Kɔlɔnikɔ Maa-ŋuŋ 29:17 - Yálá laawoo hɛɓɛ (dc)

¹⁷ Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Yálá laawoo hɛɓɛ

¹⁷ Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Bible

¹⁷ Ŋáɣâlai, ŋá gɔ́lɔŋ a gɛ́ɛ yâ núu líi su kâa ǹyaŋ ílii a ǹɛ̃ɛ diai da tùa a teniŋ ƃó perei dímɛni ma. Ǹyaŋ ŋá zãai ŋí kélee tɛɛ a teniŋ ƃo pere é kúla ńii su. Ŋa ŋɔ́nɔ berei káa ínûai díkaa ƃɛ́i da sama-sãa tɛɛ̂i la ípɔ gɛ́ kùla dílii su a lii-nɛ̃ɛ perei.

Kɔlɔnikɔ Maa-ŋuŋ 29:17 ပူးပေါင်းရင်းမြစ်များ

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:16

Yai-Laa, ku wɔ Yálá, ɉɛnŋaai kpɔ ŋɛ̨i ku di ɲąąkpɔn gee ɓa, kuɔ gɛ pɛlɛ́ tɔɔ la Ə́ Laa Mąąhəɠɛɛ ɓa, gəlee da həɠə Ə́ yee ŋą, Ə́ pɔɔ ɓaa a diɛ.

Kɔlɔnikɔ Maa-ŋuŋ 29:18

Yai-Laa, Abrahamə, da Isaakə, da Israɛlə, ku káláni di wɔ Yálá, 'Ə́ ɲɛ̨́i kɛ Yɛ́ nuąi di wɔ kiliŋąhiɛi tii ɓa a yələ kəlee. Ɛlɛɛ Ə́ di kili tínɛ̨n Ə́ pɔ pələ, a nwala walaa.

Kɔlɔnikɔ Maa-ŋuŋ 29:9

Nuą tii kəlee di ɉɛnŋąą tii tɛɛ a di kwəinɛ̨ɛ̨, hvo gaai, di kɛi di tɛɛ Yai-Laa pɔ a di kwəi kwəlɛɛ. Tɔɔmun Davidə yaa kpɛli mąn, gwəi ə nɛ̨ɛ̨ ɉu kpɔ kɛnɛ̨.

Kɔlɔnikɔ Veerɛi 6:30

Yɛ́n, lɛɛ yələ kɔ́lɔn ɉu, ɓɛi Ə́ kaa laa, Ə́i wəli tɔɔ, Ə́ nu kəlee mąąhvaalɛɛ, Ə́ di hon yɛ bələi nu kəlee túwɔ́ pələ kaa la. Mąąhɔlɔɓo Ə́ nu kəlee kwəi kili kɔ́lɔn, Yɛ́ tɔ̨nɔ̨ gbən, Yɛ́ lɔ ɓə nu kan gɔlɔn da di gwəi kili.

Mąątɛ̨nɛ̨ 15:2

Ya ɓaa a nui mąą kulɔ hvo dúwɔ́ pələ ɓa, yɛ tələnmo yíi ɓo, ɛlɛɛ, gwəi kili yɛ ɓo a tələnmolaa;

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Mąątɛ̨nɛ̨ 51:6

Ŋą́ą́ nɛ̨ŋɛ̨n ɉəɠə yɛ́, yɛ́ kɔw taanɔ̨n gbən, yɛ́ kpɔ ɓə, mɛ̨nįi ɲɔ̨nwɔ̨ɔ̨ ə́ ɲɛ̨i mu, ŋą́ą́ gɛ; yili ɓa, yá kɛi ɉɔ́n mo, yɛ́ tɛ̨ą mɛ̨nį li, yá kɛi ɉútɔɔ, tɛ̨ą kaa ə́ pɔ, ɛlɛɛ, yɛ́ kitii mąą kulɔi hvo mą.

Mąątɛ̨nɛ̨ 51:8

Kɛlaa ə́ kaa bɔ, tɛ̨ą ə kɛ nu koo kpala, yɛ́ ɉú tɔɔ a ə́ wɔ kilii, loo pələi.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Hanwon 11:20

Ə́ wɛi, hvilɛn nu túwɔ́ pələ lɛlɛɛɠaa pulu, ə́ nu haŋąɠaa pɔɔn kɔ́ɔn.

Hanwon 16:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə ə nu kwəi kiliɠaa kɔlɔn.

Hanwon 17:3

Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Hanwon 21:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə a nuą lii hu kaa.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 9:7

Nu tɛitɛi ə dɛɛ kani yɛ bələi a laa la a níi, hvo gɛ a ɲɛ̨i-yili, hvo kɛ a ganąn mɛ̨nį, gbala ə tɔɔ, nui a dɛɛ a gwəinɛ̨ɛ̨, ya ɓə nwɛli kaa Yálá ɓa.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Tɛsalonikə dɔlɔɔ 2:10

Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Filemɔn 1:20

A tɛ̨ą, gááyɔwɔ, mɛ̨nį ŋɛ̨i gáá vɛli yɛ́, gɛ́ ə́ hvaa mą́ą́ gu Ną́mu nwɔ wɛlikɛmąąlaa hu; gáá bɔ ə́ nį́ilɔ Kristə laa hu.

Filemɔn 1:7

Gááyɔwɔ, ə́ wɔ wɛlikɛmąąlaa aa gwə́inɛ̨ɛ̨ kpɔ kɛnɛ̨, aa váŋąlɔ. Mąąhɔlɔɓo, ə́ yee hee mɛ̨nį nu mąąhəɠɛɛɠaa, a di liilaa yɛ di hvaŋąlɔ.

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»