Korɛntə dɔlɔɔ 10:14 - Yálá laawoo hɛɓɛ (dc)

¹⁴ Yili ɓə gaa mą, nwɛ́likɛmąą nuą, 'ká kpɛla kwɛli hvilɛn ɉii hali ɓa.

Yálá laawoo hɛɓɛ

¹⁴ Yili ɓə gaa mą, nwɛ́likɛmąą nuą, 'ká kpɛla kwɛli hvilɛn ɉii hali ɓa.

Bible

¹⁴ Mɛni ma, ŋáwɛli-kɛ-maa-ƃelai, ka kasu kula ɣâla-pɔɔkɔŋ fɛliɛ ma.

Korɛntə dɔlɔɔ 10:14 ပူးပေါင်းရင်းမြစ်များ

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Korɛntə dɔlɔɔ 10:15

Kaa kɛɛ mɔ̨ɔ̨ a mɛ̨nį ŋąą kaa nuą, ya ɓə gɛi gɛ́ mɛ̨nįɠaai tii ɓo la kaa. Kaa kpįnįi, ka ɉu kwɛli.

Korɛntə dɔlɔɔ 10:19

Gɛ́ ŋį́ kɛ lə? Ɉuwɔi da baa hali ɓa, awala kɛ tii, ɉali kpinįlee, lə kɛ hɛn maa a diɛ?

Korɛntə dɔlɔɔ 10:7

'Ká hvo kɛ a hali kɔ nuą yɛ di taɠaa, yɛ bələi bɛ̨ɛ̨i la: «Nuą di hee di di laa mįi, di di kpələ, yili pulu di di muhəɠə diɛ pə́lə́ kɛ.»

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Korɛntə veelɛ 11:11

Lə mɛ̨nį ɓa? Akɛ tii, ká wɛli ɓə mɔ̨ɔ̨ hvo mą́ą́? Yálá ɓə gbaɠala kaa mą!

Korɛntə veelɛ 12:15

Ɲą́ą́ nwɛ́i, ŋą́ pɛli mą ŋą́ gbɔ́wɔ́ kwɛlɛ, ɛlɛɛ, gáá pai gbɔ́wɔ́ kwɛlɛi kpɔ tɛ̨ɛ̨tɛ̨ɛ̨? Ká mąą mɛ̨nį ɓa. Ŋą́ kɛli ká wɛlilakɛ tii, yili hva mɔ̨ɔ̨ nwɛ́li too kaa?

Korɛntə veelɛ 12:19

Kɛlɛi, ɉu aa kwɛa, a kɛ ká kwəi, ku kaa ku kpɔwɔ nwun mąąkɔ̨nwɔ̨i ká ɲɛ̨i ɓa-e? Kpaa-o, Yálá ɲɛ̨i ɓa, Kristə hu ɓə ku kaa pələ ɓoi laa. Yili kəlee hu, nwɛ́likɛmąą nuą, ká hutɔɔ mɛ̨nį ɓə a mɛ̨nį lɛlɛɛ.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Filipə 4:1

Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Filemɔn 1:1

Ɲą́ą́ Polə, ɲą́ą́ ŋɛ̨i gaho ŋą Jesus Kristə laa mąą mɛ̨nį ɓa, kwa Timote ɓə ɉɛɓɛ́ ŋɛ̨i tɛɛi Filemɔn ɓa, diɛi kwa diɛni ku kaa díɓo tɔ̨nɔ̨i ŋɛ̨i ɓa.

Hebreu 6:9

Yii ɓaa ká wɛi, nwɛ́likɛmąą nuą, ku mą kɛ mɛ̨nįɠaa ti ɓoi, ku laai na kuɔ: Ká káá bələ haŋąa mɛ̨i, yai a ɓalo pələ.

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Zɔ̂ŋ Maa-ŋuŋ 5:21

Nónnii pɛlɛɛɠaa, 'ká ká kpɔwɔ mɛ̨i kaa haliɠaa mąą mɛ̨nį ɓa.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!