Korɛntə dɔlɔɔ 14:1 - Yálá laawoo hɛɓɛ (dc)

¹ 'Ká wɛlikɛmąąlaa kwɛli, Kili yəi mɛ̨inɛ̨ɛ̨ɠaa mąą lii ə too ká kwəi; gəlee ə mą kɛ, Yálá kwəi mɛ̨nį hukulaa.

Yálá laawoo hɛɓɛ

¹ 'Ká wɛlikɛmąąlaa kwɛli, Nįį yəi mɛ̨inɛ̨ɛ̨ɠaa mąą lii ə too ká kwəi; gəlee ə mą kɛ, Yálá kwəi mɛ̨nį hukulaa.

Bible

¹ Ka wɛli-kɛ-maa kɔ́ri. Ka M̀ɔlêŋ ŋɔsama-sãai wɛ́li a dámaa. Ŋuŋ ƃa zama-sɛŋ nyíi gáa a Ɣâla-woo ƃóɔi.

Korɛntə dɔlɔɔ 14:1 ပူးပေါင်းရင်းမြစ်များ

Hanwon 15:9

Nwąnąlɔmun dúwɔ́ pələ wɛli kpɛɛi Yai-Laa ɓa kpɔ tɛ-tɛ, Kɛlaa, nui gaa tələnmolaa pɔ, a nwɛlilakɛ.

Hanwon 21:21

Nui a hvilɛn tələnmolaa pulu da kulɔ nwoo ɓalaa, a yɛnɛ̨ɛ̨, tələnmoaa, da mąąwiɛ hɔlɔɓo.

Azaya 51:1

'Ka ka wəli tɔɔ mą́ą́, kaai kpɔ tələnmolaa kwɛlii, kaai kpɔ Yai-Laa kwɛlii: 'Ka ka ɲɛ̨i hee, gwɛnii ɲɛ̨i di ka kulɔ ɉu, 'ka gaa, da nɔɠai di ka yala ɉu, diɛ ka tɛ.

Lomaŋ 12:6

Nu kəlee kɛ kóló kulaai gee mu, yɛ bələi gu mɛ̨inɛ̨ɛ̨ hɔlɔɓo la Yálá yəi. Akɛ Yálá mɛ̨nį noloɓoɔ ɓə ə́ kaa moi, 'gɛ yɛ bələ laa na la kaa la.

Lomaŋ 14:19

Yili ɓə gaa mą, ká gu liilaa hee pələ kwɛli gu kee lɔwai.

Lomaŋ 9:30

Gwa kɛ kpɔ lə? Nuąi di hvo a Ɉuifəɠaa, diɛi di hvo kɛi tələnmolaa kwɛli Yálá ɲɛ̨i ɓa, daa tələnmolaa hɔlɔɓo Yálá yəi; laa na laa hu.

Korɛntə dɔlɔɔ 12:1

Yii hvilɛn na Kilii yəi mɛ̨inɛ̨ɛ̨ɠaa diɛ, ną́n nonnii, və́ bɔ ka hvo lɛɛ ká tɛɠii yili hu.

Korɛntə dɔlɔɔ 12:31

'Ká mɛ̨inɛ̨ɛ̨ leeleeɠaa mąą gilɛ həɠə. Gəlee ə mą kɛ, gáá pələ lɛi káá, nɛlɛɛ dɛɛ gəlee ɓa.

Korɛntə dɔlɔɔ 13:13

Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 14:22

Yili mąą mɛ̨nį ɓa, hį́iwooɠaa di hvo a laa na nuą di wɔɔ, gaa a kili walawala nuą di wɔɔ, Yálá kwəi mɛ̨nį hukulaa hvo a kili walawala nuą di wɔɔ, gaa a laa na nuą di wɔɔ.

Korɛntə dɔlɔɔ 14:37

Akɛ nu ta a giliŋąhiɛ yɛ gaa a Yálá kwəi hukulɔ mun, a wala kɛti, aa gili hɔlɔɓo Yálá yəi, ə gɔlɔn yɛ, mɛ̨nįɠaai gáá ká tíi la, ɉɛɓɛ́i ŋɛ̨i hu, ŋą́ ɉɔlɔɓo Yálá yəi.

Korɛntə dɔlɔɔ 14:39

Yili ɓa, ną́n nonnii, mąąnɛ̨ɛ̨ Yálá kwəi mɛ̨nį hukulaa wɛli ə too káá, ɛlɛɛ, ká hvo kpɛ̨ąn hį́iwooɠaa ɓoɔ tɔwɔ,

Korɛntə dɔlɔɔ 16:14

Ka mɛ̨nį kəlee kɛ a wɛlikɛmąąlaa.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Tɛsalonikə dɔlɔɔ 5:20

'ká hvo Yálá kwəi mɛ̨nį hukulɔ nuą woo hviiɓo;

Timote dɔlɔɔ 4:14

Yálá ŋą nɛ̨ɛ̨laa hu mɛ̨inɛ̨ɛ̨ tii ə́ hu, hvó tɛɠɛɓo ɉu, a yai ə́ ɉɔlɔɓo a Yálá kwəi mɛ̨nį hukulaa laa pɔɔ, ɛlɛɛ, da nu pɔlɔɠaa yee pɛlɛɛ ə́ mɛ̨i.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Piɛrə veelɛ 1:7

Yili pulu, ka nɛɛ laa pɛlɛ ka wɔ Yálá kɔ́lɔn ŋąą ɓa, ka wɛlikɛmąąlaa pɛlɛ ka wɔ nɛ̨ɛ̨laa ɓa.

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.