Korɛntə dɔlɔɔ 13:5 - Yálá laawoo hɛɓɛ (dc)

⁵ Wɛlikɛmąąlaa hva mɛ̨nį ɲɔ̨n gɛ, hva gbɔwɔ ŋį tɔnɔ kwɛli, hva nííholi, hva mɛ̨nį hee gwəi;

Yálá laawoo hɛɓɛ

⁵ Wɛlikɛmąąlaa hva mɛ̨nį ɲɔ̨n gɛ, hva gbɔwɔ ŋį tɔnɔ kwɛli, hva nííholi, hva mɛ̨nį hee gwəi;

Bible

⁵ va zu-mɛ̂ni kɛ̀tɛ, va ŋumɛ-tûa kɛ̀. Wɛli-kɛ́-maa fa gbîŋ-pere kɔ̀ri, va ǹíi ŋwàna a maa félaa, va mɛni nyɔ́mɔɔ su too;

Korɛntə dɔlɔɔ 13:5 ပူးပေါင်းရင်းမြစ်များ

Samia Veerɛi 10:3

Kɛlaa, Amɔn kalanɉonŋaa di mo di wɔ tɔɔmun Hanun ɓa, diɛ mą: «Gaa ə́ kwəi yɛ́ ə́ nąn mąąwiɛ mɛ̨nį ɓə Davidə ə nwɔ nuąi tɔɔ la? Hvó gɔlɔn yɛ́ kɛ di pa nɛ̨lɛ̨ɛ̨n naa kɛi? Ə́ gɛ yələ ta di pa ə́ kulɔ dɔɔ kpəlin ɉu di ə́ too? Yili mąą mɛ̨nį ɓə Davidə ə nwɔ nuąi ŋɛ̨i tɔɔ la!»

Zôo 21:27

Ŋą́ą́ ka kəlee ka kiliŋąhiɛ pələ kɔ́lɔn, giliŋąhiɛi ka gɛ yɛ hvilɛn mą́ą́, ŋį́ gɔlɔn.

Hanwon 14:17

Nui a níiholi ɉa, a ɓowo mɛ̨nį kɛ, lamąnąnmun yɛ gbɔwɔ wɛli kpɛɛ nuą diɛ.

Azaya 3:5

Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Ɉeremi 11:19

Nwɛ́i, ŋį́ kɛ lɔ di yəi yɛ ɓɛlaa lon, yii hva mąąkɔ̨nwɔ̨, yaai di kaa lííla baa mɛ̨nį ɓa. Gíli hvo kɛ ɉu, gɛ́ kɛ mɛ̨nį ɲɔ̨nwɔ̨ɔ̨ɠaa di kɛi mo, vilɛnŋaa kɛ mą́ą́; yaai di kɛi kɛ la mą: «Ka gu nwulu lɛɛ nwunu kɔ́lɔi, ka gu gulɔ a ɉamu, ka gu gulɔ yɛnɛ̨ɛ̨, əgɛ, nu ta hvo kɛa naa mɛ̨n.»

Lonon mo 12:3

Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Lonon mo 16:15

Moisə lii ə holi kpɔ kɛnɛ̨, yɛ Yai-Laa ɓa: «Hvó ə́ yee hee di wɔ kɔ́ɓo hɛn mu. Və́ ta kpɛli hoohvaalən gulɔ li di yəi, və́ ta hvulu mɛ̨nį kɛ li a di ta.»

Lonon mo 32:6

Kɛlaa, Moisə yɛ Gadə lonnii da Rubɛn lonnii diɛ: «Éé! Ka nąn nonnii diɛ pa lii kɔ́ ɓa, ka káá bɔ ka lɛɛ ɓɛ?

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Lukə 7:39

Farisiɛ̨ tii Jesus təli kɔ̨nɔ̨n ma, yii kɛa ə yili kaa tii, ə mo gwəi pələ, yɛ kɛ mą: «Akɛ kɛ, nui ŋɛ̨i kaa kɛ a Yálá kwəi mɛ̨nį hukulɔ mun, hvo li hvaa mą, nɛ̨ɛ̨nui ŋɛ̨i hvo ɲee pɛlɛ mą, ə li gɔlɔn yɛ: wɛlikɛ nɛ̨ɛ̨nu kɛnɛ̨ li.»

Korɛntə dɔlɔɔ 10:24

Nu ta hvo kɛ gaa gbɔwɔ tɔ̨nɔ̨ kwɛlii, kɛlaa, ə mɛlaa di wɛi kwɛli.

Korɛntə dɔlɔɔ 10:33

Yili ɓə a gɛ, ɲą́ą́ gbínįi ŋą́ tɔɔ a nwą́ną́i, gɛ́ gbɔ́wɔ́ lɛlɛ pələ kwɛli nu kəlee ɲɛ̨i ɓa mɛ̨nį kəlee hu, a gbɔ́wɔ́ tɔ̨nɔ̨i vá gwɛli, kɛlaa, nu kpulu kɛnɛ̨ nwɛi, ə gɛ, di nwun mąą ə ɓo.

Korɛntə dɔlɔɔ 11:18

Tɔlɔɔ, di mo mą́ą́ diɛ; ká kɛ ɲąąkpɔn ɉui, ka ká ɓɛlaɓo, ɛlɛɛ yaan, gáá tɛ̨ą kaai ɉu.

Korɛntə dɔlɔɔ 12:25

Ə gɛ, ɓɛlaɓo hvo kɛ gu tɔɔ-tɔɔɠaa lɔwai, kɛlaa, di tɛitɛi, di mąą liihɛlɛn ə ɓo di kee ɓa.

Korɛntə dɔlɔɔ 7:36

Akɛ hilɔnu ta a wɛli hon, a gaa yɛ hvo pai pɛli ŋą wɛlii ɓɛlɛ lɔi, a pɛli ə nɛɛ laa, hvo nɛ̨ŋɛ̨n ɉəɠə li, ə gɛ yɛ bələi ə giliŋąhiɛ la; nu hveelɛi, da pɛli di dakpɛliɠaa həɠə.

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Filipə 2:21

Yiiɠaai ti kəlee, di kpɔɔ mɛ̨nį lɔ ɓə da niihɛlɛn Ɉee; di hva di kiliŋąhiɛ Jesus Kristə mąą mɛ̨nį ɓa.

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Tɛsalonikə veelɛ 3:7

Ká wɛi, bələi mąąnɛ̨ɛ̨ ká ku pɔɔ kɔɔn na, káá kpinįi ká gɔlɔn. Ku hvo kɛ ku wɔɔ yɛnɛ̨ɛ̨ kɛ li yɔhɔ-yɔhɔ ká lɔwai;

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Timote veelɛ 4:16

Ɲələ tɔlɔɔi ŋą́ kɛli gbɔ́wɔ́ mąą kɔ̨nwɔ̨ la, nwɔ́ nu hvo hɔlɔɓo, nu gəlee di kulɔ búlú. Yálá ə mą wala yili gwələ hvo kulɔ li diɛ.

Zĩi 1:19

Nąn nonnii nwɛ́likɛmąą nuą, ká káá a kilimąą nuą. 'Ká ká mąą hulɔ, mɛ̨nį mɛ̨n mɛ̨nį ɓa ɉa, kɛlaa, 'ká hvo humo a hvaa ɉa, 'ká hvo ká lííholi ɉa,