii, mɛ̨i kpuluɔi, mɛ̨i kpuluɔi lɔ nwun na pili nuą diɛ.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Hebreu 6:1

Yili ɓa, nu mąąkwɛli mɛ̨nį dɔlɔɔɠaai vilɛnŋąąi Kristə ɓa, ká gu yiliɠaa lɛɛ kɛa laa, ká gu nu pɔlɔ-pɔlɔ mɛ̨nįɠaa kɛ, gu hvo pənə nwɔ̨nɔ̨ gu hvo pa mɛ̨nį pɔlɔɠaa mɛ̨i, yɛ bələi: nu pulu tɔɔ haa ŋą túwɔ́ pələɠaa diɛ, laa Yálá la mɛ̨nį,

Zĩi 3:15

Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.