Korɛntə dɔlɔɔ 12:8 - Yálá laawoo hɛɓɛ (dc)

⁸ Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Yálá laawoo hɛɓɛ

⁸ Nįį-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Nįį tanɔ̨n tii haalai;

Bible

⁸ Táre-woo tɛɛ̂i dɔnɔ pɔ M̀ɔlêŋ sârai, mɛni-kɔlɔŋ woo tɛ̂ɛi dɔnɔ pɔ M̀ɔlêŋ tɔnɔi sârai,

Korɛntə dɔlɔɔ 12:8 ပူးပေါင်းရင်းမြစ်များ

Nehemi 9:20

Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Zôo 32:8

Kɛlaa, tɛ̨ą kili kaa nu hu, Ya ɓaa: Huwalawala Kəlee Nąmu Yálá nwɔ Kilii.

Mąątɛ̨nɛ̨ 143:10

Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Lɛɛ gbɔwɔ ɓa 31:3

Ŋą́ą́ gɔ́ a Yálá nwɔ Kilii, ə gɛ, mɛ̨nį hu kpɛ kili, nwun gɛ ɉulaa, da mɛ̨nį kɔ́lɔnŋąą ə kɛ ɲəi, yɛ pɛli yɛlɛ kɛi la.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Gɛlaɠaa 6:3

Yili ɓa, Nán nonnii, ka nu mɛ̨ihveelɛ həɠə ka lɔwai a nuąi Kili-Mąąhəɠɛɛ kaa di yəi, mɛ̨nį hukpɛ kili ə ɓo diɛ, ə gɛ, ku gɔ̨nɔ̨n ŋąąkwɛlɛ kolói ŋɛ̨i tɛɛ di pɔ.

Lomaŋ 15:14

Yii hvilɛn na ka mąą mɛ̨nį ɓa, ną́n nonnii, ɲą́ą́ kpinįi náái kpɔ na, gɛ́, ká laahvɛɛi a mɛ̨nį lɛlɛɛ kɛ mɛ̨nį, ká pilaa a mɛ̨nį kɔlɔnŋąą; ɛlɛɛ, káá pɛli ka keeni kilaa ponoi.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 1:5

Hvó gaai, Jesus Kristə háálai ɓə, káá yeelahvoloon lɔpee gəlee hɔlɔɓo la, yɛ ə kɛ a woo, yɛ ə kɛ a mɛ̨nį kɔlɔnŋąą kəlee.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 13:8

Wɛlikɛmąąlaa hva kpɛɛ. Yálá kwəi mɛ̨nį hukulaa yaan? Gaa pai kpɛɛi. Hįiwooɠaa diɛn? Di kaa pai kpɛɛi. Mɛ̨nį kɔ́lɔnŋąa yaan? Gaa pai kpɛɛi.

Korɛntə dɔlɔɔ 14:26

Ną́n nonnii! Lə mɛ̨nį ɓə kan mąąnɛ̨ɛ̨ ká gɛ? 'Ka ká ɲąąkpɔn, nu tɛitɛi a pɛli ə Yálá mąątɛ̨nɛ̨ wələ too, ə mɛlaa mąąkwɛli, a wala kɛti, ə mɛ̨nį ta too pono ɲą mɛlaa diɛ, ə hį́iwooɠaa ɓo, ə pɛli ɉukulɔ a nɛlɛɛ. Gəlee ə kɛ kani a gbɔn gəlee tɛ mɛ̨nį tɔwɔ.

Korɛntə dɔlɔɔ 14:6

Ną́n nonnii, gbəli ŋá pa ká pɔɔli, gɛ́ bələ ɓo káá hį́iwooɠaa hu, yili dɔlɔ ɓaa a lə? Akɛ, hvo mɛ̨nį ta tooi pono ɲą, mɛ̨nį kɔlɔnŋąą hvo ɉu, Yálá kwəi mɛ̨nį hukulaa hvo ɉu, hvo mɛ̨nį ta lɛi káá?

Korɛntə dɔlɔɔ 2:11

Gbɛɛ ɓə kani a pɛli nu hu pələ mɛ̨nį kɔlɔn ɉii, ə kulɔ lɔ, nu kpɔwɔ kilii gaa ɉu? Bələ lɔ ɓə gaa la, mɛ̨nįi Yálá kwəi, nu ta hvo gɔlɔn, hvo kɛli lɔ Yálá nwɔ Kilii.

Korɛntə dɔlɔɔ 2:16

Mąąhɔlɔɓo, gbɛɛ ɓə Yálá kiliŋąhiɛ kɔ́lɔn, yɛ pɛli gili tooi ɲəi? Kɛlaa, gu wɛi, Kristə nwɔ kiliŋąhiɛ ɓə gu yəi.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 11:6

Ŋą́ gɔlɔn, náákpan ɉu hvo tee li mɛ̨nį ɓoi, kɛlaa, yii hvilɛn na mɛ̨nį kɔ́lɔn ŋąą ɓa, nwɛi gaa ɲə́i. Mɛ̨nį kəlee hu, a pələ huwu kəlee, kwaa yili kpaɠala lɛ káá.

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Korɛntə veelɛ 6:6

mąąhəɠəlaa hu, mɛ̨nį kɔlɔnŋąą hu, liikpələ laa hu, lii nɛ̨ɛ̨gwəi hu, a Kili-Mąąhəɠɛɛ, a wɛlikɛmąą laa leelee,

Korɛntə veelɛ 8:7

Kɛlaa, yɛ bələi mɛ̨nį kəlee kaa la ká yəi kɛnɛ̨: Laa na laa, laa-kpan-ɉu tee, mɛ̨nį kɔ́lɔnŋąą, kwəinɛ̨ɛ̨ huwu lɔpee gəlee, da wɛlikɛmąąlaa yai ká ɉɔlɔɓo ku yəi; mąąnɛ̨ɛ̨ ká wɔɔ nú-kpɔwɔlaa hɛn, ɉu ə kɛnɛ̨ lɔ tii.