Kɔlɔnikɔ Maa-ŋuŋ 5:20 - Yálá laawoo hɛɓɛ (dc)

²⁰ Gɔi tii mɛ̨i ɓə di wɔlɔ laa Yálá ɓa, ə kpɔnmąą tɛɛ di pɔ, di yee ə tɛɛ di yowoɠaa diɛ, hvó gaai di kilitɔɔi kɛ Yálá ɓa. Di Hagri hon a kɔ́, da di yee pɔwaa kəlee.

Yálá laawoo hɛɓɛ

²⁰ Gɔi tii mɛ̨i ɓə di wɔlɔ laa Yálá ɓa, ə kpɔnmąą tɛɛ di pɔ, di yee ə tɛɛ di yowoɠaa diɛ, hvó gaai di kilitɔɔi kɛ Yálá ɓa. Di Hagri hon a kɔ́, da di yee pɔwaa kəlee.

Bible

²⁰ Dí díkili tɔ̀ɔ Ɣâla ma gɔ́i ŋí su. Nya ƃe Ɣâla è dífɛli-wooi mɛ̀ni é kpɔ́ŋ dîa dí Agiri-ŋai, Zɛtu-ŋai, Nafisi-ŋai, Noda-ŋai da díkpɔŋ mâaa-ƃelai kélee yée mɛi ɣále. Dí ǹûai ŋí ní yée mɛi ɣâle, kpɛ́ni fêi, Ɣâla è kɛ̀ dípôlu gɔ́i ŋí su.

Kɔlɔnikɔ Maa-ŋuŋ 5:20 ပူးပေါင်းရင်းမြစ်များ

Zɛnɛse 25:21

Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə.

Zɛnɛse 49:19

Gadə nwɛi, too mɛ̨i kɛ nuą da wolo mą, ə tinɛ̨n ə wolo diɛ, ə hvilɛn di pulu yɛ di kpɛ.

Tɔɔɓɛlaa dɔlɔɔ 22:32

Yaan, yii kɛa gɔ́kulááɠaai ŋɛ̨i kɛ nwotolo hu, di Ɉosafatə kaa dɔɔ həɠə ə ɓo nwąną, di mo kɛa di kee lɔwai diɛ mą: Israɛlə tɔɔmun kpɔ ka tii kiɛ. Di tinɛ̨n gɛa di hee mą a kɔ́, kɛlaa, Ɉosafatə ə tomą kpɔ a kɔ́kuláá woo.

Kɔlɔnikɔ Maa-ŋuŋ 5:21

Di nɛ̨ɛ̨mą, di di wɔɔ taatɛlɛɛɠaa kəlee hon, yii nonon ŋąą ə kɛ a: Ɲɔ̨nwɔ̨mɛ̨ɛ̨ waa nwun nɔɔli, ɓɛlaa pɛlɛɛ ɓooli ɓa yɛ ɓo a waa nwun veelɛ ɲee lɔɔli, Hoohvaalən nwaa hveelɛ; nu kan ə ɓo a nu waa nwun nɔɔli.

Kɔlɔnikɔ Maa-ŋuŋ 5:22

Di di yowoɠaa tamąą paa, mąąhɔlɔɓo, gɔi tii, ə həɠə Yálá pɔ. Di nɛ̨ɛ̨mą di hee di heei.

Kɔlɔnikɔ Veerɛi 13:18

Israɛlə nuą di nwumɛ̨ a ɲələi tii, Ɉuda nuą di yee tɛɛmąą kɛ, di ɲɛ̨i ə pɔ̨nɔ̨. Mąąhɔlɔɓo, di di kilitɔɔ Yai-Laa ɓa, yai a di nąnni di wɔɔ Yálá.

Kɔlɔnikɔ Veerɛi 18:31

Ya ɓəi gɛ, ɓɛlɔwai kɔ́-wotolo nwun nąmįną di Ɉosafatə kaa la, di kɛi kɛ diɛ: Israɛlə tɔɔmun ga tii. Di nɛɛ mą, di mąątínɛ̨n, əgɛ, di ɉon. Kɛlaa, Ɉosafatə ə tómą, Yai-Laa ə kpɔnmąą tɛɛ bɔ, Yálá ə di ɲɛ̨i tínɛ̨n ə ɉəɠə mą.

Kɔlɔnikɔ Veerɛi 20:12

Ku wɔɔ Yálá, hvó mɔ̨ɔ̨ pai Ə́ wɔɔ kitii pui di mɛ̨i? Hvo gaai, hvaŋą hvo ku yəi, ku hvo tɔɔ la nu kpulu kɛnɛ̨i tii pai dɔwɔ. Kɛlaa, ku ɲɛ̨i kaa lɔ Yɛ́.»

Kɔlɔnikɔ Veerɛi 26:7

Yálá ə tɔɔ bulu ɓɛlɔwai da Filisti nuą, Arabə nuą kɛ Gurə-Baalə da Meun nuą di kɛ la kɔ́ ŋą.

Kɔlɔnikɔ Veerɛi 33:13

ə wɔlɔ mą. Yai-Laa ə niilaa bɔ, ə nwəli tɔɔ nwɔ nɛ̨ɛ̨mąą woo ɓa, ə pənə ə pa a Manase Ɉerusalɛmə daa, əgɛ, ə nwɔɔ tɔɔlaai kɛ. Manase ə gɔlɔn yɛ kɛ, Yai-Laa ɓə gaa a Yálá.

Ɛsdrasə 8:23

Ku nɛɛ mą ku hin nɔ, ku Yálá hvɛli mɛ̨nįi tii hu, yaan ə ku woo ŋąąpənə.

Mąątɛ̨nɛ̨ 37:39

Tələnmo nuą ɓalo mɛ̨nį a həɠə Yai-Laa pɔ, ya ɓə gaa a di mąąkpɛ pɛlɛ́ wala wala, ɓɛlɔwai mɛ̨nį wala wala ta a di kaa la.

Mąątɛ̨nɛ̨ 37:40

Yai-Laa a di mąąkpɔn mąąɓo; yɛ di yee la hvólóon, a di kulɔ nu ɲɔ̨nwɔ̨ɔ̨ɠaa yəi; yɛ di ɓalo, mąąhɔlɔɓo, Yai-Laa ɓə di gɛ a di mąąkilɛi.

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Lɛɛ gbɔwɔ ɓa 17:11

Ɓɛlɔwai Moisə a ɲeeɠaa tɛ la ɲələi, gɔ́ a nɛ̨ɛ̨ Israɛlə nuą diɛ. Kɛlaa, ɲee hu a haa a ɲɛɛ, Amalɛkə nuą da hvaŋą hɔlɔɓo Israɛlə mɛ̨i.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Ɉeremi 39:18

Hɛa hvo ɉu, gáá pai ə́ nwun mąąɓoi, ɓɔwa kwɛa hvo pai ə paai, ya ə́ kilitɔɔ mą́ą́, ə́ nwun gaa pai kulɔi ɉu. Yai-Laa woo li.›»

Danîa 6:23

Ee! Nwɔ́ Yálái ə nwɔ malaka tɔɔ, ə pa ə ɲalaɠaa laaləi hon, di hvo mɛ̨nį lɔpee ta kɛ a ɲą́ą́. Mąąhɔlɔɓo, hvo kɛ ɉɔn gaa li mɛ̨nįi ŋɛ̨i hu, ə lɛɛ, və́ nwɔ̨nɔ̨ a hɔn maa mun ə́ ɲɛ̨i ɓa. Oo nwɔ́ Tɔɔmun, və́ kɛ mɛ̨nį ɲɔ̨n gɛ li.»

Nahumə 1:7

Yai-Laa nwɔ mɛ̨nį lɛlɛɛi, gaa a nu mąąkilɛi, laanɔ̨nwɔ̨ lɔwai, nuąi da di mąąkilɛ vaɠan mu, a gili lɛɛ di hu.

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.

Zasua 10:14

Ə həɠə volói tii ɓa, hvóló ta hvo ta tɔɔli tii aa lɛɛ ɉu yiihu aa həli, a volói Yai-Laa ə lɛɛ la nu woo mu, mąąhɔlɔɓo, dɔɔi kɛ Israɛlə pulu.

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Zasua 23:10

Ka tɔ̨nɔ̨ ə kɛi nu waa tɔ̨nɔ̨ kpɛ, mąąhɔlɔɓo, Yai-Laa ka wɔ Yálá ɓə gɔ́ kɔ́ ka yəi, yɛ bələi ə mo la kaa.

Samuɛlə dɔlɔɔ 19:15

Saulə ə nuą tɔɔ Davidə naa kaa mɛ̨nį ɓa, yɛ diɛ: «Ka nɛɛ laani ɲɔ̨n gɛ haɠa ɓa, ka ɉəɠə ka paa la ŋą́ baa.»

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»