Korɛntə dɔlɔɔ 1:25 - Yálá laawoo hɛɓɛ (dc)

²⁵ Mąąhɔlɔɓo, yii Yálá ɲɛ̨i ɓa a ɓowo mɛ̨nį, gaa a kilikɛɲəi laa kɛnɛ̨ɛ̨, dɛɛ nu kan ma; ɛlɛɛ, yii Yálá ɲɛ̨i ɓa a hvįikpɛɛlaa, vaŋą kɛnɛ̨ɛ̨ dɛɛ nu kan ma.

Yálá laawoo hɛɓɛ

²⁵ Mąąhɔlɔɓo, yii Yálá ɲɛ̨i ɓa a ɓowo mɛ̨nį, gaa a kilikɛɲəi laa kɛnɛ̨ɛ̨, dɛɛ nu kan ma; ɛlɛɛ, yii Yálá ɲɛ̨i ɓa a hvįikpɛɛlaa, vaŋą kɛnɛ̨ɛ̨ dɛɛ nu kan ma.

Bible

²⁵ Kpɛ́ni fêi, Ɣâla ŋɔƃoo-mɛnii káa a tare-mɛni é tɛ́ɛ núu-kpune ŋɔtárei ma, ŋɔmɛni fii-kpɛɛi kɛ́ ƃò a mɛni-kpanaŋ é tɛ́ɛ núu-kpune ŋɔmɛni-kpanaŋ ma.

Korɛntə dɔlɔɔ 1:25 ပူးပေါင်းရင်းမြစ်များ

Lɛɛ gbɔwɔ ɓa 13:17

Ɓɛlɔwai Eziptə tɔɔmun ə ɓo la Israɛlə lonnii diɛ, diɛ li, Yálá hvo hvaa mą, di hvo tɛɛ Filisti lɔi hu pələ; bələi mąn bələ yili kpuai kɛ la. Mąąhɔlɔɓo, ə gaa yɛ, da tɛɛ laa pələ, kɔ́ kaa lii heei diɛ, di ɲɔw, di pənə di pulu diɛ li Eziptə lɔi hu.

Korɛntə dɔlɔɔ 1:18

Jesus Kristə haa mɛ̨nį laa həliɛ kaa a ɓowo mɛ̨nį, nwun na pili nuą diɛ, kɛlaa, yiiɠaai di kaa ɓalo pələ mɛ̨i, gu wɛi, gaa a Yálá ŋą huwalawalalaa.

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Korɛntə dɔlɔɔ 4:10

Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.