Korɛntə dɔlɔɔ 16:6 - Yálá laawoo hɛɓɛ (dc)

⁶ Ŋą́ pa, gu kaa pai lɔwai tawolo kɛi gu kee ɓa, ŋą́ pa, ŋą́ lɛɛ laa ə lɛɛ la ɉu hąmą lɔɔ ə kpɛɛ. A kɛ tii, ɓɛɠaai ŋą́ kɛi pa lii laa, ká kpɔnmąą tɛɛ bɔ́ ŋą́ li laa.

Yálá laawoo hɛɓɛ

⁶ Ŋą́ pa, gu kaa pai lɔwai tawolo kɛi gu kee ɓa, ŋą́ pa, ŋą́ lɛɛ laa ə lɛɛ la ɉu hąmą lɔɔ ə kpɛɛ. A kɛ tii, ɓɛɠaai ŋą́ kɛi pa lii laa, ká kpɔnmąą tɛɛ bɔ́ ŋą́ li laa.

Bible

⁶ Ɣele da ŋa pâi lɛɛ̂i kápɔ naa, kpaa máŋ ŋa zamai tɛ́ɛ kákɔɔ mɛi a gɛ́ɛ ƃɛi kélee ŋa liî naai ká ńdɛɛ.

Korɛntə dɔlɔɔ 16:6 ပူးပေါင်းရင်းမြစ်များ

Gɛlaɠaa 15:3

Antiɔsə kalan gbɔn ə ɉiɛ kulɔ wali kɛ. Di tɛɛ Fenisi lɔi da Samari lɔi hu pələ. Diɛ huwu takpɛliɠaa lɔ mɛ̨nį kalan ɉu, hukulɔ, diɛ gu nąn nonnii kəlee kwəinɛ̨ɛ̨ a yili.

Gɛlaɠaa 17:15

Nuą ti li Polə tɔɔi bələi, da diɛni də li kpɔ di həli Atɛnə daai. Yili pulu, di yali di pulu, di pa a Polə nwɔ wɛlɛɛ Silasə da Timote di pɔ, ə gɛ, yiliɠaai di laŋąn mą, a mąąhulaa.

Gɛlaɠaa 20:38

Yii kpɔ liihɛlɛn doo diɛ, ya ɓaa: Kɛi Polə ə mo diɛ: «Di hvo kɛa pai ɲɛ̨ilaai gaai.» Yili pulu, di lɛɛ bulu dəli di dɔɔ pələi ɓɛi da gələn ɉəɠə laai.

Gɛlaɠaa 21:5

Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Gɛlaɠaa 27:12

Gələn dɔɔi hvo kɛ lɛlɛ li, kuɔ pɛli lɛɛi laa hamąlɔɔ yee mu, nu mɔlɔɓɛlaa di kɛ bɔ ku həɠə laa, ɛlɛɛ, pɛlimąą a kɛ ɉu, ku həli Fenisə Krɛtə lɔi hu kələn dɔɔi ta li kɛ, ɲɛ̨i tínɛ̨nŋąą voló tooi pələ, kuɔ pɛli hamąlɔɔ kɛi laa.

Gɛlaɠaa 28:11

Ɲąnįn ɉaaɓa kulaa ɉu ɓə ku ku muhəɠə la ku tɛ kələn ta ɉu; gələn tii aa kɛ hamą lɔɔ kɛ laa, Alɛsandri kələn da li kɛ. Gɔlɔn ɉɛn ɓa kɛ a: Dioskurəɠaa mąą nįnįn.

Lomaŋ 15:24

Ŋą́ kɛli pa lii Ɛspaɲə lɔi hu, gáá pai həli ka pɔɔli. Ŋą́ kɛi tɛɛ gɛ́ li, gáá bɔ ŋą pa ŋį́ ɲɛ̨́i tɔɔ kaa, ə lɛɛ ŋį́ ka wɔ kpɔnmąą hɛn ɉɔlɔɓo gɛ́ li la nɔi ti hu, akɛ gwa kaa ni gwa lɔwai tawolo kɛ gu kee ɓa.

Korɛntə dɔlɔɔ 16:11

Nui lɔpee ta hvo mɛlɛkpɛɛ ma, yaamun, ka kpɔnmąą tɛɛ bɔ, ə gɛ, ə nwɔ hiɛ kulɔ liilaa hu, ə gɛ, ə pənə ə pa, ə həli mą́ą́. Mąąhɔlɔɓo, kwa gu nąn nonnii ku kaa mąąkpɔn ɉii.

Korɛntə veelɛ 1:16

yili pulu, ŋą́ həɠə ká pɔɔli, ŋį́ li kɛ Masedoanə, ŋą́ həɠə nwɔ̨nɔ̨ Masedoanə pələ, ŋį́ tɛɛ ká pɔɔli pələ, káá kɛa dɔ́ɔ́ bələi, a hɛn mąąkpaan gaa mą́ą́, gɛ́ li Ɉude lɔi hu pələ.

Taitɔ 3:12

Ɓɛlɔwai gáá pai Artemasə, awala kɛ ti, Tisikə tɔɔi la ə́ pɔɔli, gɛ pələ kwɛli mą, ə́ pa, ə́ gáá Nikopolisə. Nąą ɓə, ŋą́ naa gwə́i gɛ́ ŋį́ lɛɛ laa ɉamą-yá tɛɛ.