Korɛntə dɔlɔɔ 14:37 - Yálá laawoo hɛɓɛ (dc)

³⁷ Akɛ nu ta a giliŋąhiɛ yɛ gaa a Yálá kwəi hukulɔ mun, a wala kɛti, aa gili hɔlɔɓo Yálá yəi, ə gɔlɔn yɛ, mɛ̨nįɠaai gáá ká tíi la, ɉɛɓɛ́i ŋɛ̨i hu, ŋą́ ɉɔlɔɓo Yálá yəi.

Yálá laawoo hɛɓɛ

³⁷ Akɛ nu ta a giliŋąhiɛ yɛ gaa a Yálá kwəi hukulɔ mun, a wala kɛti, aa gili hɔlɔɓo Yálá yəi, ə gɔlɔn yɛ, mɛ̨nįɠaai gáá ká tíi la, ɉɛɓɛ́i ŋɛ̨i hu, ŋą́ ɉɔlɔɓo Yálá yəi.

Bible

³⁷ À kɛ̀ gáa núu da kíli ŋá a gɛ́ɛ gáa a Ɣâla ŋɔlóno-kɛ-nuu, kpaa máŋ M̀ɔlêŋ ŋɔsama-sãai díkaa gbonôi, gɛ̀ ní, fɛ́ɛ e gɔ́lɔŋ a gɛ́ɛ mɛnii ŋ́gaa bɔ̃yɛ̂i kápɔ-naai, gáa a Kúnuu-namui ŋɔtɔ̂ŋ.

Korɛntə dɔlɔɔ 14:37 ပူးပေါင်းရင်းမြစ်များ

Lonon mo 24:16

nui a Yálá wooɠaa mɛ̨n, nui Hɛn Gəlee mɛ̨i Mun nwɔ Kilii kaa mɛ̨i. Nui Huwalawala Kəlee Nąmu a mɛ̨nį lɛ mą, yɛ gaa hįį hu pələ, ɛlɛɛ ɲɛ̨i kɔ́w yɛ mɛ̨nį mąąkpɛɛ, nwoo ka.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Korɛntə dɔlɔɔ 14:29

Yii ɓaa Yálá kwəi mɛ̨nį hukulaa nwɛi, ə lɛɛ lɔ nu hveelɛ ɉaaɓa la, di ɓɛlaa di di laa pilɛ, yii nuąi tii kaa moi, diɛ ɉutɔɔ.

Korɛntə dɔlɔɔ 14:36

Gaa ká kwəi, ka pɔɔli ɓə Yálá lawoo ə gɔwɔ tɔɔ laa? Gaa ka kwəi kaa tɔ̨nɔ̨ ɓə kaa ɉɔlɔɓo?

Korɛntə dɔlɔɔ 14:38

Nui a wala gɔlɔn dii, Yálá yaa kpɛli, hvo mąą nu kɔ́lɔn.

Korɛntə dɔlɔɔ 2:15

Nui Yálá nwɔ Kilii yee kɔnma nwɛi, a mɛ̨nį kəlee hutɔɔ, ɛlɛɛ, nu ta hva pɛli naa ɲɔ̨nwɔ̨ɔ̨ ɓoi.

Korɛntə dɔlɔɔ 3:1

Nwɛ́i ną́n nonnii, və́ kɛ pə́lə́ ɓo li káá yɛ, nuąi Yálá ŋą kilii yee kɔnma, kɛlaa ŋą́ pə́lə́ ɓo káá yɛ nuąi nu kan gili kaa diɛ, yɛ lɛapɛlɛɛ, Kristə hu.

Korɛntə dɔlɔɔ 7:25

Yii hvilɛn na mąąɲąŋąąɠaa diɛ, gu Nąmu hvo dí li a mɛ̨nį ta, kɛlaa, nwɔ́ giliŋąhiɛ ka ŋɛ̨i gáá nɛi, yɛ nui gu Ną́mu nwɔ ɲɛ̨imąąwɛli kaa háálai, nuą da di kilitɔɔ mą, nwoo.

Korɛntə dɔlɔɔ 7:40

Kɛlaa yaamun, yɛ bələi nwɔ kiliŋąhiɛ kaa la, a lɛɛ gbɔwɔ ɓa, a kɛ nɛ̨ɛ̨ hu. Ɲą́ą́ gbɛli, náái na gɛ́, Yálá nwɔ Kilii ka ɲəi.

Korɛntə dɔlɔɔ 8:2

Kɛlaa nu a gbɔwɔ kaa yɛ mɛ̨nį kɔ́lɔn mun, a kɛ tii, hvo gɔlɔn yɛ bələi kɛ mąąnɛ̨ɛ̨ ə gɔlɔn na.

Korɛntə veelɛ 10:12

Ku hva ku liikpələ, kuɔ ku kpɔwɔ kɛ yɛ nu taɠaa, awala kɛ tii, kuɔ ku kpɔwɔ kɔɔn diɛ. Diɛi da mɛ̨nį kəlee gɔɔnmąą həɠə di kpɔwɔ mɛ̨i, di kili aa kpɛɛ di yəi.

Korɛntə veelɛ 10:7

Ká ká ɲɛ̨i hee tai ká kpɔwɔ mɛ̨nįɠaa hu, akɛ gaa nu ta kwəi, yɛ kɛ gaa a Kristə ŋą nu, ə kɛ lɔ nwɔ̨nɔ̨ tii gwəi, yɛ kɛ, kuɔ kpɛli ku kaa a Kristə ŋą nuą.

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Galatə 6:8

Nui a gbɔwɔ kɔlɔ lii ɓa hin, kɔlɔ liiɓa hɛn mə a ɉɔlɔɓo: ya ɓaa, a haa. Kɛlaa, nui a Kili-Mąąhəɠɛɛ liiɓa hin, Yálá liiɓa mɛ̨nį ɓə a ɉɔlɔɓo: ya ɓaa, a ɓaloi hva kpɛɛ.

Piɛrə veelɛ 3:2

Gáá bɔ ka ka kiliŋąhiɛ Yálá kwəi mɛ̨nį hukulɔ nuą woo ɓa, da gu Ną́mu Jesus Kristə nwɔ liɛwooɠaa diɛ, yiiɠaai Jesus nwɔ tiɓo kə nuąi di ka kalan na.

Zɔ̂ŋ Maa-ŋuŋ 4:6

Gu wɛi, gu kaa a Yálá nwɔɔ. Nui Yálá kɔlɔn gili kaa mą, a nwəli tɔɔ guɔ. Nui hvo a Yálá nwɔɔ, hva nwəli tɔɔ guɔ. Yili pɔ pələ ɓə gwa pɛli tɛ̨ą Kili da lɛɛ kili di kulɔ ɉu kɛi la.

Zûu 1:17

Kɛlaa, nwɛ́likɛmąą nuą ka wɛi, nwooɠaai gu Ną́mu Jesus Kristə nwɔ tínuą di mo kaa, ka ka kili lɛɛ ɉu.