Korɛntə dɔlɔɔ 2:4 - Yálá laawoo hɛɓɛ (dc)

⁴ Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Kilii nwɔ huwalawala ŋą mɛ̨nį lɛ pələ;

Yálá laawoo hɛɓɛ

⁴ Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Nįį nwɔ huwalawala ŋą mɛ̨nį lɛ pələ;

Bible

⁴ Ńono-woo da mɛnii ŋá kɛ̀ m̀ôi dífe kɛ́ ni nɔ́ a la-nɛ̃ɛ maa-tare-woo-ŋa, kɛ́lɛ, dí kɛ̀ a M̀ɔlêŋ ŋɔmɛni-ŋa-lɛɛ da ŋɔwála-walai,

Korɛntə dɔlɔɔ 2:4 ပူးပေါင်းရင်းမြစ်များ

Hanwon 20:19

Nui a loo mɛ̨nįɠaa hukulɔ, nu pulu kulɔmun ni, nui a howon a mɔlɔ, ka yaa ka hvo hiɛ gee pululaa kɛ.

Hanwon 7:21

Nɛ̨ɛ̨nui tii, ə ɉulɔnon ɲąąhɛŋi a nwɔ laa kɔ́lɔ, ə ɉəɠə bələ ɓa a nwɔ laa nɛ̨ɛ̨ mąą.

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Izikiɛ 13:6

Gɛɛi da gaa, gaa a lɛɛ, diɛ hvaa a nuą ɓowo pələ, a diɛi tii da kɛ diɛ: ‹Yai-Laa woo ka!› Ɛlɛɛ yaan, Yai-Laa hvo di tí li. Ɛlɛɛ da hee diɛ kɛ Yálá ə di woo pɔ mɛ̨nį kɛ.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Gɛlaɠaa 26:28

Agripa yɛ Polə ɓa: «Nąą wolo aa lɛɛ kpɔlɔ tikpə, yɛ ə́ gɛ́ a Kristalon.»

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Korɛntə dɔlɔɔ 1:17

Gbala ə tɔɔ, Kristə hvo kɛ dɔ́ɔ́ li nuą mąąwaa mɛ̨nį ɓa, kɛlaa, nwɛlɛɛ lɛlɛɛ laa həli mɛ̨nį ɓə, və́ naa həli a kilikɛɲəi woo hukulɔ, ə gɛ, Kristə ŋą haai ə mo kolɔwa ɓa hvo pa lɛɛ a kpɛli.

Korɛntə dɔlɔɔ 2:1

Ɲą́ą́ gbinįlee pai ŋį́ mo ká pɔɔli ną́n nonnii, və́ kɛ pa li və́ Yálá ŋą mɛ̨nį loɔ laa həli káá a gbąnąlaa woo, awala kɛ tii, kili ɲą kulɔ woo.

Korɛntə dɔlɔɔ 2:13

Kuɔn, ku hvo mɛ̨nį ta ɓoi a nu kan ŋą kilikɛɲəi woo, kɛlaa, ku kaa moi a Yálá nwɔ Kilii nwɔ mɛ̨nį lɛ pələ, kuɔ mo a Yálá nwɔ kili.

Korɛntə dɔlɔɔ 4:20

Mąąhɔlɔɓo, Yálá ŋą tɔɔlaa hvo lɔ nu hvaa woo hu, kɛlaa, gaa a gu túwɔ́ pələ.

Korɛntə veelɛ 6:6

mąąhəɠəlaa hu, mɛ̨nį kɔlɔnŋąą hu, liikpələ laa hu, lii nɛ̨ɛ̨gwəi hu, a Kili-Mąąhəɠɛɛ, a wɛlikɛmąą laa leelee,

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Kolosə 2:4

Gáá yili ɓoi ti, əgɛ, nu ta hvo pa ka ɓowo, a lɛɛ wooɠaa.

Tɛsalonikə dɔlɔɔ 1:5

Gbala ə tɔɔ, nwɛlɛɛ lɛlɛɛi ku naa həlii, hvo kɛ pa li ká pɔ, a woo kpɛli-kpɛli, kɛlaa ə kɛ a huwalawalalaa, a Kili-Mąąhəɠɛɛ kɛ mɛ̨nį, naa kulaa kpɔ a neelee. Ɛlɛɛ, bələ kpɔ ɓə ə kɛ la, káá kpinįi ká kilaa ponoɔi tii ɉu, yili ə həli tii kuɔ ká pɔɔli, ká mąą mɛ̨nį ɓa.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Piɛrə veelɛ 1:16

Gáá moi kaa, ku hvo kɛ hvilɛn ni li lɛɛ pɔlɔ-kiliinŋąa pulu, ə gɛ, ku gu Ną́mu Jesus Kristə pa mɛ̨nį nwɔ huwalawala lɛ kaa, kɛlaa, kuɔ kpinįi ku nwɔ mąąwiɛ kaa a ku ɲɛ̨ikɔw.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Nwun mąąɓo 14:15

Voló mɛ̨ihveelɛ yələ, ɉilɛlɛai diɛ Samsɔn nɛ̨ą ɓa: «A kɛ tii, ku mąą kpoloon mɛ̨nį ɓə ka ku tə li la? Akɛ hvo bɔ ku hvo ə́ kələn, yɛ́ ka ə́ nąn ɲəi bɛlɛ́n nuą, li ə́ too ə́ hilɛ mu ə ɉanwon tii mukulaa lɛ yɛ, ə́ pa ə́ nɛ kuɔ.»

Nwun mąąɓo 16:5

Filisti nuą di wɔ tɔɔɓɛlaa lɔɔli di pa, diɛ Dalila ɓa: «'Lí ə́ Samsɔn ɲąą nɛ̨nɛ̨n, ɓɛi nwɔ huwalawala kaa laa, ə nąą lɛ yɛ́. Ɛlɛɛ, bələi nu yee a pɛli tɛɛi la mą, ə nɛ yɛ́, ə́ pa ə́ mo kuɔ. Ə gɛ, ku pa ku ɉon, ku ɲili. Ku nu lɔɔli, nu kəlee a wali kwɛlə waa tɔ̨nɔ̨ pulu nwundɔ̨nɔ̨ tɛɛ ə́ pɔ.»