Kɔlɔnikɔ Maa-ŋuŋ 28:20 - Yálá laawoo hɛɓɛ (dc)

²⁰ Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Yálá laawoo hɛɓɛ

²⁰ Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Bible

²⁰ Ǹaa kɛ́ɛ tíi, Deeƃé è mò ǹóŋ Saloma m̀a ǹyɛɛi, “Kɛ́ a ítɔɔ̂i kpanaŋɔɔ, íkili kuláa a ǹɛ́lɛɛ í díi ŋí kɛ́. Ífe yao, kpaa máŋ ílii é kɔ́ kɔ̀, kpɛ́ni fêi, Íɣâlai Yâwɛɛ, kpaa máŋ Ŋáɣâlai káa íkɔlɛ. Vé pâi ǹɛɛ̂i naa í fɛ́ɣɛ, kpaa máŋ é bôlu tɔɔ yâ é lɛ́ɛ la zu díi-ŋai díkaa Yâwɛɛ ŋɔpɛ́rɛi mai é kpɛ́ɛ.

Kɔlɔnikɔ Maa-ŋuŋ 28:20 ပူးပေါင်းရင်းမြစ်များ

Tɔɔɓɛlaa dɔlɔɔ 6:38

Di di yee laa kulɔ bɛlɛ́ tɔɔ ɓa, a Salomɔn nwɔ tɔɔlaa gwɛlan bow kɔ́w tɔ̨nɔ̨ lɔwai, ɲąnįn ŋɛ̨i da kɛ mą Bulə ɉu; yai kɛ a di wɔ kwɛlan ɲąnin mɛ̨ihaaɓa. Kwɛlan mɛ̨ihveelɛ ɓə Salomɔn ə gɛ yɛ Yai-Laa hee pɛlɛ́ tɔɔ, ə ɲee laa kpɔ tɛ̨ɛ̨tɛ̨ɛ̨.

Kɔlɔnikɔ Maa-ŋuŋ 22:13

Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Kɔlɔnikɔ Maa-ŋuŋ 28:10

Ə həli kani yɛ́: Yai-Laa aa ə́ həɠə ɉu, yɛ ə́ pɛlɛ́ tɔɔ mą, a mąąwiɛ pɛlɛ́. 'Ə́ hąą yili, 'Ə́ goló kɛ.

Kɔlɔnikɔ Veerɛi 19:11

Ɉaláá laa həli mun gɛnɛ̨ Amariahu ɓə ka kəlee ka nwun na, Yai-Laa mąą mɛ̨nį kəlee hu, ɛlɛɛ, Ɉuda ŋą pɛlɛ́i nwun nąmu Yismaɛlə lon Ɉevadiahu ya ɓə gaa, mɛ̨nįi kpɔ hvilɛn na tɔɔmun mąą mɛ̨nį ɓa nwun na. Levi lonnii ɓə ka yəi a ɉɛɓɛ́kɛnuą. 'Ka tɔɔ a nwąnąi, 'ka goló kɛ! Nui a gɛ a nɛlɛɛ, Yai-Laa ə kɛ mąą nu pɔ!»

Ɛsdrasə 10:4

Ə́ muhəɠə, mąąhɔlɔɓo, ə́ mąą mɛ̨nį li, ku kaa ə́ pulu. Ə́ liikpələ gu goló kpala tɔɔ.»

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 41:13

Mąąhɔlɔɓo, ɲą́ą́ Yai-Laa, gáá a ə́ wɔ Yálá, ŋį́ ə́ hon a ə́ ɓa-mįi-yee, gɛ́ kɛ yɛ́: «'Hvó ɲɔw, dɔ́ɔ́i ə́ pulu.»

Egaa 1:13

Aze yii gaa a Yai-Laa kwəi mɛ̨nį hu kulɔ mun, nwɛlɛɛ ŋɛ̨i Yai-Laa ə dɔɔ la, yii ə mo nuą diɛ, ə pənə nwɔ̨nɔ̨ yɛ diɛ: «Yai-Laa, yɛ diɛ: Gáá pai kɛi ka pɔ.»

Egaa 2:4

Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Dutɛrɔnome 31:6

Ka ka liikpələ, ka tɔɔ a ka nwąnąi, ka hvo ɲɔw, ka mąą hvo kpɛlin di lííla. Mąąhɔlɔɓo, Yai-Laa ka wɔ Yálá hvilɛn ŋąąi ka ɲɛ̨itɔwɔ, hva ka lɛɛ laa, hva gili kulɔ ka hu tɔ̨nɔ̨ kpɛli.»

Dutɛrɔnome 4:31

Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»