Korɛntə dɔlɔɔ 10:4 - Yálá laawoo hɛɓɛ (dc)

⁴ ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Yálá laawoo hɛɓɛ

⁴ ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Bible

⁴ Díkelee dí Ŋ̀âla-ya tɔnɔi kpèle. Kpɛ́ni fêi, dí díkpele e kúla Ŋ̀âla-kɔnii su, nyíi pìlaŋ dípôlui. Maa-kɔnii ƃé kɛ̀ a Kôrai.

Korɛntə dɔlɔɔ 10:4 ပူးပေါင်းရင်းမြစ်များ

Zɛnɛse 40:12

Ɉosɛfə yɛ mą: «Ə́ wɔ hįį tii mukulaa ka: viɲə kpaɠa haaɓai tii, mukulaa ɓaa; aa lɛɛ pulu a hvóló haaɓa,

Zɛnɛse 41:26

Nįŋɛ̨ háá yólaa mɛ̨ihveelɛi, da mɔ̨nun gbaɠa kpɛa kpɛa mɛ̨ihveelɛi, di mukulaa ɓaa: kwɛlan mɛ̨ihveelɛ.

Mąątɛ̨nɛ̨ 105:41

Ə kwɛni kpuwulu ɓɛla, yá ə kulɔ ɉu, yɛ laa nɔi pun ɉu, yɛ tɛɛyá kɛ̨nɛ̨.

Mąątɛ̨nɛ̨ 78:15

Ə kwɛni kpuwuluɠaa ɓɛla nɔi pun ɉu, yɛ yá tɔɔ di la, yɛ yá kpɛa-kpɛaa kəlee nwun gulɔi.

Mąątɛ̨nɛ̨ 78:20

Yili ɓə gɛ, yɛ gwɛni kpuwulu kɛlɛ, yá yɛ kulɔ ɉu yɛ laa a gboloon gɛnɛ̨.» Diɛ kɛ diɛ: «A pɛli nwɔ̨nɔ̨ mɔ̨ɔ̨ lɛɠɛ tɛɛi nwɔ nuąi pɔ, ə bɛlɛ huwɔ ɓa?»

Lɛɛ gbɔwɔ ɓa 17:6

Gáá pai kɛi ə́ ɲɛ̨itɔwɔ, Horɛbə yee ɓa, gwɛni kpuwulu mɛ̨i; ya pa laa, ə gwɛni kɛlɛ. Yá kaa pai kulɔi ɉu, di di kpələ la.» Həlii di mo ɲee ɓa, Moisə ə gɛ tii. Israɛlə kalanɉonŋąą ɲɛ̨i ɓa, yɛ bələi Yai-Laa ə mo la mą.

Azaya 43:20

Lɔwɔ huwɔɠaa kaa pai náá tɛi, lɔwɔ-yilɛɠaa, da hɔ̨nwɔ̨nɔ̨gɔlɔnŋaa, mąąhɔlɔɓo, ŋį́ yá kulɔ ɲɛ̨ą-lɔi kpalaa hu, gɛ́ tɛɛ yá kpɛa kpɛa laa kpomó hu, nwɔ́ nuą diɛ di kpələ, diɛi tii a nííɓa nuąi.

Azaya 48:21

Kpələ wɛli hvo di hon nɔi pun tii ə di tɛɛ nąą pələ, ɉu; ə ya kulɔ kwɛni kpuwulu hu di mąą mɛ̨nį ɓa, ə gwɛni kpuwulu ɓɛla, tɛɛ yaɠaa di laa.

Danîa 2:38

Yálá aa hvaa mą, aa nu lonnii, da lɔwɔi huwɔɠaa, ə mą kɛ yələi nwɛ̨nįɠaa di lɔ ə yee mu, aa ə́ hee di mɛ̨i. Yɛ́ ɓə ə́ kaa a mąąnįnįn ɉaɠaa tii nwun galən yai kɛ a hɛni.

Danîa 7:17

«Ɉukulaa ɓaa: Ɉuwɔ kpɛa-kpɛa nąąn tii, yili kaa a lɔi mɛ̨i tɔɔɓɛlaa nąąn, diɛi di kaa pai di muhəɠəi.

Lonon mo 20:11

Moisə ə ɲee tɛ ɲələi, ə gwɛni kpuwulu kɛlɛ gee mɛ̨i hveelɛ a dunwɔ̨n. Yá kpoloon gɛnɛ̨ ə kulɔ gwɛni kpuwulu hu, nuą di di kpələ, ə mą kɛ di wɔ taatɛlɛɛɠaai.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Galatə 4:25

Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

Dutɛrɔnome 9:21

Ɛlɛɛ, ɉɛn ŋɛ̨i ka bɛli a nįŋɛ̨ lon, ŋį́ ɉəɠə, ŋį́ ɉuyaləyalə, ŋą gələn; ŋį́ vunwɔ, ɲái tii kɛi həɠə ɲee ɓa pələ, ŋį́ vunwɔ pu ɉu.

Kolosə 2:17

Yili kəlee kaa lɔ a mɛ̨nįi kɛli la kɛi ɉunįnįn, kɛlaa, nwun neelee ɓaa a Kristə.

Hebreu 10:1

Dɔn va pɛli mą, mɛ̨nį lɛlɛɛɠaai gaa pai, mąą mɛ̨nį ɲɛ̨i kulɔi kpɔ a neelee, gaa lɔ kɛ a nįnįn ɉu lɛ hɛn; yii dɔn ə kɛli ɉuhvɛli, ya ɓaa, ɉaláá huwu tanɔ̨n tii kaa gulɔ lɔ a kwɛlan gəlee, a gɛ pələ huwu tanɔ̨n. Yili ɓə gɛ, hva pɛli mą kɛ, nuąi da bɔ yíiɓo, di mąą mɛ̨nį ɲɛ̨i kulɔi a nɛlɛɛ, hvo naa kulɔ.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.