Korɛntə dɔlɔɔ 15:3 - Yálá laawoo hɛɓɛ (dc)

³ Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;

Yálá laawoo hɛɓɛ

³ Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;

Bible

³ Kpɛ́ni fêi ŋá mɛnii tɛ̀ɛ kápɔ a maa-ŋuŋ, nyíi ńyãa máŋ ŋá zɔlɔ ƃôi, a gɛ́ɛ Kôrai e sàa kúsɔnyɔ̂ŋ mɛni ma yɛ̂ɛ berei Ŋ̀âla-kɔlɔi a mò lai,

Korɛntə dɔlɔɔ 15:3 ပူးပေါင်းရင်းမြစ်များ

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Izikiɛ 3:17

«Hulɔnu lon, gáá ə́ tɔɔi yɛ kɛɛnąą mąąhɛn mun, Israɛlə nwɔ pɛlɛ́i mąą mɛ̨nį ɓa; yá woo ta mɛ̨n, yɛ həɠə ná, mąąnɛ̨ɛ̨ ə́ di kili pu ɉu náá hu.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Gɛlaɠaa 17:2

Yɛ bələi Polə a gɛ la a bɔlɔ, ə li ə Ɉuifəɠaa kaa di wɔ Yálá hvɛli pɛlɛ́ mu. Hvįįtɔɔ yələ haaɓa yee mu, lɔ ti gee la, ə kɛli pələ ɓo diɛ, yɛ kulɔ Yálá lawoo hɛɓɛ́ hu.

Gɛlaɠaa 3:18

Kɛlaa, mɛ̨nį wɔlɔ Yálá ə mo Yálá kwəi mɛ̨nį hukulɔ nuą laaləi, ya ka ti bɔ mɛ̨nį aa kɛ; yaai ə kɛ mą: Nuą Nwun mąąɓomun Yálá ə naakwɛlanmo, hvo kɛli kɛ ə mɔ̨nɔ̨ mį́į́.

Gɛlaɠaa 8:32

Ɓɛi ti ə kɛi nąą ɓo, ɉɛɓɛ́ hu, nąą ka: «Ə kɛ yɛ ɓɛlaai di lii baai, naa pilaa kɛ yɛ ɓɛlaai di ka nɛɠa mɛ̨i teei, naa pilaa lɔ kɛ, hvaa hvo kulɔ na.

Lomaŋ 3:25

Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Korɛntə dɔlɔɔ 11:2

Ŋą́ ká mąątɛ̨nɛ̨i, gɛ mɛ̨nį ną́ą́kili a too ká ɲą mɛ̨nį kəlee hu, ɛlɛɛ, ká yee kanąn mɛ̨nį gu yíi pələ ɓa, yɛ bələi ŋį́ nɛ la káá.

Korɛntə dɔlɔɔ 11:23

Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Galatə 1:12

ɛlɛɛmun hɔlɔɔ! Və́ ɉɔlɔɓo li nu ta yəi, nu ta hvo nwɔ̨nɔ̨ mą́ą́kwɛli mą. Kɛlaa Jesus Kristə kpinįi ɓə nɛ mą́ą́ pono ŋą.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Hebreu 5:1

Ɉaláá laa həli mun gɛnɛ̨ɛ̨ lɔpee di kɛi ɉəɠə, da ɉəɠə kɛ nu kanŋaa lɔwai, di ɉee nu kanŋaa mąą mɛ̨nį ɓa, yɛ di mąą mɛ̨nį laa həli Yálá ɓa. Nwɔɔ mąą tíi ɓaa, ə Yálá kɔ hɛn naa həli, ə nɛ̨ŋɛ̨nŋaa mąą haláá kulɔ.

Hebreu 5:3

ɛlɛɛ, yili mąą mɛ̨nį ɓa, hvo kɛli, ə gbɔwɔ mąą haláá kulɔ, yɛ bələi a nɔi lonnii mąąhaláá kulɔ la, di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Piɛrə dɔlɔɔ 1:11

Kristə nwɔ Kilii kɛ di hu, yɛ, mɔ̨nɔ̨ɠaa da mąąwiɛlaai kɛi pa həlii Kristə ɓa mąą mɛ̨nį ɓo, ɲələ tɔwɔ, ya ɓə di kɛli ɲələ da guui ə ɉee, gwɛli.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,