Korɛntə dɔlɔɔ 12:13 - Yálá laawoo hɛɓɛ (dc)

¹³ Mąąhɔlɔɓo, di gu kəlee gu mąąwaa Kili-Mąąhəɠɛɛ tɔ̨nɔ̨ hu, ə gɛ, gu kɛ a kɔlɔ tɔ̨nɔ̨, yɛ ə kɛ a Ɉuifə, yɛ ə kɛ a Grɛkə, ə kɛ a luwɔ, ə kɛ a kaalon; yá nwun gulɔi tɔ̨nɔ̨ ɓə gu gu kpələ la, Kili-Mąąhəɠɛɛ tanɔ̨n ɉu.

Yálá laawoo hɛɓɛ

¹³ Mąąhɔlɔɓo, di gu kəlee gu mąąwaa Nįį-Mąąhəɠɛɛ tɔ̨nɔ̨ hu, ə gɛ, gu kɛ a kɔlɔ tɔ̨nɔ̨, yɛ ə kɛ a Ɉuifə, yɛ ə kɛ a Grɛkə, ə kɛ a luwɔ, ə kɛ a kaalon; yá nwun gulɔi tɔ̨nɔ̨ ɓə gu gu kpələ la, Nįį-Mąąhəɠɛɛ tanɔ̨n ɉu.

Bible

¹³ Kpɛ́ni fêi, M̀ɔlêŋ tɔnɔi sârai dí kúkelee kúbatâi kɛ̀ kpono tɔnɔ su-Zûu-ŋai kpaa máŋ Gurii-ŋai, luɛ-ŋa kpaa máŋ diai díŋuŋ ma ƃôɔi, Ɣâla è kúkɛ̀ kú kúkpele M̀ɔlêŋ tɔnɔi su.

Korɛntə dɔlɔɔ 12:13 ပူးပေါင်းရင်းမြစ်များ

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Lukə 3:16

Ɉaan ə mo nuą tii kəlee diɛ, yɛ diɛ: «Nwɛ́i gáá ka mąąwaai yai; kɛlaa, nu ta kaa pai pai, huwalawala kɛnɛ̨ kaa ɲəi dɛɛ mą́ą́, ɲą́ mąą hvo nɛ̨ɛ̨li kpɛli a ŋą kɔ́lɔ laa yili yɛli hvólóon mun. Gaa pai ka mąąwaai a Kili-Mąąhəɠɛɛ da nwɔ̨n.

Ɉaan 1:16

A tɛ̨ą nwɔ mɛ̨inɛ̨ɛ̨ kɛnɛ̨i tii, gu kəlee gu da hɔlɔɓo, lúwɔ́ ə laa lúwɔ́ mɛ̨i guɔ ɉɔlɔɓo.

Ɉaan 1:33

Və́ kɛ gɔlɔn, kɛlaa Yálái ŋɛ̨i dɔ́ɔ́ ə gɛ ŋį́ mąąwaa kɛ, ə mo mą́ą́ yɛ mą́ą́: ‹Nui ə́ kaa pai Kili kaai ə yɛɛ mɛ̨i, a kɛ tii mąą nui tii ɓə pai mąąwaa kɛi a Kili-Mąąhəɠɛɛ.›

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 6:63

Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Gɛlaɠaa 1:5

Ɉaan ə nuą mąąwaa yái, ɉu hvo kwɛa li, di kaa pai ká mąąwaai a Kili-Mąąhəɠɛɛ.»

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Lomaŋ 3:29

Awala kɛti, Yálá kaa lɔ mɔ̨ɔ̨ a Ɉuifəɠaa diɛ tɔ̨nɔ̨ gbən di wɔ Yálá, hvo mɔ̨ɔ̨ a huwu takpɛliɠaa di wɔ Yálá, a tɛ̨ą, gaa kpɔ a hįi kəlee nwɔ Yálá

Lomaŋ 4:11

Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Korɛntə dɔlɔɔ 10:2

ɛlɛɛ, di di kəlee di mąąwaa da Moisə ni dulɔ kpinįn mu, da gboloyá hu.

Galatə 3:23

Gɛɛ kɛ laa na laa nwɔ yələi hvo ɉəli, gu kɛ luwɔ́laa hu dɔ́n ɲee mu, ə lɛɛ ɉu, laa na laa yɛ pa tooi pono ŋą.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Ifisiɛŋ 3:6

Mɛ̨nį loɔ ti ɓaa: huwu takpɛliɠaa daa di wɔɔ nąą hɔlɔɓo gwɛlin ɉɛn dɔ̨nɔ̨ tii hu, di kaa a kɔlɔ tɔ̨nɔ̨ tɔɔ-tɔɔiɠaa, di ɓo a mɛ̨nį laakwɛlanmoɔ hu mɛ̨inɛ̨ɛ̨ hɔlɔɓo nuą Jesus Kristə hu, nwɛlɛɛ lɛlɛɛ háálai.

Ifisiɛŋ 4:5

gu Nąmu kaa tanɔ̨n, laa na laa tanɔ̨n, mąąwaa kɛi tanɔ̨n;

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Ifisiɛŋ 6:8

Gbaɠala kaa ti káá, káá; mɛ̨nį lɛlɛɛi nu tɛitɛi kaa pai gɛi, gaa pai kwiɛn ɉii la gu Nąmu kwɛlɛ, ə́ kɛ a luwɔ-o, ə́ kɛ a lii gbɔwɔ ɓamun.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,