Korɛntə dɔlɔɔ 11:29 - Yálá laawoo hɛɓɛ (dc)

²⁹ Mąąhɔlɔɓo, nui a nɛɠɛ ŋɛ̨i mįi, yɛ gbələ a gbələ kɔwɔ, a tɛɠɛɓo ɉu laa gu Nąmu ɓa, gaa naa mįi, yɛ gbələ, a gbɔwɔ nwun na pili mɛ̨nį.

Yálá laawoo hɛɓɛ

²⁹ Mąąhɔlɔɓo, nui a nɛɠɛ ŋɛ̨i mįi, yɛ gbələ a gbələ kɔwɔ, a tɛɠɛɓo ɉu laa gu Nąmu ɓa, gaa naa mįi, yɛ gbələ, a gbɔwɔ nwun na pili mɛ̨nį.

Bible

²⁹ Kpɛ́ni fêi, ǹúui a mìi e gbele va gàa a Zîsɛ ŋɔkponoi, gɛ̀ ní maa-nuui a mɛni lɛ́ɛ gbîŋ ma.

Korɛntə dɔlɔɔ 11:29 ပူးပေါင်းရင်းမြစ်များ

Ikilisiati 8:5

Nui a tɔ́n ɉon, tɔ́n va too mɛ̨i. Kɛlaa, kilimąą mun ə gɔlɔn yɛ, yələ ta kaa pai həlii, Yálá nwɔ kitii kaa pai nwɔ nąą kɛi ɉu.

Lukə 7:34

Ɲą́ą́ ŋɛ̨i a Nu Lon ŋą pa, gɛ́ kɔ̨nɔ̨n mį́į́, gɛ́ gbə́lə, kaa mą: ‹Nui ŋɛ̨i nwɛi, gwəi kɛnɛ̨i, ə lɛɛ, yɛ ɓo a lɔɔ kpələ mun gɛnɛ̨; yɛ ɓo nwɔ̨nɔ̨ a nįįhɔ̨nwɔ̨ kulɔ nuą, da túwɔ́ pələ ɲɔ̨n gɛ nuą di ɓɛlan.›

Lomaŋ 13:2

Yili ɓa, nui a gwɛli tee nwun nąmu ɓa, a kɛ ti aa gwɛli tee Yálá nwɔ tiɓo ɓa. Nui a gwɛli tee, a kɛ ti gaa gbɔwɔ kwɛli a kiti.

Korɛntə dɔlɔɔ 11:24

ɛlɛɛ, gbɛɛ a Yálá hɛɠɛɛɓoɔ, ə ɉu yali, yɛ diɛ: «Yii kaa a gɔ́lɔ, yai a ká wɔɔ, 'ká yii kɛ káá ną́ą́ kili too la ká ɲą.»

Korɛntə dɔlɔɔ 11:27

Yili ɓə gɛi, nui lɔpee hvo nɛɠɛi ŋɛ̨i mįi a mįi pələ, hvo gbələi a gu Ną́mu nwɔ kpələ kɔ́wɔi a gbələ pələ, mąą nu kaa gu Ną́mu kpinį, da ɲąmą wulu lɛɛi nwuɔ̨.

Korɛntə dɔlɔɔ 11:28

Yili ɓa, nu kəlee ə gbɛa gbɔwɔ mąą kpɛɛ, hvo teɠa kɛ nɛɠɛ mįi, hvo teɠa kɛ naa pɛlɛi gbələ kɔ́wɔ ɓa.

Korɛntə dɔlɔɔ 11:30

Mɛ̨nįi gɛi, nu tamąą kaa la ká lɔwai, a ɲɔ̨n gɛ nuą, daɠaa kpɛɠii ə ɓo diɛ, ɛlɛɛ, damąą daa haa.

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Zĩi 3:1

Ną́n nonnii, nu kəlee hvo kɛ, gaa kɛi a mąąkwɛli kɛ nuą, bələi di pai ku kiti teei la a nwalawalaa, ká yili gbaɠala kɔlɔn.

Zĩi 5:12

Mɛ̨nį kəlee ə mą kɛ, nąn nonnii, 'ká hvo ká kwɛla a yələkɔlɔn da lɔi, a wala kɛ ti, a hɛn ɉuwui lɔpee gəlee ta. Ká wɔɔ «ee!» ə kɛ a «ee!» Ká wɔɔ «kpaa!» ə kɛ a «kpaa!» Ya ɓə a gɛ, ká hva too la kitii hu.