Korɛntə dɔlɔɔ 2:10 - Yálá laawoo hɛɓɛ (dc)

¹⁰ Yaan, guɔ ɓə Yálá ə nɛ guɔ, nwɔ Kilii háálai. Hvo gaai, Yálá nwɔ Kilii ɓə a mɛ̨nį kəlee hukpɛ, ə mą kɛ, Yálá nwɔ mɛ̨nį pɛliɛɠaa.

Yálá laawoo hɛɓɛ

¹⁰ Yaan, guɔ ɓə Yálá ə nɛ guɔ, nwɔ Nįį háálai. Hvo gaai, Yálá nwɔ Nįį ɓə a mɛ̨nį kəlee hukpɛ, ə mą kɛ, Yálá nwɔ mɛ̨nį pɛliɛɠaa.

Bible

¹⁰ Ɣâla a gélee lɛ́ kûa M̀ɔlêŋ sârai. Kpɛ́ni fêi, M̀ɔlêŋ a sɛŋ kélee kɔ̀ri é tóo máŋ Ɣâla ŋɔtárei kpóŋ seêi ma.

Korɛntə dɔlɔɔ 2:10 ပူးပေါင်းရင်းမြစ်များ

Zôo 12:22

Yɛ ɲąmuątaa nwɔ kpinįi kulɔ ɲəi, yii nooɔ kɛ, yɛ gulɔ pɔ̨nɔ̨ŋa.

Azaya 48:16

'Ka ka mąą lɛɠɛ mą́ą́, 'ka mɛ̨nįi ŋɛ̨i mɛ̨n, ə həɠə gɔwɔ tɔɔ yələ ɓa, və́ ta mɛ̨nį ta ɓoli loo pələi, ə həɠə nwɔ̨nɔ̨ mɛ̨nįi tii kɛ yələ ɓa, gáá lɔ ɓɛ, yili mukulaa ɓaa, Mɛ̨nį kəlee ŋą Hééɓomun Yálá ɓə dɔ́ɔ́, a nwɔ Kilii.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Danîa 2:22

mɛ̨nį yii noɔ, a gbon ɉu kwɛa, Yaa ɓə a gulɔ pɔ̨nɔ̨ŋa. Ya ɓə kpinį hu mɛ̨nį kɔ́lɔn, maahɔlɔɓo, ya ɓə kɛɛ pɔ̨nɔ̨ kaa ɲəi.

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Lukə 10:21

Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Lukə 2:26

Yálá ə gbɛa giliŋą pono yɛ mą: «Hvo pai haai hvo kɛli ya ə́ ɲɛ̨i tɔɔ Israɛlə Nwun mąąɓomun ma, yai Ną́mu Yálá ə dɔɔ.»

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Ɉaan 16:13

Dɛ̨ą Kilii tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Korɛntə dɔlɔɔ 14:30

Ka lɛɛ ɲąąkpɔn tii hu, Yálá a mɛ̨nį ta too pono ɲą nu ta ɓa, nui bələ ə kɛ na, ə naapilɛ.

Korɛntə dɔlɔɔ 2:11

Gbɛɛ ɓə kani a pɛli nu hu pələ mɛ̨nį kɔlɔn ɉii, ə kulɔ lɔ, nu kpɔwɔ kilii gaa ɉu? Bələ lɔ ɓə gaa la, mɛ̨nįi Yálá kwəi, nu ta hvo gɔlɔn, hvo kɛli lɔ Yálá nwɔ Kilii.

Galatə 1:12

ɛlɛɛmun hɔlɔɔ! Və́ ɉɔlɔɓo li nu ta yəi, nu ta hvo nwɔ̨nɔ̨ mą́ą́kwɛli mą. Kɛlaa Jesus Kristə kpinįi ɓə nɛ mą́ą́ pono ŋą.

Ifisiɛŋ 3:3

Yálá ə nwɔ mɛ̨nį loɔ tii lɛ mą́ą́, yɛ bələi ŋį́ da wolo ɓo la káá a ɉu kpua.

Ifisiɛŋ 3:5

Mɛ̨nį loɔ ti Yálá hvo ɉu pono tɔwɔ-tɔwɔ nuą ɲɛ̨i ɓa, yɛ bələi aa nɛ la kɛa yiihu nwɔ Kilii háálai nu mąąhəɠɛɛɠaai a gɛlaɠaa da gwəi mɛ̨nį hukulɔ nuą diɛ.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

M̀ɛni-lɛɛi 2:24

«Kɛlɛɛ ka wɛi, kaai Tiatirə, kaai ka hvo kɛ lɔ li galan bələ ɲɔ̨nwɔ̨ɔ̨ tii hu, ɛlɛɛ, ká hvo nwɔ̨nɔ̨ ká yee too li ɓilihi ŋą mɛ̨nį loɔ kpon ɉu kwɛa tii hu, və́ pai tíɛ̨ wiaa takpɛli laai ka nwuɔ̨.