Kɔlɔnikɔ Maa-ŋuŋ 9:22 - Yálá laawoo hɛɓɛ (dc)

²² Nuąi kpɔ di di həɠə ɉu, di di kɛ a bɛlɛ́ laaləi mɛ̨ikaa nuą, a nu nwundɔ̨nɔ̨ nu pow kɔ́w hveelɛ. Di di laa həɠə di pɔ taaɠaa. Davidə da Samuɛlə ŋɛ̨i kɛ a Yálá kwəi mɛ̨nį hukulɔ mun, diɛ ɓə nuą tii kɛ koló tɛɛ di pɔ a yələ kəlee mɛ̨nį.

Yálá laawoo hɛɓɛ

²² Nuąi kpɔ di di həɠə ɉu, di di kɛ a bɛlɛ́ laaləi mɛ̨ikaa nuą, a nu nwundɔ̨nɔ̨ nu pow kɔ́w hveelɛ. Di di laa həɠə di pɔ taaɠaa. Davidə da Samuɛlə ŋɛ̨i kɛ a Yálá kwəi mɛ̨nį hukulɔ mun, diɛ ɓə nuą tii kɛ koló tɛɛ di pɔ a yələ kəlee mɛ̨nį.

Bible

²² Ǹûai kɛ̀ a ziɣãŋ lá-ƃerei da ziɣãŋ mɛi káa-ƃelai gélee bu gîe ma è kɛ̀ a núu ŋ̀uŋ feerɛ pôlu puu káo feerɛ (212). Dí wɔ́lɔ ǹûai ŋí láa siɣe díkpanâŋ-ŋai ma. Gâloŋ Deeƃé da Ɣâla ŋɔlóno kɛ́ nuui Samia ƃé díi ŋí tɛ̀ɛ ǹûai ŋí pɔ́.

Kɔlɔnikɔ Maa-ŋuŋ 9:22 ပူးပေါင်းရင်းမြစ်များ

Kɔlɔnikɔ Maa-ŋuŋ 28:13

Ə mą kɛ ɉaláá laa həli nuą, da léviɠaa heekpəlin na kɛ pələ, da Yai-Laa nwɔ pɛlɛ́i golóɠaa kəlee.

Kɔlɔnikɔ Maa-ŋuŋ 28:21

Ɉaláá laa həli nuą, da Levi lonnii heekpəlinna ka, Yálá nwɔ pɛlɛ́i mu koló kəlee kɛ mɛ̨nį ɓa, nuąi da kɛ nwɔ̨nɔ̨ ə́ pɔ, diɛ ɓaa: nuąi kiliŋąhiɛ lɛlɛɛ kaa diɛ, di yɛlɛɛ, diɛ ɓo a koló huwui lɔpee gɛ pələ kpaɠala kɔ́lɔn ŋąą; nɔi kalanɉonŋąą da nɔi lonnii kəlee kaa ə́ yee mu.»

Kɔlɔnikɔ Maa-ŋuŋ 29:29

Tɔɔmun Davidə kɛ mɛ̨nįɠaa dɔlɔɔ tɔlɔɔɠaa da gbɛlamąąɠaa, di bɛ̨ɛ̨ gɛɛ kaamun Samuɛlə, da Yálá kwəi mɛ̨nį hukulɔ mun Natan di wɔ hɛɓɛ́i hu, da gɛɛ kaamun Gadə nwɛi hu,

Kɔlɔnikɔ Maa-ŋuŋ 9:16

Ovadia Semaya lon, Galalə lon, Yedutun lon da, Berekia Asa lon, Ɛlkana lon, diɛi kɛ heeni Netofa nuą di wɔ taaɠaai hu.

Kɔlɔnikɔ Maa-ŋuŋ 9:23

Diɛ da di lonnii ɓə kɛi Yai-Laa nwɔ pɛlɛ́i laaləi mąąkpɛ, yai kɛ a ɉəɠə pɛlɛ́.

Kɔlɔnikɔ Maa-ŋuŋ 9:31

Kore huwuhu mun ŋɛ̨i kɛ a Salumə, non dɔlɔɔ Matitia, yai gaa a Levi nwɔ pɛlɛ́i mu lon da, ya ɓə kɛ Yálá kɔ́ nwɔ̨mį́i pɛli mɛ̨nį nwun na.

Kɔlɔnikɔ Veerɛi 23:19

Yehoyada ə Yai-Laa nwɔ pɛlɛ́i laaləi mɛ̨ikaa nuą hee bɛlɛ́ laaləi, əgɛ, hɛn mąąluwuɛɛ ta hvo tɛɛ hvo lɔ, a kpaalə huwui lɔpee.

Kɔlɔnikɔ Veerɛi 31:15

Edɛn, Miniaminə, Yesua, Semayahu, Amariahu, da Sekaniahu, diɛi tii kɛ manin mɛlaa taaɠaa hu, di kɛ ɲee mu. Nuą tii ɓə kɛ mąąnɛ̨ɛ̨ di ɉɛnŋąą ɲąąkwɛlɛ a kwəi kwələ laa di kaayɔwɔɠaa diɛ, yɛ bələi di heekpəlin na kaa la, nu pɔlɔ tɔɔi ə ɓo mą da nokolo tɔɔi.

Kɔlɔnikɔ Veerɛi 31:18

Di kɛi bɛlɛ́n nuą kəlee laa pɛ̨ɛ̨; nɛ̨ą, hilɛlɛa, da nɛ̨ɛ̨lɛa, di nu kpulu kəlee laa pɛ̨ɛ̨, akɛ da di mąąhəɠə a kpɔ a kwəi kwələ laa.

Nehemi 11:36

Levi lonnii taɠaa di həɠə Ɉuda lɔi hu, diɛ li Bɛnɉamɛn lɔi.

Nehemi 12:44

Volói tii ɓə di nuą taɠaa yɛɠɛ la ɉu, ə gɛ, ɉihɛn nįnɛ̨ɠaa da ɉɛn bow nąąɠaai di pai kɛi gulɔi da bu mu, diɛ mɛ̨i kaa. Ɉɛnŋąąi tii da paa la diɛ həɠə la daaɠaa hu, nuąi tii ɓə da haláá laa həli nuą da Levi huwuhu nuą di wɛi kulɔ ɉu, pələi tɔ́n ə mo la. Ɉuda nɔi nuą kəlee kwəinɛ̨ɛ̨i kɛ ɉaláá laahəli nuą da Levi huwuhu nuą di kɛ koló hu.

Samuɛlə dɔlɔɔ 9:9

Di kɛi wɔlɔ mo diɛ kɛ Israɛlə lɔi hu, nuą da kɛi li Yálá mąąnin gɛ, da kɛ diɛ: «Ka pa, ka gwə li gɛɛkaamun bɔ», mąąhɔlɔɓo Yálá kwəi mɛ̨nį hukulɔ mun mə di kɛi kɛ mą wɔlɔ kɛɛkaamun.