Kɔlɔnikɔ Maa-ŋuŋ 9:1 - Yálá laawoo hɛɓɛ (dc)

¹ Di Israɛlə nuą kəlee lonon, di di laa pɛ̨ɛ̨ Israɛlə tɔɔɓɛlaa di wɔɔ hɛɓɛ́i hu. Yii ɓaa Ɉuda nuą di wɛi, di wɔlɔ li a diɛ Babilonə luwɔlaa hu, di wɔɔ woo kala laa mąą mɛ̨nį ɓa.

Yálá laawoo hɛɓɛ

¹ Di Israɛlə nuą kəlee lonon, di di laa pɛ̨ɛ̨ Israɛlə tɔɔɓɛlaa di wɔɔ hɛɓɛ́i hu. Yii ɓaa Ɉuda nuą di wɛi, di wɔlɔ li a diɛ Babilonə luwɔlaa hu, di wɔɔ woo kala laa mąą mɛ̨nį ɓa.

Bible

¹ Dí Eezuɛ-ƃelai kélee láa sìɣe dísuu ma dí bɔ̃yɛ Eezuɛ-ŋai díkâloŋ-ŋai dímɛni pɔlɔ kɔlɔi su. Dí wɔ́lɔ Zuda-ƃelai sòŋ a kɔ-soŋ-ŋa dí lí a dia Babelɔŋ kpɛ́ni fêi díwɔlɔ sɔnyɔ̂ŋ kɛ̀ a Ɣâla.

Kɔlɔnikɔ Maa-ŋuŋ 9:1 ပူးပေါင်းရင်းမြစ်များ

Tɔɔɓɛlaa dɔlɔɔ 14:19

Ɉeroboamə kɛ mɛ̨nį gbəliɠaa, gɔɠaai ə gɔ́, da dɔɔlaa, gəlee pɛ̨ɛ̨ Israɛlə tɔɔɓɛlaa kɛ mɛ̨nį hɛɓɛ́ hu.

Tɔɔɓɛlaa veelɛ 24:14

Nabukodonosorə ə li a Ɉerusalɛmə nuą kəlee luwɔlaa hu. Nąą kpɛa kpɛa nąmįną kəlee, da galanɉonŋąą kəlee di pɛlɛɛ di kee ɓa di kɛ a: nu waa pow. Ə mą kɛ gwɛli yɔw nuą da ɲɛlɛ kɛ nuą kəlee; tíi kɛ nuą lɔ ɓə di di lɛɛ laa.

Tɔɔɓɛlaa veelɛ 24:15

Nabukodonosorə ə li a Yoyakin nee, nɛ̨ąni, da nwɔ tínuą, da nɔi kalanɉonŋąą da nwɔ gbɛtɛgbuwuluɠaa, ə di kulɔ Ɉerusalɛmə, ə li a kɛ diɛ Babilonə luwɔlaa hu.

Tɔɔɓɛlaa veelɛ 24:16

Nąą kpɛa kpɛaa nąmįną, yiiɠaai kɛ a kɔkulaaɠaa, di kɛ a nu waa mɛ̨ihveelɛ, ɲɛlɛ kɛ nuą, da gwɛli yɔw nuą di a nu waa tɔ̨nɔ̨.

Kɔlɔnikɔ Maa-ŋuŋ 8:40

Ulamə lonnii di kɛ a kulááɠaa, di yɛlɛɛ kilɛn bilii. Di lon damąą kaa, di mąnin gbulu kɛnɛ̨ɛ̨, di kɛ a nu nwundɔ̨nɔ̨ nu pow lɔɔli. Nuą tii kəlee di kɛ a Bɛnɉamɛn nwɔ pɛlɛ́i mu nuą.

Kɔlɔnikɔ Veerɛi 33:11

Yai-Laa ə Asiri tɔɔmun nwɔ kɔlaɠa nwun nąmįną tɔɔ, di pa a kɔ́, di bɛlɛ diɛ. Di Manase hon kwɛli kpɛlɛmąąɠaa, di ɲili a ɓala kwɛli yɛli, di li la Babilonə.

Ɛsdrasə 2:1

Nuąi wɔlɔ Babilonə tɔɔmun Nabukodonosorə ə di hon a luwɔɠaa, yɛ li a diɛ Babilonə, yiiɠaai həɠə goɓitaaɠaa hu, diɛ pənə diɛ li Ɉerusalɛmə daai, Ɉuda lɔi hu, nu kəlee yɛ li bɔ taai diɛ ka:

Ɛsdrasə 2:59

Nuą yiiɠaai həɠə Tɛlə-Mela daai, da Tɛlə-Harsa daai, da Kerubə-Adan daai, ə mą kɛ, Imɛrə daai, diɛi di hvo gɛ di hvo di huwu hvaa ɓo, da di kaa nuą, ə gɛ, di nɛ, diɛ Israɛlə nu huwu ɓaa a diɛ.

Nehemi 11:1

Nɔi ɲąąwooɓo nuą di kɛ heeni Ɉerusalɛmə. Nɔi lonnii di gɔ́ a kpɛɛ, di nu tɔ̨nɔ̨ həɠə nu pow lɔwai, yili yɛ pa heei Ɉerusalɛmə daa mąąhəɠɛɛ hu, mɛ̨inąąn dakpɛliɠaai tii di lɛɛ daaɠaa hu.

Nehemi 7:5

Nwɔ́ Yálá ə doo gíli pɔ, yɛ ŋį́ galanɉonŋąą, daa ŋąąwoo ɓo nu, da nɔi nuą ŋąąkpɔn di lono mɛ̨nį ɓa. Nuąi kulɔ nuwɔ laa hu diɛ pa, ŋį́ di lono hɛɓɛ́ hu kaa, yii ka bɛ̨ɛ̨ ɉu, ya ka:

Nehemi 7:64

Nuą tii di di wɔ pɔlɔ kiliin ɉɛɓɛ́ kwɛli, di hvo gaa, yili ɓə gɛ, di di kaa a nu mąąliɓiɛɠaa, di di laa kulɔ ɉaláá laa həli nuą laa pɔ.

Azaya 3:2

Yɛ ə kɛ a huwalawalamun, yɛ ə kɛ a kɔ́ kuláa; ə mą kɛ, kiti teemun da Yálá kwəi mɛ̨nį hu kulɔ mun; ɛlɛɛ, tɔlu kpɛmun, da hulɔgolo.

Ɉeremi 13:19

Daa ɉɛɠɛɛ pələ taaɠaa kəlee gbon naa kpulu, nu ta hvo pai naa ɓoi, daa li a Ɉuda nuą kəlee kpɔ tɛ̨ɛ̨tɛ̨ɛ̨ luwɔlaa hu, dɔ̨nɔ̨ kpɛli hvo lɛɛ li.

Ɉeremi 39:9

Galanɉonŋaai kɛ ni daai, tɔɔmun mąąkpɛ kɔ́kulááɠaa di nwun nąmu Nebuzaradan, ə li a diɛ Babilonə, da nuąi tii kɛ daa pu, diɛ di kpɔɔ tɛɛ bɔi, da gwəli nąmįną gbəliɠaa.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.