Korɛntə dɔlɔɔ 2:15 - Yálá laawoo hɛɓɛ (dc)

¹⁵ Nui Yálá nwɔ Kilii yee kɔnma nwɛi, a mɛ̨nį kəlee hutɔɔ, ɛlɛɛ, nu ta hva pɛli naa ɲɔ̨nwɔ̨ɔ̨ ɓoi.

Yálá laawoo hɛɓɛ

¹⁵ Nui Yálá nwɔ Nįį yee kɔnma nwɛi, a mɛ̨nį kəlee hutɔɔ, ɛlɛɛ, nu ta hva pɛli naa ɲɔ̨nwɔ̨ɔ̨ ɓoi.

Bible

¹⁵ Ǹúui M̀ɔlêŋ káa gbonôi, a mɛni kélee ŋá tèe, kɛ́lɛ, núu fa ŋɔmɛni ŋá tèe.

Korɛntə dɔlɔɔ 2:15 ပူးပေါင်းရင်းမြစ်များ

Samia Veerɛi 14:17

Ə́ wɔ tínɛ̨ɛ̨nui yɛ: ‹Yálá ə gɛ, nwɔ́ mɛ̨nį nąmu tɔɔmun vaa woo ə pa bɔ́ a liilaa. Mąąhɔlɔɓo, nwɔ́ mɛ̨nį nąmu tɔɔmun gaa yɛ Yálá nwɔ malaka, ə mɛ̨nį lɛlɛɛ kɔ́lɔn, ə ɲɔ̨nwɔ̨ɔ̨ kɔ́lɔn.› Yai-Laa ə́ wɔ Yálá ə kɛ ə́ pɔ.»

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Hanwon 28:5

Nuąi da di kpɔwɔ tɛɛ mɛ̨nį ɲɔ̨n bɔ, di hvo mɛ̨nį haŋąą kɔlɔn. Kɛlaa, nuąi da Yai-Laa kwɛli, diɛ ɓə da mɛ̨nį kəlee kpaɠala kaa.

Ikilisiati 8:5

Nui a tɔ́n ɉon, tɔ́n va too mɛ̨i. Kɛlaa, kilimąą mun ə gɔlɔn yɛ, yələ ta kaa pai həlii, Yálá nwɔ kitii kaa pai nwɔ nąą kɛi ɉu.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Gɛlaɠaa 16:3

Polə ə kɛ bɔ da yaa di li, ya ɓə gɛ, ə ɉəɠə, ə ɉee kɛ́nɛ̨ ɓa, Ɉuifəɠaai kɛ laa gbinįn ɉu, di mąą mɛ̨nį ɓa. Gəlee di kɛ gɔlɔn diɛ kɛ, Timote nąn gaa a Grɛkə mun.

Korɛntə dɔlɔɔ 14:37

Akɛ nu ta a giliŋąhiɛ yɛ gaa a Yálá kwəi hukulɔ mun, a wala kɛti, aa gili hɔlɔɓo Yálá yəi, ə gɔlɔn yɛ, mɛ̨nįɠaai gáá ká tíi la, ɉɛɓɛ́i ŋɛ̨i hu, ŋą́ ɉɔlɔɓo Yálá yəi.

Korɛntə dɔlɔɔ 3:1

Nwɛ́i ną́n nonnii, və́ kɛ pə́lə́ ɓo li káá yɛ, nuąi Yálá ŋą kilii yee kɔnma, kɛlaa ŋą́ pə́lə́ ɓo káá yɛ nuąi nu kan gili kaa diɛ, yɛ lɛapɛlɛɛ, Kristə hu.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?

Filipə 1:10

káá pɛli mɛ̨nįɠaa gulɔ ɉu kɛi, yii nɛlɛɛ, káá gɛ; yili ɓə pai gɛi, ká mąą ə həɠə, ká mąąkulɔi hva kɛ káá, a Kristə ŋą hvóló;

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Tɛsalonikə dɔlɔɔ 5:21

'ká gəlee hukpɛ a kili, yii nɛlɛɛ, 'ká ká yee kanąn mą;

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.