Korɛntə dɔlɔɔ 2:13 - Yálá laawoo hɛɓɛ (dc)

¹³ Kuɔn, ku hvo mɛ̨nį ta ɓoi a nu kan ŋą kilikɛɲəi woo, kɛlaa, ku kaa moi a Yálá nwɔ Kilii nwɔ mɛ̨nį lɛ pələ, kuɔ mo a Yálá nwɔ kili.

Yálá laawoo hɛɓɛ

¹³ Kuɔn, ku hvo mɛ̨nį ta ɓoi a nu kan ŋą kilikɛɲəi woo, kɛlaa, ku kaa moi a Yálá-Nįį nwɔ mɛ̨nį lɛ pələ, kuɔ mo a Yálá nwɔ kili.

Bible

¹³ Kúfa nyíŋi lɛ̀ wóo-ŋa su nyíi núu-kpune ŋɔtárei e nɛ̀ kûai, kɛ́lɛ, kwa nɛ̀ wóo-ŋa su M̀ɔlêŋ e nɛ̀ kûai, ku Ɣâla ŋɔtɔ̃yâ-ŋai ŋá lɛ́ diai dîa M̀ɔlêŋ káa díkponôi.

Korɛntə dɔlɔɔ 2:13 ပူးပေါင်းရင်းမြစ်များ

Lukə 12:12

Mąąhɔlɔɓo, yii mąąnɛ̨ɛ̨ ka mo nąąlɔwai tii hu, Kili-Mąąhəɠɛɛ ɓə a nɛ kaa.»

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Korɛntə dɔlɔɔ 1:17

Gbala ə tɔɔ, Kristə hvo kɛ dɔ́ɔ́ li nuą mąąwaa mɛ̨nį ɓa, kɛlaa, nwɛlɛɛ lɛlɛɛ laa həli mɛ̨nį ɓə, və́ naa həli a kilikɛɲəi woo hukulɔ, ə gɛ, Kristə ŋą haai ə mo kolɔwa ɓa hvo pa lɛɛ a kpɛli.

Korɛntə dɔlɔɔ 14:2

Hvo gaai, nui a kɛi hįiwooɠaa ɓo, hvo moi nuą diɛ, kɛlaa Yálá ɓə gaa moi mą. Gbala ə tɔɔ, nuą di hva kɛ mɛ̨n ɉi; mąą nu kili ɓə a kɛ mɛ̨nįɠaa tɛi na, yɛ mɛ̨nį loɔɠaa ɓo.

Korɛntə dɔlɔɔ 2:1

Ɲą́ą́ gbinįlee pai ŋį́ mo ká pɔɔli ną́n nonnii, və́ kɛ pa li və́ Yálá ŋą mɛ̨nį loɔ laa həli káá a gbąnąlaa woo, awala kɛ tii, kili ɲą kulɔ woo.

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Korɛntə dɔlɔɔ 2:4

Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Kilii nwɔ huwalawala ŋą mɛ̨nį lɛ pələ;

Korɛntə dɔlɔɔ 9:11

Akɛ kwaa Yálá-taa mɛ̨inɛ̨ɛ̨ hin ká kili pɔ, mɛ̨nį ɲɔ̨n maa mɔ̨ɔ̨ ku ku wɔɔ hɔlɔɓo ká kɛ kolo hu?

Ifisiɛŋ 5:19

'Ká kɛ Yálá mąątɛ̨nɛ̨ wooɠaa ɓoi gee ɓa, 'káá Yálá laa tɛ wələɠaa too, da kalan nwələɠaa, 'ká kɛ wələɠaa tooi káá gu Nąmu laa tɛ la, a ká lii kəlee.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Piɛrə veelɛ 1:16

Gáá moi kaa, ku hvo kɛ hvilɛn ni li lɛɛ pɔlɔ-kiliinŋąa pulu, ə gɛ, ku gu Ną́mu Jesus Kristə pa mɛ̨nį nwɔ huwalawala lɛ kaa, kɛlaa, kuɔ kpinįi ku nwɔ mąąwiɛ kaa a ku ɲɛ̨ikɔw.