Kɔlɔnikɔ Maa-ŋuŋ 29:19 - Yálá laawoo hɛɓɛ (dc)

¹⁹ 'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Yálá laawoo hɛɓɛ

¹⁹ 'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Bible

¹⁹ Ǹɛɛ naa nóŋ Saloma kíli é kɛ́ a dɔɔ́ yâ, é íwoo mɛni, é ítɔ̂ŋ-ŋai mɛi káa é díŋaa-see kɛ́ a gɛ́ɛ é bɛ́rɛi tɔ́ɔ nyíi ŋa dɔɔ-sãa kélee ŋá tɛ́ mai.”

Kɔlɔnikɔ Maa-ŋuŋ 29:19 ပူးပေါင်းရင်းမြစ်များ

Tɔɔɓɛlaa veelɛ 17:37

Díɓoɠaa, dɔ́n nwooɠaa, ɉaláá kulɔ pələ, da nɔi hon bələɠaai ə bɛ̨ɛ̨ a ka mąą mɛ̨nį, ka tɔɔ a ka nwąnąąi, ka di kɛ a yələ kəlee, 'ka hvo ɲɔw haliɠaa diɛ.

Kɔlɔnikɔ Maa-ŋuŋ 22:14

«Ə́ ɲɛ̨i hee, bələi mąn hɛn və la ɲə́i, ŋą́ą́ tɔɔ a nwąnąi, ŋą́ą́ Yai-Laa nwɔ pɛlɛ́i tɔɔ hɛnŋąą kwɛli, ŋą́ą́ hɛni waa nwundɔ̨nɔ̨ laaikɛ, da wali kwɛli waa nwun damąą. Yii ɓaa mala kwɛli da gwɛli kpɔɔkpɔ, nu hva pɛli giliin ɉii, damą pələ ɓa. Ŋą́ą́ nwɔ̨nɔ̨ wulu kwɛli, da kwɛni, yɛ́ kpįnįi da kwɛli ə bɛlɛ mą nwɔ̨nɔ̨.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:18

Yai-Laa, Abrahamə, da Isaakə, da Israɛlə, ku káláni di wɔ Yálá, 'Ə́ ɲɛ̨́i kɛ Yɛ́ nuąi di wɔ kiliŋąhiɛi tii ɓa a yələ kəlee. Ɛlɛɛ Ə́ di kili tínɛ̨n Ə́ pɔ pələ, a nwala walaa.

Kɔlɔnikɔ Veerɛi 6:30

Yɛ́n, lɛɛ yələ kɔ́lɔn ɉu, ɓɛi Ə́ kaa laa, Ə́i wəli tɔɔ, Ə́ nu kəlee mąąhvaalɛɛ, Ə́ di hon yɛ bələi nu kəlee túwɔ́ pələ kaa la. Mąąhɔlɔɓo Ə́ nu kəlee kwəi kili kɔ́lɔn, Yɛ́ tɔ̨nɔ̨ gbən, Yɛ́ lɔ ɓə nu kan gɔlɔn da di gwəi kili.

Mąątɛ̨nɛ̨ 119:80

'Gɛ ŋą́ hvilɛn ə́ tɔn nwɔ nwooɠaai pulu a neelee, əgɛ, nwumɛ̨ hvo pa tɛ a ɲą́ą́.

Mąątɛ̨nɛ̨ 72:1

Salomɔn woo ka. Yálá, ə́ wɔ kiti tee hvilii tɛɛ tɔɔmun bɔ, ə́ wɔ tələnmolaa tɛɛ dɔɔmun non ŋɛ̨i pɔ.

Mąątɛ̨nɛ̨ 72:2

Yɛ pɛli ə́ wɔ lɔi lonnii ɲąąwooɓoi la a tələnmolaa, ə mą kɛ mąąwɛli nuą, tɛ̨ą pələ mɛ̨i.

Azaya 38:3

Yɛ kɛ mą: «Ee kə! Yai-Laa, nɛ̨ɛ̨ yɛ́, ə́ kiliŋąhiɛ, ə́ vilɛn bələi ŋą́ túwɔ́ la ə́ ɲɛ̨i ɓa a tɛ̨ą da kwəi kwələ laa; mɛ̨nįi kɛ a nɛ̨ɛ̨ yɛ́, ya ɓə ŋą́ kɛi gɛ.» Ezekiasə ə wɔlɔ kpɔ kɛnɛ̨.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.