Korɛntə dɔlɔɔ 16:2 - Yálá laawoo hɛɓɛ (dc)

² Lɔwɔ tɛitɛi ŋą hvoló tɔlɔɔ, yii nu tɛitɛi a pɛli ɉɔlɔɓoi, yɛ gulɔ ɲəi hɛnŋaa hu, yɛ naa gwɛlɛ, yɛ bələi ŋą yee pɛli mąą laa kaa la; 'ká hvo bái lɔwai mąąkpɔn, ɉɛnŋaa tii ɲąąkpɔn mɛ̨nį ɓa.

Yálá laawoo hɛɓɛ

² Lɔwɔ tɛitɛi ŋą hvolo tɔlɔɔ, yii nu tɛitɛi a pɛli ɉɔlɔɓoi, yɛ gulɔ ɲəi hɛnŋaa hu, yɛ naa gwɛlɛ, yɛ bələi ŋą yee pɛli mąą laa kaa la; 'ká hvo bái lɔwai mąąkpɔn, ɉɛnŋaa tii ɲąąkpɔn mɛ̨nį ɓa.

Bible

² Lɔku kélee su ŋele-kûu maa-ŋuŋ, zɛŋ núu kélee a zɔlɔ ƃôi, e da lâai kɛ́ yɛ̂ɛ berei a zɔlɔ ƃô lai, a gɛ́ɛ tãi ŋà pà lai, ve kɛ́ a sɛŋ ŋá kámarê kɛ́ sɛŋ-kao mɛni ma.

Korɛntə dɔlɔɔ 16:2 ပူးပေါင်းရင်းမြစ်များ

Zɛnɛse 26:12

Mąą kwɛlan tii hu, Isaakə ə tíi kɛ nɔi tii hu, ɉi hɛnŋąą di lɛlɛ kpɔ kɛnɛ̨, yii ə ɉi, ə ɉeei nwun dɔ̨nɔ̨ hɔlɔɓo. Mąąhɔlɔɓo, Yai-Laa ə lúwɔ́ too mą.

Zɛnɛse 30:27

Laban ə nwoo ŋąąpənə, yɛ mą: «Ɉakɔbə, ə́ wəli tɔɔ kpɔ a nɛlɛɛ, nwɔ́ haliɠaai daa nɛ mą́ą́, diɛ: Yálá hvulu aa lúwɔ́ too ɲə́i hɛnŋąą diɛ, ə́ mąą mɛ̨nį ɓa.»

Zɛnɛse 30:30

Gɛɛ kɛ və́ pa, gbulu hu hvo kɛ kɛnɛ̨ li. Yii hu kɛa, ɉu aa kɛnɛ̨, Yai-Laa aa lúwɔ́ too yɛ́, mąąhɔlɔɓo, gáá ə́ yəi bɛlɛ́n. Yili ɓa, mąąnɛ̨ɛ̨ kɛa ɲą́ą́ gbɛli ŋį́ li ŋį́ kóló kɛ nwɔ́ pɛ́lɛ́i ɓa.»

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Zɛnɛse 33:11

Mɛ̨inɛ̨ɛ̨ ŋɛ̨i ŋį́ paa la, ə́ yee hee mu. Mąąhɔlɔɓo, Yálá ə ɲɛ̨i lɛlɛɛ hee mą́ą́, yii kpɔ ŋį́ kɛ bɔ, gəlee kaa ɲə́i.» Ɉakɔbə ə kpala kpɔ Esau la, yili ə ɲee hee mu.

Kɔlɔnikɔ Veerɛi 31:10

Ya ɓə ɉaláá laa həli mun gɛnɛ̨ Azariahu, yai a Sadɔkə huwu hu mun da, ə nwoo ɲąą pənə, yɛ mą: «Yii kpɔ nuą di gbala tɔɔ diɛ pa, a hɛn mąąnɛ̨ɛ̨ di gulɔ di hɔlɔɓo hɛn ɉu a Yálá nwɔɔ, diɛ paa la Yai-Laa nwɔ pɛlɛ́i mui, kwa hɛn mį́i, kuɔ pilɛ ɉu, gbəli yɛ lɛɛ kpɔ kɛnɛ̨. Mąąhɔlɔɓo, Yai-Laa aa lúwɔ́ too nwɔ nuąi diɛ, gbəli ka buɔ gee mɛ̨i.»

Markə 14:8

Yii kɛ a nɛ̨ɛ̨nui ŋɛ̨i yee pɛli mąą mɛ̨nį yili ka tii aa gɛ. Aa ɉáái lɔwai lɛɛ tɔwɔ aa gɔ́lɔ́ mąą tii, ə gɛ, mą́ą́ kun ə kɛ pai a nɛ̨ɛ̨ gámą hu.

Lukə 16:10

Nui a tələnmolaa kɛ mɛ̨nį logolo hu, a pɛli tələnmolaa kɛi mɛ̨nį kɛnɛ̨ hu. Nui a hulu kɛ mɛ̨nį logolo hu, a hulu kɛ lɔ nwɔ̨nɔ̨ gɛnɛ̨ hu.

Lukə 24:1

Ɉimahi ɲələ yələ wala pɔ, nɛ̨ą tii di həɠə diɛ li Jesus kámą la a di wɔ wulɔ kun nɛ̨ɛ̨ɠaa di bɛli.

Ɉaan 20:19

Voló tɔ̨nɔ̨i tii hu, a nɔwɔ kuu voló tɔlɔɔ yələ, yələ wilii pɔ, galan nɛa di kɛ pɛlɛ́n naakpulɔɔ diɛ. Mąąhɔlɔɓo, di kɛi ɲɔ̨w Ɉuifə nwun nąmįną diɛ. Jesus ə lɔ, ə tɔɔ di lɔwai, yɛ diɛ: «Liilaa ə kɛ ka pɔ.»

Ɉaan 20:26

Lɔwɔ tɔ̨nɔ̨ tɛɛ pulu, galan nɛa kəlee ŋąąkpɔn ŋąąi kɛ bɛlɛ́n da Tomasə ni. Bɛlɛ́ɠaa kəlee laakpulɔɔ diɛ, Jesus ə lɔ ə tɔɔ di lɔwai yɛ diɛ: «Liilaa ə kɛ ka pɔ.»

Gɛlaɠaa 20:7

Nɔwɔ nwɔ hvoló dɔlɔɔ yələ, ku ɲąąkpɔnŋąąi kɛ nɛɠɛ mįi mɛ̨nį ɓa, yii Polə ə kɛli pa lii a mąą yələ laaɓoɔ, ə kɛli galan nɛa kalan, ə lamun gbɔ pələ ɓoi diɛ, ə lɛɛ ɉu kwii hąą ə mɛlaɓo.

Korɛntə veelɛ 8:10

Liɛwoo ka ti gáá dɛɛ ká pɔ yili hu: Hvo gaai, yili ɓə bɛliɛ káá, gwɛlan tɛɛ, káá ɓə kɛ a nu tɔlɔɔɠaa, gilii ti ə too káá, káá gɛ.

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

M̀ɛni-lɛɛi 1:10

Kili-Mąąhəɠɛɛ ə ɉə́ɠə a gu Nąmu ŋą hvólói, ɛlɛɛ, ŋą́ woo kɛnɛ̨ ta mɛ̨n búlú pələ, ə ɓo yɛ tulu woo,