Kɔlɔnikɔ Maa-ŋuŋ 29:9 - Yálá laawoo hɛɓɛ (dc)

⁹ Nuą tii kəlee di ɉɛnŋąą tii tɛɛ a di kwəinɛ̨ɛ̨, hvo gaai, di kɛi di tɛɛ Yai-Laa pɔ a di kwəi kwəlɛɛ. Tɔɔmun Davidə yaa kpɛli mąn, gwəi ə nɛ̨ɛ̨ ɉu kpɔ kɛnɛ̨.

Yálá laawoo hɛɓɛ

⁹ Nuą tii kəlee di ɉɛnŋąą tii tɛɛ a di kwəinɛ̨ɛ̨, hvo gaai, di kɛi di tɛɛ Yai-Laa pɔ a di kwəi kwəlɛɛ. Tɔɔmun Davidə yaa kpɛli mąn, gwəi ə nɛ̨ɛ̨ ɉu kpɔ kɛnɛ̨.

Bible

⁹ Mɛni m̀a ǹûai kélee líi è ǹɛ̃ɛ, kpɛ́ni fêi, dí zama-sãai ŋí tɛ̀ɛ Yâwɛɛ pɔ́ é kula dílii su. Gâloŋ Deeƃé ǹyaa máŋ kpîŋ ǹíi é ǹɛɛ kpɔ́ a zu-kɛ́tɛ.

Kɔlɔnikɔ Maa-ŋuŋ 29:9 ပူးပေါင်းရင်းမြစ်များ

Tɔɔɓɛlaa dɔlɔɔ 8:61

Ka kwəi a kwələ Yai-Laa ka wɔ Yálái ɓa, kaa pɛli hvilɛn ɉii nwɔ tɔ́n nwooɠaai pulu, kaa ka yee hee nwɔ tiɓoɠaai mu, yɛ bələi ka káá gɛi la háákələi.»

Tɔɔɓɛlaa veelɛ 12:5

Ɉoasə ə ɉaláá laa həli nuą təli yɛ diɛ: «Nwalii kpɔ da paa la Yai-Laa yəi bɛlɛ́n a Yálá kɔ́ hɛn, da nįįhɔ̨nwɔ̨i nu tɛitɛi ə kɛi gulɔ yɛ bələi ɲee pɛli mąą mɛ̨nį kaa la, nwalii kpɔ nwɔ̨nɔ̨ nu tɛitɛi a paa la Yai-Laa yəi bɛlɛ́n a naa gwəi mɛ̨inɛ̨ɛ̨,

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Kɔlɔnikɔ Veerɛi 17:16

Ɉikri lon Amasia, yaai lɔ gbɔwɔ ɓa Yai-Laa yee mu, ə kɛ: kuláa walawalaɠaa nu waa nwun veelɛ nwun na.

Kɔlɔnikɔ Veerɛi 24:10

Nɔi ɲąąwooɓo nuą, ə pɛlɛ la nɔi lonnii diɛ, di kwəinɛ̨ɛ̨i kɛ, di pa a wali, di bu gəhii tii hu, ə lɛɛ ɉu naa ə hvɛɛ.

Kɔlɔnikɔ Veerɛi 31:8

Yii kɛa Ezekiasə da nwɔ kalanɉonŋąą di pa di, ɉɛnŋąąi di paa la, di gaa, di Yai-Laa hɛɠɛɛɓo, di lúwɔ́ too Israɛlə nuą diɛ.

Ɛsdrasə 1:6

Di heeyɔwɔɠaai kpɔ kɛ di kwɛlɛ, di mɛ̨inɛ̨ɛ̨ kpɛa-kpɛaa kɛ Israɛlə nuą diɛ, yɛ bələi di wɔ yee pɛli mąą ə kɛ la. Di hɛn ɲąŋąɠaa tɛɛ di pɔ, daɠaa di ɓo a wali kwɛli, daɠaa di ɓo a hɛni. Ə mą kɛ mɛ̨inɛ̨ɛ̨ takpɛliɠaa, da taatɛlɛɛɠaa, da hɛnŋaa yiiɠaai mąąwiaa, mɛlɛ yɛ ɓo mą. Naa gwəi mɛ̨inɛ̨ɛ̨ yiiɠaai di gɛ diɛ, naa kulaa ɉu.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Lɛɛ gbɔwɔ ɓa 35:29

Ɉinąą mąn nɛ̨ąą mąn, diɛi kpɔ kɛ di kwəinɛ̨ɛ̨, di kɛi di muhəɠə, diɛ pa a hɛnŋąą, gólói Yai-Laa ə Moisə tí la gɛ mɛ̨nį ɓa. Diɛi kɛ di kwəinɛ̨ɛ̨ Yai-Laa pɔ a Israɛlə lon gɛ pələ kpɔ-kpɔ.

Lukə 15:6

ə paa la bɔɔli, yɛ mɛlaa da gwɛlɛ nuą diɛ, yɛ diɛ: ka gu kwəinɛ̨ɛ̨ kulɔ, mąąhɔlɔɓo, nwɔ́ ɓɛlaai kɛ aa pili, ŋą́ą́ gaa.

Ɉaan 15:11

«Ŋą́ yili ɓo kaa, ə gɛ, nwɔ́ kwəinɛ̨ɛ̨ ə kɛ ka yəi, ka wɔ kwəinɛ̨ɛ̨ laa ə kulɔ.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Korɛntə veelɛ 8:3

Di gɛ yɛ bələi di wɔɔ yee pɛlimąą laa kaa la, ɛlɛɛ, di gɛ ə tɛɛ di yee pɛlimąą mɛ̨nį ɓa, di gɛ lɔ tii di kpɔwɔ ɓa, ɲą́ą́ kpinįi gáá a yili mąą kɛla.

Filipə 4:1

Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Filipə 4:10

Gwə́i ə nɛɛ kpɔ kɛnɛ̨ gu Ną́mu hu: gɛ mɛ̨nį ka pɛli nwɔ̨nɔ̨ ka ka kili lɛɛ Ɉú. Ka kɛi kpɔ ka kiliŋąhiɛ mą́ą́, kɛlaa, pələi kɛ ka gulɔ la pono ŋą, bələ hvo kɛ ka yəi.

Nwun mąąɓo 5:9

«Nį́ilaai Israɛlə ɲɛ̨itɔwɔ nuą mɛ̨i, da nuąi da di kpɔwɔ kwɛlɛ a kwəinɛ̨ɛ̨. Ka Yai-Laa mąąwiɛ.