Korɛntə dɔlɔɔ 12:11 - Yálá laawoo hɛɓɛ (dc)

¹¹ Kɛlaa, mɛ̨nįɠaa tii kəlee, Kili tanɔ̨n tii kɛ-kóló li, yɛ nu tɛitɛi nwɛi tɛɛ bɔ, yɛ bələi a laa la a nii.

Yálá laawoo hɛɓɛ

¹¹ Kɛlaa, mɛ̨nįɠaa tii kəlee, Nįį tanɔ̨n tii kɛ-kóló li, yɛ nu tɛitɛi nwɛi tɛɛ bɔ, yɛ bələi a laa la a nii.

Bible

¹¹ Nyíŋí-ŋai kélee M̀ɔlêŋ-sii tɔnɔi ƃé gɛ̀ é ŋáa kɔlɛ núu kélee ma tɛi-tɛ́i yɛ̂ɛ berei a ŋ̀wɛ̂lii lai.

Korɛntə dɔlɔɔ 12:11 ပူးပေါင်းရင်းမြစ်များ

Maafîu 11:26

Oowei, Ną́n, gáá ə́ mąątɛ̨nɛ̨i yili hu, mąąhɔlɔɓo, yili ɓə kɛ a ə́ liiɓa.

Maafîu 20:15

Akɛti, vá pɛli nííɓa kɛi mɔ̨ɔ̨ ɲə́i hɛn gɔw hu? Mɛ̨inɛ̨ɛ̨ ŋɛ̨i ŋį́ gɛ yili mąątóló ɓə ə́ kaa gulɔi?›»

Ɉaan 3:27

Ɉaan ə di woo pulu pənə yɛ diɛ: «Nu hva pɛli hɛn Ɉɔlɔɓoi, akɛ Yálá hvo dɛɛ li pɔ.

Ɉaan 3:8

Hvaŋą a kɛ tɛɛi ɓɛi gaa bɔ, yɛ́ din mɛ̨n, kɛlaa, ɓɛi ə həɠə laa, da ɓɛi gaa lii laa, hvə nąą kɔ́lɔn; pələ kpɔlɔ ɓə a kɛ la a Yálá nwɔ Kilii nwɔ nu hɔlɔɓo mɛ̨nį.»

Ɉaan 5:21

Bələi lɔ Ną́n a haa nuą nwun na, yɛ yɛnɛ̨ɛ̨ tɛɛ di pɔ, bələ lɔ ɓə Non a yɛnɛ̨ɛ̨ tɛɛ la nwɛlikɛmąą nuą pɔ.

Lomaŋ 12:6

Nu kəlee kɛ kóló kulaai gee mu, yɛ bələi gu mɛ̨inɛ̨ɛ̨ hɔlɔɓo la Yálá yəi. Akɛ Yálá mɛ̨nį noloɓoɔ ɓə ə́ kaa moi, 'gɛ yɛ bələ laa na la kaa la.

Lomaŋ 9:18

Yili ɓa, nui Yálá kaa bɔ ə ɲɛ̨imąąwɛli kaa a ɲɛ̨imąąwɛli kaa. Nui a kɛ bɔ ə gili walawala, ə gili walawala.

Korɛntə dɔlɔɔ 12:18

Kɛlaa, Yálá ə nu tɔɔ-tɔɔi kɛ mą, yɛ bələi niiɓa kaa la.

Korɛntə dɔlɔɔ 12:4

Mɛ̨inɛ̨ɛ̨ huwu tamąąi, kɛlaa, Kili-Mąąhəɠɛɛ kaa lɔ tɔ̨nɔ̨ gbən.

Korɛntə dɔlɔɔ 12:6

Góló ɉee kpəlin na tamąąi, kɛlaa, Yálá tanɔ̨n nɔ ɓə a nu kəlee nwɔɔ too ɉu.

Korɛntə dɔlɔɔ 7:17

Nu kəlee ə túwɔ́ yɛ bələi gu Nąmu ə dí la, yɛ bələi lɔ ə kɛ la Yálá yɛ dəli. Niɛwooi tii ɓə gáá gɛi gbɔn kəlee ɓa.

Korɛntə dɔlɔɔ 7:7

Gáá kɛ bɔ, nu kəlee di kɛ ɲą́ą́, kəlee, nu tɛitɛi ə Yálá nwɔ mɛ̨inɛ̨ɛ̨ hɔlɔɓo a dee-tee; nu yii nwɛi a pɛli kɛi a yii, awala kɛ tii, yii.

Korɛntə veelɛ 10:13

Kɛlaa, ku wɛi, ku ɲɛ̨i pono mɛ̨nįi ku kaa nɛi káá, ku hva ku kpɔwɔ ɲąą kɛnɛ̨ ɉu, ku hvo tɛɛ ɲɛ̨n ma. Kɛlaa, kpaaləi Yálá ə naa ku tɔwɔ, ya ɓə, a ku wɔɔ kólói ɲɛ̨n, gbaaləi tii ɓə ku lɛɛ mą, kuɔ həli la káá.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Ifisiɛŋ 4:7

Nu tɛitɛi ə nwɔɔ hɔlɔɓo Yálá nwɔ nɛ̨ɛ̨laa hu, yɛ bələi di Kristə nwɔ mɛ̨inɛ̨ɛ̨ kɔɔn na mą.

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.