Kɔlɔnikɔ Maa-ŋuŋ 29:1 - Yálá laawoo hɛɓɛ (dc)

¹ Tɔɔmun Davidə ə mo nu kpɔn gəlee ɓa, yɛ diɛ: «Nu tɔ̨nɔ̨i lɔ Yálá ə ɉəɠə ɉu, yaa lɔ ɓaa a nón Salomɔn, gaa nii a hulɔnon, ɉu hvo walawala li, goló yaan gɛnɛ̨, ɛlɛɛ, golói ŋɛ̨i hvo a nu kan nwɔɔ, kɛlaa, gaa a Yai-Laa nwɔɔ.

Yálá laawoo hɛɓɛ

¹ Tɔɔmun Davidə ə mo nu kpɔn gəlee ɓa, yɛ diɛ: «Nu tɔ̨nɔ̨i lɔ Yálá ə ɉəɠə ɉu, yaa lɔ ɓaa a nón Salomɔn, gaa nii a hulɔnon, ɉu hvo walawala li, goló yaan gɛnɛ̨, ɛlɛɛ, golói ŋɛ̨i hvo a nu kan nwɔɔ, kɛlaa, gaa a Yai-Laa nwɔɔ.

Bible

¹ Gâloŋ Deeƃé è mò ǹûai kélee dîa ǹyɛɛi, “Ŋálôloŋ Saloma nyíi Ɣâla a zìɣe zu díi ŋí kɛ́ mɛni mai, gáa a lôloŋ vé táre ní. Díi ŋí kɛ́tɛi m̀ɛni ma. Bɛ́rɛ kɛ́tɛi ŋí fé núu-kpune m̀ɛni ma. Kɛ́lɛ gáa Yâwɛɛ Ɣâla m̀ɛni ma.

Kɔlɔnikɔ Maa-ŋuŋ 29:1 ပူးပေါင်းရင်းမြစ်များ

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

Tɔɔɓɛlaa dɔlɔɔ 1:20

Yɛ́i ŋɛ̨i a nwɔ́ mɛ̨nį nąmu tɔɔmun, yɛ́ ɓə Israɛlə nuą kəlee wəli tɔɔi ə́ woo ɓa, ə gɛ, nui pai heei a nwɔ́ mɛ̨nį nąmu tɔɔmun mąąhvalin, ə́ naa ɓo.

Tɔɔɓɛlaa dɔlɔɔ 3:7

Yai-Laa nwɔ́ Yálá, yiihui ŋɛ̨i, yɛ́ ɓə hvaa mą, ɲą́ą́ ŋɛ̨i a ə́ wɔ luwɔ, ə́ ɉéé a ną́n Davidə mąąhvalin, gáá a hulɔnon, və́ ni wala ɲąąwooɓo kɛ.

Kɔlɔnikɔ Maa-ŋuŋ 22:2

Davidə ə mo nwɛ̨ąąi kpɔ kɛ Israɛlə lɔi hu, di gəlee ɲąąkpɔn, ə lɛɛ, ə kwɛni kulɔ nuą kulɔ, diɛ pɛli kwɛni haɠai, əgɛ, di pa Yálá nwɔ pɛlɛ́i tɔɔ la.

Kɔlɔnikɔ Maa-ŋuŋ 22:5

Davidə ə kɛi giliŋąhiɛ, yɛ kɛ: «Nón Salomɔn kaa nii a hulɔnon, ə lɛɛ, kɔ́lɔ hvo mą; yaan, bɛlɛ́i mąąnɛ̨ɛ̨ ə tɔɔ Yai-Laa ɓa, mąąnɛ̨ɛ̨ ə kɛ a gɛnɛ̨ɛ̨, mąąwia, lɔi kəlee ɲɛ̨i ɓa. Gáá mɛ̨nįɠaa kəlee pɛlii ɲəi.» Bələ ɓə Davidə ə gɛ la, ə mɛ̨nį tamąą pɛli gɛɛ hvo kɛ pai haai.

Kɔlɔnikɔ Maa-ŋuŋ 28:1

Davidə ə Israɛlə ɲąąwooɓo nuą kəlee ɲąąkpɔn Ɉerusalɛmə, ə bɛlɛ, nɔi nwun nąmįną diɛ, gɔláɠa nwun nąmįnąi kpɔ kɛ tɔɔmun ɲee mu, da nuąi kɛ a nu waa nwundɔ̨nɔ̨ nąmįną, nuąi kɛ tɔɔmun da nonnii di wɔɔ hɛngɔwɠaa da daatɛlɛɛ kəlee nwun na, da gbɛtɛgbuwuɠaa, da nuąi tɔɔmun nonnii mɛ̨ikaa mɛ̨nį nwun na, ə mą kɛ, yiiɠaai kɛ gɔɓuwu nwun na, da nu kpɛa-kpɛaɠaa kəlee.

Kɔlɔnikɔ Maa-ŋuŋ 28:10

Ə həli kani yɛ́: Yai-Laa aa ə́ həɠə ɉu, yɛ ə́ pɛlɛ́ tɔɔ mą, a mąąwiɛ pɛlɛ́. 'Ə́ hąą yili, 'Ə́ goló kɛ.

Kɔlɔnikɔ Maa-ŋuŋ 28:8

Israɛlə kəlee ɲɛ̨i ɓa, Yai-Laa ŋą kpɔn ɲɛ̨i ɓa, gu wɔ Yálái ɲɛ̨i ɓa; 'ə həli kani kaa: 'Ka ká yee kąnąn Yai-Laa gu wɔ Yálái nwɔ tíɓoɠaai diɛ, 'ká naahɔnmo, ə gɛ nɔi lɛlɛɛi ɲɛ̨i yɛ pɛli kɛi a ka wɔɔ, ɛlɛɛ ka kulɔ ɉu, ə lɛɛ ka lonnii yəi a yələ kəlee mɛ̨nį.

Kɔlɔnikɔ Maa-ŋuŋ 29:19

'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Kɔlɔnikɔ Veerɛi 1:2

Salomɔn ə Israɛlə nuą kəlee təli: Ɲɛ̨itɔwɔ nuą waa tɛitɛi nwun na, yiiɠaa kɛ nu nwun dɛitɛi nwun na, giti tee nuą, da nuąi kpɔ ɲąąwooɓo laa ə kɛ diɛ Israɛlə lɔi hu, diɛi ɓaa a pɛlɛ́ nąmįną.

Kɔlɔnikɔ Veerɛi 13:7

Ya ɓə, toonwunma nuą da nu kpoloonŋąą, di di ɲąąkpɔn gwɛlɛ, di tɔɔ Salomɔn lon Roboamə la. Roboamə ə kɛ a hulɔnon, nii hvo kɛ kpələ li, hvo pɛli tɔɔi di tɔwɔ.

Hanwon 4:3

Ɲą́ą́ gbɛli mąn bələ lɔ ɓə ŋį́ kɛ la a woo mɛ̨n non ną́n ma, ɛlɛɛ, nwɛ́li yɛ ɓo néé ɓa yə́ lon gɔw tanɔ̨n.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.