Korɛntə dɔlɔɔ 15:54 - Yálá laawoo hɛɓɛ (dc)

⁵⁴ Ɓɛlɔwai gɔlɔ kɔ́hɔɓoɔ ŋɛ̨i mąą kaa pai hvalin ɉi la, a mąąhəɠɛɛ, ɉaa kɔ́lɔi ŋɛ̨i mąą ə hvalin a yii haa hvo mą, a kɛ tii, ɉɛɓɛ́ hu woo pɔ mɛ̨nį a kɛ, yai ə kɛ mą: Yee tɛɛmąą aa haa kpələ.

Yálá laawoo hɛɓɛ

⁵⁴ Ɓɛlɔwai gɔlɔ kɔ́hɔɓoɔ ŋɛ̨i mąą kaa pai hvalin ɉi la, a mąąhəɠɛɛ, ɉaa kɔ́lɔi ŋɛ̨i mąą ə hvalin a yii haa hvo mą, a kɛ tii, ɉɛɓɛ́ hu woo pɔ mɛ̨nį a kɛ, yai ə kɛ mą: Yee tɛɛmąą aa haa kpələ.

Bible

⁵⁴ Gbonoi nyíi pâi saâi à kɛ̀ yɛ̂ɛ gbonoi nyíi ve pâi saâi, da gbonoi nyíi ŋɔfúlu-laai koyâŋ káa mai à kɛ̀ yɛ̂ɛ gbonoi nyíi ŋɔfúlu-laa koyâŋ fe mai, gɛ̀ ní mɛni-ŋai ŋí bɔ̃yɛɛ̂i a pâi kɛ̂i: “Yee-tɛɛ-maa a saa kpele.”

Korɛntə dɔlɔɔ 15:54 ပူးပေါင်းရင်းမြစ်များ

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Lukə 20:36

Haa mɛ̨nį hvo kɛa diɛ, di kɛ pələ a kɛ yɛ malakaɠaa. Di kaa Yálá lonnii, mąąhɔlɔɓo, daa nwun.

Lomaŋ 1:23

Diɛmun, di hvo gɛ li, Yálá ŋɛ̨i a vulúmąą, di hvo kɛnɛ̨ pələ mąąwiɛ. Daa li diɛmun, diɛ haa hɛnŋąa mąąwiɛ, yɛ pələi: Nu kan gaa la, nwɛ̨nį, ɛlɛɛ, huwɔɠaa da tala-hɛnŋąa.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Lomaŋ 6:12

Mąą hvo nɛ̨ɛ̨li nɛ̨ŋɛ̨n və kɛa tɔɔlaa kɛ ka mɛ̨i pələi mɛ̨n ka káá pai haai la, ə gɛ, ka hvo pa hvilɛn kɔ́lɔ liiɓa pulu kaa gɛ.

Lomaŋ 8:11

Akɛ Yálá nwɔ Kilii ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Kilii ti ka hu, ɉáálai.

Korɛntə veelɛ 4:11

Hvo gaai, yələ kəlee, kuɔi ku hvulú kɔwɔ ɲą, da ku kwɛlɛ haa ɓa, Jesus mąą mɛ̨nį ɓa, ə gɛ, Jesus ŋą yɛnɛ̨ɛ̨ yɛ pɛli tooi la pono ŋą kpɔ hələ-tətə, ku kɔlɔ hu, yai haa kaa mą.

Korɛntə veelɛ 5:4

Ɓɛlɔwai gu kaa ni la ɲɛ̨nɛ̨ɛ̨ pɛlɛ́i ŋɛ̨i mui, gu kaa ɲiŋɛ̨i yɛ tiɛ̨ kɛnɛ̨ a kɛ gu nwuɔ̨, tɛ̨ą li, hvo kɛli gu kulɔ nu kɔ́lɔ hu, kɛlaa, ku kaa bɔ ku yələkɔlɔn ɉu nwɛi tɛ mą, ə gɛ, yɛnɛ̨ɛ̨ kpɛɛ hvo mą, ə hɛn haa kaa mą mąą hvalin.

Tɛsalonikə veelɛ 1:10

a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.

M̀ɛni-lɛɛi 20:14

Ya ɓə di haa da ŋąmuątaa di di pili nwɔ̨n máɠa hu. Nwɔ̨n máɠai tii ɓə a haa veelɛnąą!

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»