Korɛntə dɔlɔɔ 14:6 - Yálá laawoo hɛɓɛ (dc)

⁶ Ną́n nonnii, gbəli ŋá pa ká pɔɔli, gɛ́ bələ ɓo káá hį́iwooɠaa hu, yili dɔlɔ ɓaa a lə? Akɛ, hvo mɛ̨nį ta tooi pono ɲą, mɛ̨nį kɔlɔnŋąą hvo ɉu, Yálá kwəi mɛ̨nį hukulaa hvo ɉu, hvo mɛ̨nį ta lɛi káá?

Yálá laawoo hɛɓɛ

⁶ Ną́n nonnii, gbəli ŋá pa ká pɔɔli, gɛ́ bələ ɓo káá hį́iwooɠaa hu, yili dɔlɔ ɓaa a lə? Akɛ, hvo mɛ̨nį ta tooi pono ɲą, mɛ̨nį kɔlɔnŋąą hvo ɉu, Yálá kwəi mɛ̨nį hukulaa hvo ɉu, hvo mɛ̨nį ta lɛi káá?

Bible

⁶ Ŋánûa, à kɛ̀ ŋà pà kápɔ ŋ́gɛ lono a sii-woo-ŋa nyíi-ŋai káfa târe dísui, le ƃe ka pɔ̂ri gulâi zu, fɛ̂ɛ ŋa pa kápɔ a mɛni-ŋai Ɣâla a ǹɛ́ mai, kpaa táre, kpaa Ɣâla-woo ƃóɔ, kpaa máŋ sɛŋ lɛ́ɛ?

Korɛntə dɔlɔɔ 14:6 ပူးပေါင်းရင်းမြစ်များ

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Lomaŋ 15:14

Yii hvilɛn na ka mąą mɛ̨nį ɓa, ną́n nonnii, ɲą́ą́ kpinįi náái kpɔ na, gɛ́, ká laahvɛɛi a mɛ̨nį lɛlɛɛ kɛ mɛ̨nį, ká pilaa a mɛ̨nį kɔlɔnŋąą; ɛlɛɛ, káá pɛli ka keeni kilaa ponoi.

Lomaŋ 16:17

Ną́n nonnii, gáá ka liɛwoo ɓoi, gɛ́: nuąi di kaa a kɔ́wɔ tuwo kwɛni, diɛ ɓɛlaɓo too ka lɔwai, dɛ̨ąwooi di ka mąąkwɛlima daa nɛɛ laa, ka ka kpɔɔ mɛ̨i kaa di mąą mɛ̨nį ɓa; 'ká ka mąą kwɛa diɛ.

Lomaŋ 6:17

Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Korɛntə dɔlɔɔ 10:33

Yili ɓə a gɛ, ɲą́ą́ gbínįi ŋą́ tɔɔ a nwą́ną́i, gɛ́ gbɔ́wɔ́ lɛlɛ pələ kwɛli nu kəlee ɲɛ̨i ɓa mɛ̨nį kəlee hu, a gbɔ́wɔ́ tɔ̨nɔ̨i vá gwɛli, kɛlaa, nu kpulu kɛnɛ̨ nwɛi, ə gɛ, di nwun mąą ə ɓo.

Korɛntə dɔlɔɔ 14:1

'Ká wɛlikɛmąąlaa kwɛli, Kili yəi mɛ̨inɛ̨ɛ̨ɠaa mąą lii ə too ká kwəi; gəlee ə mą kɛ, Yálá kwəi mɛ̨nį hukulaa.

Korɛntə dɔlɔɔ 14:7

Gɛ pələ kaa lɔ yɛ hvɛli-kɛ-hɛnŋaa, yɛ bələi Túlú, awala kɛ tii, gwɛnįn. Akɛ vɛlii tii kɛ nuą da wala kɛ gɛi a ɉuponoɔ, wələi di kaa dooi, nu ya pɛli gɔlɔn ɉii ləi?

Korɛntə veelɛ 11:6

Ŋą́ gɔlɔn, náákpan ɉu hvo tee li mɛ̨nį ɓoi, kɛlaa, yii hvilɛn na mɛ̨nį kɔ́lɔn ŋąą ɓa, nwɛi gaa ɲə́i. Mɛ̨nį kəlee hu, a pələ huwu kəlee, kwaa yili kpaɠala lɛ káá.

Korɛntə veelɛ 12:1

Hvo kɛli mɔ̨ɔ̨ nu ə gbɔwɔ ɲąą kɛnɛ̨, ya pa, hɛn da hvo ɉu! Ɛlɛɛ yaan, gwɛlɛɛn gɛɛɠaai da mɛ̨nįɠaai gu Nąmu ə di lɛ mą́ą́i, ŋą́ą́ həli diɛ.

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Ifisiɛŋ 1:17

Gu Nąmu Jesus Kristə nwɔ Yálá, Nąn, yai mąąwiɛlaa kəlee kaa a nwɔɔ, ə ká kɔ́ a mɛ̨nį hukpɛ kili, yɛ Yálá mąą mɛ̨nį hu pono ká ɲɛ̨i ɓa, káá pɛli gɔlɔn ɉii la a neelee;

Ifisiɛŋ 3:4

Ká kɛli ɉɛɓɛ́i ŋɛ̨i ɓo, bələi ŋą́ Kristə mąą mɛ̨nį loɔ kɔlɔn na, ká pɛli yili kpaɠala kaai.

Filipə 3:15

Guɔ yiiɠaai kɛa gwaa gu kpɛlaan ɉee Yálá kɔ́lɔn mɛ̨nį hu, mąąnɛ̨ɛ̨ gu túwɔ́ pələ ə kɛ tii. Akɛ mɛ̨nį taɠaa hu, ká wɔɔ kiliŋąhiɛ kaa a dakpɛli, Yálá kaa lɔ pai ká kilaa ponoi yili hu.

Timote veelɛ 2:14

Mɛ̨nįi tii kili too nu kəlee ɲą, ə́ ɲąą wala kpɔ, 'di tí la a ə́ nwąnąi Yálá ɲɛ̨i ɓa, yɛ́ diɛ: di hvo kɛ a hvaa kɛ nuą, woo tamąą mąą mɛ̨nį hu, yili dɔlɔ hvo mą; hvo kɛli lɔ ə mɛ̨n nuą nwun ɉu lan.

Timote veelɛ 3:10

Kɛlaa ə́ wɛi, ə́ kɛ bɔ́ gɛ́ nuą mąąkwɛli a mɛ̨nįɠaa, dúwɔ́ pələɠaa hu, nwɔ́ kiliŋąhiɛɠaa hu, nwɔ́ laa na laa, nwɔ́ liikpələ laa hu, nwɔ́ wɛlikɛmąąlaa hu, nwɔ́ tɔɔ a nwąnąi laa hu,

Timote veelɛ 3:16

Ɉɛɓɛ́ mąąhəɠɛɛ hu wooɠaa kəlee di həɠə Yálá pɔ, da pɛli nu mąąkwɛlii, diɛ nu ɲąątɔɔ a mɛ̨nį lɛlɛɛ kɛɛ, diɛ nu hutɔɔ, diɛ nu hvilɛn tələnmo pələ mɛ̨i,

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Piɛrə veelɛ 1:5

Yili mąą mɛ̨nį ɓa, ka ka hvanwalɔ, ə gɛ, ka mɛ̨nį lɛlɛɛ pɛlɛ ka wɔ laa na laa ɓa, ka mɛ̨nį kɔ́lɔn ŋąą pɛlɛ ka wɔ mɛ̨nį lɛlɛɛ kɛɛ ɓa,

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Zɔ̂ŋ Veerɛi 1:9

Nui lɔpee a mąą kwea mą ɛlɛɛ, hvo lɛɛ li Kristə ŋą laa na pələi mɛ̨i, akɛ tii, Yálá nwɛi ta hvə li. Nui a lɛɛ laa na pələ mɛ̨i, kɛ tii aa, Nąn da Non di hɔlɔɓo.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.