Korɛntə dɔlɔɔ 15:10 - Yálá laawoo hɛɓɛ (dc)

¹⁰ Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Yálá laawoo hɛɓɛ

¹⁰ Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Bible

¹⁰ Kɛ́lɛ, Ɣâla ŋɔƃɛlɛ-sêei su, ŋ́gaa yɛ̂ɛ berei ŋ́gaa lai, ǹyaŋ ŋɔƃɛlɛ-sêei gáa ḿɛni mai ve kɛ́ ni kpɛni-kpɛni. Kɛ́lɛ, ŋá tíi támaa kɛ̀ e tɛ́ɛ díkelee dîa, berei máŋ la ńyãa fe gɛ níi, kɛ́lɛ, Ɣâla ŋɔƃɛlɛ-sêei ƃe gɛ, nyíi gáa ḿbôlui.

Korɛntə dɔlɔɔ 15:10 ပူးပေါင်းရင်းမြစ်များ

Maafîu 10:20

Yii a tɛ ka la, ka mo. Hvó gaai, pələi ka káá pai moi, hva həɠə ka pɔ, ka Ną́n nwɔ Kilii ɓə a dɛ ka la.

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.

Lomaŋ 11:1

Gɛ́ mą: Akɛti Yálá aa lənə mɔ̨ɔ̨ nwɔ nuąi diɛ? Kpaa-o! Hvo lənə li diɛ. Mąąhɔlɔɓo, ɲą́ą́ kpinįlee gaa a Israɛlə mun da Abrahamə huwu hu mun, ŋą́ kulɔ Bɛnɉamɛn yəi bɛlɛ́n.

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Korɛntə dɔlɔɔ 15:11

Ə kɛ a ɲą́ą́, ə kɛ a diɛ, yili ɓə ku kaa naa həlii, ɛlɛɛ, yili ɓə ká laa na.

Korɛntə dɔlɔɔ 15:2

ɛlɛɛ, yai ɉaalai ɓə ka káá pai ɓaloi la, akɛ ka ká yee kanąn mą, yɛ bələi ŋį́ naa həli la kaa; ka wala yili kɛ tii, ká wɔɔ laa na laa a lɛɛ a kpɛli.

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə dɔlɔɔ 3:6

Ɲą́ą́ ɓə ɉin, Apɔlɔsə ə yá pu mą, kɛlaa, Yálá ɓə gɛ yɛ kɛnɛ̨.

Korɛntə dɔlɔɔ 4:7

Gbɛɛ ɓə ə́ hviɛlaɓo ə ə́ tɛɛ ə́ ɓɛlaa diɛ? Lə ɓə ə́ yəi, yai di hvo ə́ kɔ la? Ɛlɛɛ yaan, akɛ di ə́ kɔ lai, ə́ kpɔwɔ ɲąąkɛnɛ̨ mɛ̨nį nwun maa a lə, yɛ da wala ə́ kɔ la?

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Korɛntə veelɛ 3:5

Ə kɛ ŋɛ̨i kwa pɛli lɛɛi ku kpɔwɔ ɓa, ku kpɔwɔ hvan ɉu, kuɔ pɛli mɛ̨nį lɔpee ta kɛi, yili hvəə, ku hvaŋą a həɠə Yálá yəi.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Galatə 2:8

hvo gaai, bələi lɔ Yálá ə Piɛrə kɛ la a kɛla Ɉuifəɠaa lɔwai, bələ lɔ ɓə ə gɛ́ la a huwu takpɛliɠaa di wɛi.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Tɛsalonikə dɔlɔɔ 5:12

Ku kaa ɉuhvɛlii káá ną́n nonnii, kuɔ, nuąi ká lɔwai, diɛ ká mɛ̨ikaa gu Nąmu hu, diɛ tɔɔ a di nwąnąi diɛ ká tənən, 'ká mąąwiɛlaa kɛ diɛ,

Timote dɔlɔɔ 4:10

Gbala ə tɔɔ, akɛ gu kaa mɔ̨nɔ̨ mįi, ɛlɛɛ, guɔ kɔ́, gu kili ɓə gu dɔɔ Yálá hvúlúmąą ɓa, yai a nu kanŋaa kəlee ɓalomun, gəlee ə mą kɛ, laa na nuą.