Korɛntə dɔlɔɔ 1:31 - Yálá laawoo hɛɓɛ (dc)

³¹ Ya ɓə a gɛ, yɛ bələi ɉɛɓɛ́ ə mo la, yɛ kɛ: «Nui yɛ ə gbɔwɔ ɲąąkɛnɛ̨, ə gbɔwɔ ɲąąkɛnɛ̨ gu Nąmu hu.»

Yálá laawoo hɛɓɛ

³¹ Ya ɓə a gɛ, yɛ bələi ɉɛɓɛ́ ə mo la, yɛ kɛ: «Nui yɛ ə gbɔwɔ ɲąąkɛnɛ̨, ə gbɔwɔ ɲąąkɛnɛ̨ gu Nąmu hu.»

Bible

³¹ Mɛni ma, yɛ̂ɛ berei bɔ̃yɛɛ̂i lai, “Ǹúui a yoŋka tèei, tɔɔ e yoŋka tée Kúnuu-namui maa-mɛni ma.”

Korɛntə dɔlɔɔ 1:31 ပူးပေါင်းရင်းမြစ်များ

Kɔlɔnikɔ Maa-ŋuŋ 16:10

'Ka ká ɲɛ̨i pɔ̨nɔ̨ a Naa mąąhəɠɛɛ tii! Kaai Yai-Laa kwɛlii a ka lii kəlee, 'ka ka kwəinɛ̨ɛ̨!

Kɔlɔnikɔ Maa-ŋuŋ 16:35

'Ka mo kpɔ a ɉələ woo, kaa diɛ: «Ku ɓalo Yálá! Ku ɓalo! Ku ɲąąkpɔn, Ə́ ku kulɔ hį́i takpɛliɠaa lɔwai. Ə gɛ, ku Ə́ laa mąąhəɠɛɛ tɛ, ɛlɛɛ, Ə́ mąątɛ̨nɛ̨ mɛ̨nį ə ɓo a ku ɲɛ̨i pɔ̨nɔ̨ hɛn.

Mąątɛ̨nɛ̨ 105:3

Naa Mąąhəɠə mɛ̨ni ə ka ɓələn, kaai Yai-Laa kwɛlii, 'ka gɛ kwəinɛ̨ɛ̨ hu.

Mąątɛ̨nɛ̨ 34:2

Gáá Yai-Laa laa mąąwiɛi a yələ kəlee, mąątɛ̨nɛ̨ woo hva kpɛɛ ná.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 45:25

Yai-Laa haalai, Israɛlə huwu kəlee mąąhvaa kaa pai lɛɛi, di kaa pai di kwəinɛ̨ɛ̨i.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Lomaŋ 4:2

Akɛ tələnmolaai Abrahamə ə ɉɔlɔɓo Yálá ɲɛ̨i ɓa, ə Ɉɔlɔɓo dúwɔ́ pələ hu, a pɛli mą kɛ ə gbɔwɔ ɲąą kɛnɛ̨. Kɛlaa, hva pɛli gbɔwɔ ɲąą kɛnɛ̨i Yálá ɲɛ̨i ɓa.

Korɛntə dɔlɔɔ 4:6

Ną́n nonnii, ka mąą mɛ̨nį ɓə gɛ, gɛ́ mɛ̨nįi ŋɛ̨i hukulɔ la a ɉon bələ takpɛli, gɛ́ gɔɔn, ɲą́ą́ kwa Apɔlɔsə kuɔ, ə gɛ, ká ku túwɔ́ pələi tii kaa, ká hvo pa nəi hvɛɛ a kpɔwɔ ɲąąkɛnɛ̨, káá ká liiɓa həɠə la ku hu.

Korɛntə veelɛ 10:17

Nui yɛ ə gbɔwɔ ɲąą kɛnɛ̨, ə gbɔwɔ ɲąą kɛnɛ̨ gu Nąmu hu.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.