Korɛntə dɔlɔɔ 1:20 - Yálá laawoo hɛɓɛ (dc)

²⁰ Gilimąą mun gaa mį? Dɔ́n galamɔ̨ɔ̨ kaa mį? Yɛnɛ̨ɛ̨ mɛ̨nį ɲąąyɛɠɛmun gaa mį? Yálá hvaa mɔ̨ɔ̨ yɛnɛ̨ɛ̨ ŋą kilikɛɲəi laa kɛ a ɓowo mɛ̨nį?

Yálá laawoo hɛɓɛ

²⁰ Gilimąą mun gaa mį? Dɔ́n galamɔ̨ɔ̨ kaa mį? Yɛnɛ̨ɛ̨ mɛ̨nį ɲąąyɛɠɛmun gaa mį? Yálá hvaa mɔ̨ɔ̨ yɛnɛ̨ɛ̨ ŋą kilikɛɲəi laa kɛ a ɓowo mɛ̨nį?

Bible

²⁰ Dare-nuui kɔɔ? Gɔlɔ-pɔ̃yɛ-nuui kɔɔ? Ŋ̀éniɛi ŋí su yeli-tɔɔ-nuui kɔɔ? Diai da díkpîŋ kula a tare-ƃela ǹɔii ŋí sui, Ɣâla fe gɛ̀ ní dí kɛ́ a ƃoo-ƃela?

Korɛntə dɔlɔɔ 1:20 ပူးပေါင်းရင်းမြစ်များ

Samia Veerɛi 15:31

Di pa diɛ Davidə ɓa: «Ahitofɛlə kaa nɔgili kɛ nuą pɔ, da Absalɔn ni ɓə di tɔɔ.» Davidə ə Yálá hvɛli yɛ mą: «Gáá ə́ hvɛlii Yai-Laa, gɛ ə́ Ahitofɛlə kili ŋąą pɛlɛ hvo kilimąą woo ɓo.»

Samia Veerɛi 16:23

Liɛwooɠaai Ahitofɛlə ə kɛi gɛ nąąlɔwai, di kɛi di wəli tɔɔ gəlee ɓa yɛ Yálá lawoo. Ə ma kpɛli kɛ Absalɔn ɲɛ̨i ɓa, yɛ pələi Ahitofɛlə hvaa woo ə kɛ la Davidə ɲɛ̨i ɓa, yɛ Yálá lawoo.

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Zôo 12:17

A mɛ̨nį kɔ́lɔn nuą kpɛa kpɛa kili həɠə di yəi, Yɛ kiti tee nuą kɛ a ɓowo nuą.

Zôo 12:20

Nuąi di wəlɛɛ pələ ɓo, yɛ di woo tee mɛ̨i, yɛ hulɔgoloɠaa di wɔ mɛ̨nį ŋąą kaa kulɔ di yəi.

Zôo 12:24

A lɔi nwun nąmįną kili kpɛɛ di yəi, yɛ di too di nwun ma lɔi pun ɉu, ɓɛi pələ hvo laa.

Azaya 33:18

Nui kɛi ə́ mąąɲɔw, ə́ kaa pai kɛi ə́ kiliŋąhiɛi mą, nui kɛi ə́ kɛ kóló mɛ̨i kaa, gaa mį? Nui kɛi ə́ pulu kaa ə wɔɔ? Nui kɛi ə́ wɔ taa walawalaɠaai mɛ̨i kaa gaa mį?

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Ɉaan 12:31

Yiihu, ɲɛnɛ̨ɛ̨ ŋɛ̨i kiti teei lɔwai a həli, di kaa pai gití kalai ɉu tɔɔmun ma, di gbɛ.

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Lomaŋ 1:20

Ə həɠə yɛnɛ̨ɛ̨ pɛli yələ ɓa, ə həli la yiihu ɓa, Yálá kɛ pələɠaai nu hva pɛli gaai: nwɔ huwalawalalaai kpɛɛ hvo mą, nwɔ Yálá laa, gəlee kulaai pono ŋą gɛ kólóɠaa kəlee hu. Mɛ̨niɠaa di hu ɓə nuą da pɛli di Yálá kɔ́lɔn naa. Yili ɓa, mąąhvaalɛɛ hvo diɛ.

Lomaŋ 1:22

Da kɛ di kpɔɔ kaai yɛ kilimąą nuą, a mɛ̨nį gɛ, diɛmun daa ɓowo.

Korɛntə dɔlɔɔ 1:19

Gbala ə tɔɔ, bɛ̨ɛ̨i, diɛ kɛ: «Ŋą́ kilimąą nuą kili kpɛɛ di yəi, ŋą́ nwun gɛ ɉu nuą di wɔ nwun gɛ ɉu laa, hu kala.»

Korɛntə dɔlɔɔ 1:26

Ną́n nonnii, káá kpinįi ka ká kpɔwɔ kaa tai, a káái Yálá aa ka təlii: Nuąi di kaa nuą ɲɛ̨i ɓa a kilikɛɲəi nuą, di hvo tamą li ká lɔwai, ə mą kɛ, nu kpɛa-kpɛaa, ɛlɛɛ, laa kɛnɛ̨ nąmįną di hvo tamą li ká lɔwai.

Korɛntə dɔlɔɔ 1:27

Kɛlaa, hɛn a ɓowo mɛ̨nį yɛnɛ̨ɛ̨ nuą ɲɛ̨i ɓa, ya ɓə Yálá ə ɉəɠə, ə kilikɛɲəi nuą ɲɛ̨i paa la, hɛn vįikpɛɛ yɛnɛ̨ɛ̨ ɲɛ̨i ɓa, ya ɓə Yálá ə ɉəɠə ə, huwalawalalaa ɲɛ̨i paa la.

Korɛntə dɔlɔɔ 1:28

Hɛn yɛnɛ̨ɛ̨ dɔlɔ hvo mą, diɛ viiɓo, yii mąn hvo yɛnɛ̨ɛ̨, ya ɓə Yálá ə ɉəɠə, yɛ ɉɛn yɛnɛ̨ɛ̨, vaŋą hukala a diɛ.

Korɛntə dɔlɔɔ 11:32

Kɛlaa, gu Ną́mu a gu kiti tee gu hutɔɔ mɛ̨nį ɓa, ə gɛ, kiti hvo pa kala guɔ gwa yɛnɛ̨ɛ̨ nuą.

Korɛntə dɔlɔɔ 2:6

Kɛlaa gaa kpɔ pa a tɛ̨ą, kilikɛɲəi laa ɓə ku kaa nɛi Kristalɛa diɛ, a diɛi daa di kpɛlaan ɉee. Gilikɛɲəi laa yili, hvo a ɲɛ̨nɛ̨ɛ̨ ŋɛ̨i nwɔɔ, ə mą kɛ a ɲɛnɛ̨ɛ̨ ŋɛ̨i hu tɔɔɓɛlaa di wɔɔ, yai naa kulɔi ɓaa a nwun na pili.

Korɛntə dɔlɔɔ 2:8

Ɲɛnɛ̨ɛ̨ ŋɛ̨i hu tɔɔɓɛlaa danɔ̨n gbɛli hvo kɛ gɔlɔn; hvo gaai, da gɔlɔn gɛ, di hvo li kɛ mąąwiɛlaa Ną́mu kpɔn kolɔwa ɓa.

Korɛntə dɔlɔɔ 3:18

Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Korɛntə dɔlɔɔ 6:2

Ka hvo gbaɠala kɔ́lɔn kaa diɛ, Yálá nwɔ nuąi ɓə pai yɛnɛ̨ɛ̨ nuą kiti teei? Akɛ, káá ɓə pai yɛnɛ̨ɛ̨ kiti teei, lə mɛ̨nį ɓa ka hva pɛli mɛ̨nį hvįikpɛɛ kiti teei ka lɔwai?

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.