Korɛntə dɔlɔɔ 11:23 - Yálá laawoo hɛɓɛ (dc)

²³ Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,

Yálá laawoo hɛɓɛ

²³ Hvo gaai nwɛ́i, yii ŋį́ ɉɔlɔɓo gu Ną́mu yəi, ya ka, ɛlɛɛ, ya ɓə gáá dɛɛi ká pɔ: Gbįnįi ŋɛ̨i di gu Ną́mu lɔ́wɔ́tɔɔ la, mąą kpįnįi tii, ə lɛɠɛ həɠə,

Bible

²³ Kpɛ́ni fêi, zɛŋ ŋa dɛ̀ɛ kápɔi, ŋa zɔlɔ ƃô máŋ Kúnuu-namui yêei, a gɛ́ɛ Kúnuu-namui Zîsɛ gbínii dí gɔ̀lɛ lai, è kpólo sìɣe,

Korɛntə dɔlɔɔ 11:23 ပူးပေါင်းရင်းမြစ်များ

Maafîu 26:17

Pakə hɛli voló dɔlɔɔ yələ, galan nɛa di pa diɛ Jesus ɓa: «Mįnɛ̨ ɓə ə́ kaa bɔ ku ɉɛli kɔ̨nɔ̨n bɛli laa?»

Maafîu 26:2

«Ka gɔlɔn kaa, aa lɛɛ a hvóló hveelɛ pakə hɛli yɛ ɉəli. Di kaa pai Nu Lon hon ɉii di kolɔwa ɓa.»

Maafîu 26:34

Jesus yɛ Piɛrə ɓa: «Gáá moi yɛ́ a tɛ̨ą, gɛɛ tɛɛ hvo nwoo pili háákələi kpinįi ŋɛ̨i hu, ə́ kaa pai lənəi mą́ą́ geemɛ̨i haaɓa.»

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Lukə 22:17

Yili pulu, ə gbələ hɛnɲąŋą həɠə, ə́ Yálá hɛɠɛɛɓo, yɛ diɛ: «Ka ɉon, nu kəlee ə da kpələ.

Gɛlaɠaa 20:7

Nɔwɔ nwɔ hvoló dɔlɔɔ yələ, ku ɲąąkpɔnŋąąi kɛ nɛɠɛ mįi mɛ̨nį ɓa, yii Polə ə kɛli pa lii a mąą yələ laaɓoɔ, ə kɛli galan nɛa kalan, ə lamun gbɔ pələ ɓoi diɛ, ə lɛɛ ɉu kwii hąą ə mɛlaɓo.

Korɛntə dɔlɔɔ 10:16

Núwɔ́ kpələ kɔwɔi gwa kɛ lúwɔ́ kɛi mą, hvo mɔ̨ɔ̨ gu tɔɔi kɛ tanɔ̨n Kristə ɲąmą hu? Nɛɠɛ gwa kɛ ɲąąkwɛlɛi gu gee lɔwai, yai a Kristə kɔlɔ, hva mɔ̨ɔ̨ gu yee lɔ gii hu gwa diɛ ni?

Korɛntə dɔlɔɔ 15:3

Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;

Galatə 1:1

Ɲą́ą́ Polə, Jesus Kristə ŋą tímun; nu ta hvei gɛ́ la, ɛlɛɛ, və́ mąą laa hɔlɔɓo li nu ta yəi. Kɛlaa, ŋį́ ɉɔlɔɓo Jesus Kristə kpinįi kpɔ ɓə ɲəi, da gu Nąn Yálái gulɔ haa yəi, ə gɛ a vulú;

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Kolosə 3:24

Ká ká kili lɛɛ ɉu, káá, ká káá pai kwɛlin ɉɔlɔɓoi Yálá yəi a ká hvɛla. Ká Nąmu ɓaa a Kristə, ya ɓə ká káá tíi mą.

Tɛsalonikə dɔlɔɔ 4:2

Káá kpinįi mɛ̨nįi ku ká mąąkwɛli mą yɛ həɠə gu Nąmu Jesus pɔ, ká gɔlɔn.