Korɛntə dɔlɔɔ 14:3 - Yálá laawoo hɛɓɛ (dc)

³ Kɛlaa, nui a kɛ Yálá kwəi mɛ̨nį hukulɔi, a kɛ ɉukulɔi nuą diɛ, yɛ di tɛ tɔwɔ, yɛ di liɛwoo kɛ, yɛ di hvaŋąlɔ.

Yálá laawoo hɛɓɛ

³ Kɛlaa, nui a kɛ Yálá kwəi mɛ̨nį hukulɔi, a kɛ ɉukulɔi nuą diɛ, yɛ di tɛ tɔwɔ, yɛ di liɛwoo kɛ, yɛ di hvaŋąlɔ.

Bible

³ Ǹyée kpeli mɛi, ǹúui a Ɣâla-woo ƃôi, a lôno núu-kpune pɔ dísu-kpanaŋ mɛni ma da fɔlɔ-fɔlɔ e pɛ́lɛ ŋa-nɛnɛ ma.

Korɛntə dɔlɔɔ 14:3 ပူးပေါင်းရင်းမြစ်များ

Lukə 3:18

Ɉaan ə kɛi nuą tii liɛwoo ɓo, yɛ wɛlɛɛ woo lɛlɛɛ ɓo diɛ.

Gɛlaɠaa 13:15

Dɔ́n ɉɛɓɛ́ da Yálá kwəi mɛ̨nį hukulɔ nuą di wɔ hɛɓɛ́i ɓoɔ pulu, Yálá hvɛli pɛlɛ́ nwun nąmįną di nu tɔɔ di pɔ, diɛ kɛ diɛ: «Ku nąn nonnii, liɛwoo a kɛ ka la, káá kɛ ká mo nuą diɛ, bələ kaa ká yəi.»

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Gɛlaɠaa 15:32

Ɉudasə da Silasə diɛ kpɛlimąn, kɛi di mo a Yálá kwəi mɛ̨nį hukulɔ nuą, di galan nɛai ti liɛwooɓo kpɔ a ɉukwɛaa, di di hvaŋąlɔ.

Gɛlaɠaa 4:36

Ɉosɛfə ə gɛ lɔ ti, yai gɛlaɠaa di naa mɛ̨i hee a Barnabasə, mukulaa ɓaa: Liilaa lon. Ə kɛ a lévi ta, gaa lɔi ɓaa kɛ a Siprə tíi ə kɛ ɲəi,

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Lomaŋ 14:19

Yili ɓə gaa mą, ká gu liilaa hee pələ kwɛli gu kee lɔwai.

Lomaŋ 15:2

Mąąnɛ̨ɛ̨ gu gu kiliŋąhiɛ gu ɓɛlaa di wɔ mɛ̨nį lɛlɛɛ ɓa, ə gɛ, gu dɛ tɔwɔ laa na pələ mɛ̨i.

Korɛntə dɔlɔɔ 10:23

«Mɛ̨nį kəlee mąą laa kaa gu ɲəi», kɛlaa gəlee hva mą́ą́ hon. «Mɛ̨nį kəlee mąą laa kaa gu ɲəi», kɛlaa, mɛ̨nį kəlee hvə a gu tɛ tɔwɔ.

Korɛntə dɔlɔɔ 14:12

Káá kpɛlimąn, yii hį́iwooɠaa ɓə nwɛli kaa káái, ká kilaa pono kwɛli Yálá yəi a ká nwąnąi; kɛlaa, ə kɛ a gbɔn dɛ mɛ̨nį tɔwɔ.

Korɛntə dɔlɔɔ 14:17

Kiɛ-o, ə́ wɔɔ núwɔ́ wooi lɛlɛɛi, kɛlaa nuąi ə́ dooi diɛ, hva di tɛ tɔwɔ.

Korɛntə dɔlɔɔ 14:26

Ną́n nonnii! Lə mɛ̨nį ɓə kan mąąnɛ̨ɛ̨ ká gɛ? 'Ka ká ɲąąkpɔn, nu tɛitɛi a pɛli ə Yálá mąątɛ̨nɛ̨ wələ too, ə mɛlaa mąąkwɛli, a wala kɛti, ə mɛ̨nį ta too pono ɲą mɛlaa diɛ, ə hį́iwooɠaa ɓo, ə pɛli ɉukulɔ a nɛlɛɛ. Gəlee ə kɛ kani a gbɔn gəlee tɛ mɛ̨nį tɔwɔ.

Korɛntə dɔlɔɔ 14:31

Ká kəlee ka pɛli 'ká Yálá kwəi mɛ̨nį hukulɔ, kɛlaa, ka kɛ moi tɛi tɛi, ya ɓə a gɛ, nu kəlee di kili hɔlɔɓo, di hvaŋą ə lɔ.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Korɛntə veelɛ 1:4

Ya ɓə a gu liilaa, gu wɔ kwəi pilimąąɠaa kəlee hu, yɛ gɛ, guɔ pɛli, nuąi kwəi pilimąą hu di liilaai, a liilaai guɔ kpinįlee gwa ɉɔlɔɓo Yálá yəi.

Korɛntə veelɛ 2:7

Viɛlaɓoɔi ká mąąhvaalɛɛ, ká niilaa, ə gɛ, niiɲą hvo pa nəi nwąną hvo tɛɛ ɲɛ̨n ɉu.

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Ifisiɛŋ 6:22

Ŋą́ giliɓo, ŋą́ dɔɔ ká pɔɔli, ə gɛ, ɓɛi ku kaa laa, ə ɉukulɔ káá, ɛlɛɛ, ə ká hvaŋąlɔ.

Kolosə 4:8

Ŋą́ gili, ŋą́ dɔɔ ka pɔɔli, əgɛ, ə ku mąą mɛ̨nį huklɔ káá, ɛlɛɛ, ə ká hvaŋąlɔ.

Tɛsalonikə dɔlɔɔ 2:11

Ká gili kɔlɔn, ku ká tɛitɛi ká hon yɛ bələi, lon gaamun a nonnii hon na.

Tɛsalonikə dɔlɔɔ 2:3

Ku wɔ kalan nwoo kɔwɔ hvo pa hvilɛn ni lɛɛ mɛ̨nį mɛ̨i, hvo kulɔ li kili ɲɔ̨nwɔ̨ɔ̨ hu, hvo nwɔ̨nɔ̨ a gbąnąlaa woo.

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Tɛsalonikə dɔlɔɔ 4:18

'Ká ká keeni liilaa kani a niɛwoo tii.

Tɛsalonikə veelɛ 3:12

Yili mąą nuąi tii, mɛ̨nįi ku kaa moi diɛ, kuɔ di liɛwoo kɛ la, gu Nąmu Jesus Kristə hu, ya ɓaa: di kóló kɛ a di kpɔwɔ yee, di di kɔ̨nɔ̨n ɉɔlɔɓo, diɛ mįi.

Timote dɔlɔɔ 1:4

Ɛlɛɛ, di hvo kąnąn tɔwɔ-tɔwɔ pɔlɔ kiliinŋąą ɓa, yai kpɛla pələi hvo mą, yiliɠaa ɓə da pa a hɛa kpɛli-kpɛli toɔ, yii hvo hvilɛn ni Yálá ŋą mɛ̨nį pɛliɛ ɓa, yai naa kulɔi ɓaa a laa na laa.

Timote dɔlɔɔ 4:13

Gɛɛ və́ kɛ pai, kąnąn Yálá laa woo hɛɓɛ́ kalanŋąą ɓa, yɛ́ nuą liɛwoo kɛ, yɛ́ nuą mąąkwɛli.

Timote dɔlɔɔ 6:2

Luwɔɠaai di nwun nąmįną kaa a kalan nɛa, di hvo kɛ di kaa ɲɛ̨i tɛ kulɔ a diɛ, diɛ kɛ mą: kwa diɛni kəlee, ku kaa a kalan nɛa. Yaamun, di mąąnɛ̨ɛ̨i, di tí kpɔ di nwun nąmįną diɛ a nɛlɛɛ, hvo gaai, di kaa a laa na nuą, a di nąn nonnii, wɛlikɛmąą laa hu, diɛ di kɛ kóló lɛlɛɛ dɔlɔ kulɔ. Yili ɓə mąąnɛ̨ɛ̨ ə́ nɛ diɛ, ə́ di mąąkwɛli mą.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Taitɔ 1:9

ɲee kąnąnŋąą kpɔ kpąą, dɛ̨ą wooi bɛliɛ laa na laa ɓa, mą, yɛ pɛli nuą mąąkwɛlii mą. Yili a kɛ tii, a pɛli ə nuą liɛwoo kɛ, yɛ pɛli dɛ̨ą woo hu həɠəənŋąą ɓa, nuąi da hɛatoo na, yɛ pɛli di hɔn nɛi diɛ.

Taitɔ 2:15

Bələ ɓə mąąnɛ̨ɛ̨i ə́ pələ ɓo la, liɛwoo kɛ, ə́ haŋąmąą kɛ a heeɓolaai gaa ə́ yəi. Nu ta ŋɛ̨i hvo tɛɠɛɓo ə́ hu.

Taitɔ 2:6

Hilɛlɛa liɛwoo kɛ di kɛ a di yee pɛliɛ di kpɔwɔ ɓa mɛ̨nį kəlee hu.

Taitɔ 2:9

Luwɔɠaa di lɛɛ di nąmįną woo ɲą mɛ̨nį kəlee hu, di tɔɔ a di nwąnąi, di di liihon, di hvo di laa hɛatoo,

Hebreu 10:25

'Ká gu hvo kpɛla gu kee ɲąąkpɔnŋąą ɓa, yɛ bələi, nu taɠaa daa gɛ la a di kɛ-mɛ̨nį, di hva pa ŋąąkpɔn ɉu. Kɛlaa yaamun, ka gu gu kee hvaŋąlɔ, yii kpɔ, gu ɲɛ̨i kaa gu Ną́mu ŋą kuui tɔwɔ mąą yɛ kpuɔ.

Hebreu 13:22

Ną́n nonnii, gáá ɉuhvɛlii káá, gɛ́, niɛwoo ŋɛ̨i, 'ká ká yee hee mu! Hɔlɔɔmun, nwooi ŋą́ mo káá, ɉu hvo kwɛa li.

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Zûu 1:20

Kɛlaa, nwɛ́likɛmąą nuą ka wɛi, laa na laa mąąhəɠɛɛ ŋɛ̨i gaa ka yɛi, ka tɔɔ mɛ̨i kpąą. Kaa Yálá hvɛli Kili-Mąąhəɠɛɛ hu.