Korɛntə dɔlɔɔ 13:12 - Yálá laawoo hɛɓɛ (dc)

¹² Yiihu kɛa, gu kaa kɛɛ kaai pɛnɛ̨n vili-hvili hu, kɛlaa, a Yələ ta, gu kaa pai gaai hələ-tətə. Yiihu, nwɔ́ mɛ̨nį kɔlɔnŋąą ɲɛ̨ndɔɔi, a kɛ tii, gáá pai gɔlɔn ɉii, yɛ bələi Ə gɔ́lɔ́n na.

Yálá laawoo hɛɓɛ

¹² Yiihu kɛa, gu kaa kɛɛ kaai pɛnɛ̨n vili-hvili hu, kɛlaa, a Yələ ta, gu kaa pai gaai hələ-tətə. Yiihu, nwɔ́ mɛ̨nį kɔlɔnŋąą ɲɛ̨ndɔɔi, a kɛ tii, gáá pai gɔlɔn ɉii, yɛ bələi Ə gɔ́lɔ́n na.

Bible

¹² Tãi ŋí su kúfa kwaa kâa a zu ponoɔ. Gáa nɔ́ yɛ̂ɛ núu à kɛ̀ sɛŋ da kâai mɛlɛ-mɛlɛ su. Kɛ́lɛ, nâa pôlu ma, kwa pâi mɛni-ŋai kpîŋ kâai yɛ̂ɛ berei díkaa lai. Tãi ŋí su ŋámɛni-kɔlɔŋɔɔi káa nɔ́ a gbua; kɛ́lɛ, tãi ti su ŋa pâi gélee kɔ́lɔnîi yɛ̂ɛ berei máŋ Ɣâla e ŋ́gɔlɔŋ la a ǹɛ́lɛɛi.

Korɛntə dɔlɔɔ 13:12 ပူးပေါင်းရင်းမြစ်များ

Zɛnɛse 32:30

Ɉakɔbə yɛ mą: «Ə́ laa ɓaa a gbɛɛ?» Yili yɛ mą: «Lə mɛ̨nį ɓa ə́ kaa mą́ą́ninkɛi?» Ə lɛɛ laa, ə lúwɔ́ too Ɉakɔbə ɓa.

Zôo 19:26

Da pa kɛa gɔ́lɔ́i ŋɛ̨i mą́ą́ ɉukalai, gɔ́lɔ́ ɲąą pɛliɛ hu ɓə gáá pai ɲɛ̨́i tɔɔi la Yálá ɓa.

Zôo 36:26

Yálá kɛnɛ̨ pələ mąąkpɛɛ, gu hva pɛli gbaɠala kaa, nu hva pɛli nwɔ kwɛlan nonon ɉii.

Lɛɛ gbɔwɔ ɓa 33:11

Yai-Laa ə kɛi pələ ɓo Moisə ɓa, da yaa di ɲɛ̨i heɛ di kee ɓa, yɛ nu a kɛi pələ ɓo mɛlan ma, yili pulu, Moisə ə kɛi pənə yɛ pa muwu la, kɛlaa, bɔ mun ŋɛ̨i kɛ a Nun lon Ɉosue, hvo kɛi tee gee kaa kələ mu.

Izikiɛ 17:2

«Hulɔnu lon, hanwon da hɔɔ a mɛ̨nį kulɔ mąą ta, Israɛlə nuą diɛ:

Lonon mo 12:8

Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Maafîu 5:8

Nwun na nɛ̨ɛ̨ nuą ɓaa nuąi di kwəi kwəlɛɛ Yálá ɓa. Mąąhɔlɔɓo, di kaa pai Yálá kaai!

Ɉaan 10:15

Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Lomaŋ 8:18

Ŋą́ gɔlɔn gɛ́ diɛ: Mąąwiɛlaai gaa gu mąą kpɔn ɉi, gɛnɛ̨ɛi dɛɛ mɔ̨nɔ̨i gu kaa mįi yiihu mą.

Korɛntə dɔlɔɔ 13:11

Gɛ́ɛ́ a lokolo, ŋą́ kɛli hvaa lɔ yɛ lokolo, gɛ́ kiliŋąhiɛ yɛ lokolo, kɛlaa, gɛ́nɛ̨ɛ̨ kɛa, ŋą́ lɛapɛlɛɛ mɛ̨nįɠaa kəlee lɛɛ laa.

Korɛntə dɔlɔɔ 8:3

Kɛlaa, nui Yálá wɛli kaa mą, mąą nu kɔ́lɔnŋąąi Yálá yəi.

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Kili.

Korɛntə veelɛ 5:7

Hvo gaai, ku kaa ku wɔɔ yɛnɛ̨ɛ̨ kɛi laa na laa hu, ku ɲɛ̨i hvo tɔɔ li hɛn da ɓa.

Filipə 3:12

Və́ kɛli káá, ŋą́ą́ gəlee hɔlɔɓo, a wala kɛ ti, ŋą́ą́ mɛ̨nį kəlee aa pɛli ɉu, kpaa-o! Kɛlaa, gáá tɔɔi a nwą́nąi gilɛ həɠɛɛ hu, ə gɛ, ŋą́ həli dɔ̨nɔ̨ ɓa, mąąhɔlɔɓo, ɲą́ą́ gbɛli, Jesus Kristə ə ɉón.

Zĩi 1:23

Gbala ə tɔɔ, nui a nwəli tɔɔ Yálá laa woo ɓa, ɛlɛɛ, hva bɔ mɛ̨nį kɛ, gaa lɔ yɛ, nui a gbɔwɔ kaa pɛnɛ̨n ɉu,

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

M̀ɛni-lɛɛi 22:4

Di ka pai kɛi ɲɛ̨ilai kaai, ɛlɛɛ, naa ə ɓo di tɔwɔla.