Korɛntə dɔlɔɔ 12:27 - Yálá laawoo hɛɓɛ (dc)

²⁷ Yaan, ka káá a Kristə kpįnį, kaa ɓo a dɔɔ-tɔɔiɠaa nu kəlee da dɔɔi.

Yálá laawoo hɛɓɛ

²⁷ Yaan, ka káá a Kristə kpįnį, kaa ɓo a dɔɔ-tɔɔiɠaa nu kəlee da dɔɔi.

Bible

²⁷ Mɛni ma kákaa a Kôrai kpono ka ƃo a ŋoŋo-ŋa tɛi-tɛi.

Korɛntə dɔlɔɔ 12:27 ပူးပေါင်းရင်းမြစ်များ

Lomaŋ 12:5

Bələ lɔ ɓə gu kəlee gu yiliɛ la Kristə ɓa kɔ́lɔ tɔ̨nɔ̨ hu, nu tɔɔi ə ɓo mą.

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;

Korɛntə dɔlɔɔ 10:17

Yɛ bələi nɛɠɛ kaa la tanɔ̨n, gu kaa lɔ ti a kɔlɔ tɔ̨nɔ̨; hvo gaai, gu kəlee nɛɠɛ tɔ̨nɔ̨i ti ɓə gwa ɉɔlɔɓo.

Korɛntə dɔlɔɔ 12:12

Bələi lɔ ɓə gaa la, nu kpįnį kaa la tɔ̨nɔ̨, dɔɔ-tɔɔi tamąąi mą, kɛlaa, bələi mąn tii damąąi la, gaa lɔ a kɔlɔ tɔ̨nɔ̨; bələ lɔ ɓə Kristə kaa la.

Korɛntə dɔlɔɔ 12:26

Nu tɔɔ-tɔɔi ta a kɛli nwąną, mɛlaa kəlee da ɉu mɔ̨nɔ̨ mįi, dɔ̨nɔ̨ a kwəinɛ̨ɛ̨ hɔlɔɓo, nąą kəlee a kɛ gwəinɛ̨ɛ̨ hu.

Korɛntə dɔlɔɔ 6:15

Ká hvo gɔlɔn káá: Ká kpįnį kaa a Kristə tɔɔ-tɔɔiɠaa Akɛ yili kaa tii, lə mɛ̨nį ɓa ŋą́ Kristə tɔɔ-tɔɔi tii həɠə gɛ́ gɛ a wɛlikɛ hɛn? Gɛ́ mą: Kpaa-o!

Ifisiɛŋ 1:23

gbɔn tii ɓə a Kristə kpinį lee, a yai, Yálá kpinįi ə mąą mɛ̨nį laa kulɔi, ə bɛli ɉu, mɛ̨nį ta lɔpee hvo lɛɛ pulu.

Ifisiɛŋ 4:12

bələ ɓə, ə Kristalɛaa heekpəlin na kɛ la, diɛ pɛli Kristə kɔlɔ ɲąąkɔn ɉii,

Ifisiɛŋ 5:23

Mąąhɔlɔɓo, nɛ̨ɛ̨nu nwun nąmu ɓaa a ɉilɛ; yɛ bələi lɔ Kristə kaa la a gbɔn nwun nąmu, yai a kɔlɔ nwun mąąɓomun.

Ifisiɛŋ 5:30

Gu hvo mɔ̨ɔ̨ a gɔ́lɔ tii tɔɔ-tɔɔnŋaa?

Kolosə 1:18

Ɛlɛɛ Yaa lɔ ɓə, a Yaa, a gɔlɔ nwun ganįn, yai a Yálá ŋą kpɔn. Yaa ɓə a gɔwɔ tɔɔi, a nuąi da haa, diɛ nwun, di tɔlɔɔ, ə gɛ, mɛ̨nį kəlee hu, Yaa tii, ə kɛ tɔwɔ.

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Kolosə 2:19

Di hva gɛ di hvo kanąn Kristə ɓa, yai a nwun, ɉaalai hu ɓə tɔɔ-tɔɔiŋaa kəlee yiliɛ la di kee ɓa, diɛ kɛnɛ̨ la yɛ bələi Yálá ə mąą laa tɛɛ la bɔ.