Kɔlɔnikɔ Maa-ŋuŋ 27:25 - Yálá laawoo hɛɓɛ (dc)

²⁵ Adiɛlə lon Azmawɛtə ɓə kɛ tɔɔmun nwɔ hɛngɔwɠaa nwun na. Gɔ̨nɔ̨n gɛɛnąąɠaai ɲɛakɔwɔ hu, daa pɛlɛɛ da daa kpɛaɠaa hu, ə lɛɛ, daa mąąkɔ̨nwɔ̨ pɛlɛ́ɠaa mu, Uziyahu lon mə kɛ di nwun na.

Yálá laawoo hɛɓɛ

²⁵ Adiɛlə lon Azmawɛtə ɓə kɛ tɔɔmun nwɔ hɛngɔwɠaa nwun na. Gɔ̨nɔ̨n gɛɛnąąɠaai ɲɛakɔwɔ hu, daa pɛlɛɛ da daa kpɛaɠaa hu, ə lɛɛ, daa mąąkɔ̨nwɔ̨ pɛlɛ́ɠaa mu, Uziyahu lon mə kɛ di nwun na.

Bible

^25-31 Diai kɛ̀ gâloŋ kɔ̃liŋ mɛi kâai dílaa ká ŋí: Adiɛ ǹóŋ Azimavɛ ƃé kɛ̀ gâloŋ ŋɔsãai laai kɛ́-pɛrɛi mɛi. Uzia ǹóŋ Zonetaŋ ƃé kɛ̀ zãai-laai kɛ́-pɛrɛi mɛi ǹɔii-kpîniŋ-ŋai su, daa-ŋai da gbanâŋ-ŋai lai ma. Kelu ǹóŋ Iziri ƃé kɛ̀ ǹɔii da gbâlaŋ-ŋai lá tii kɛ́-ƃelai mɛi. Lama-nuui Simei ƃé kɛ̀ gbɔmɔ-ƃa kpalaŋ-ŋai mɛi. Sefiɣaŋ-nuui Zaƃidi ƃé kɛ̀ ŋ̀wãai sida mɛnii mɛi Gedɛ-nuui Baa Ana ƃé kɛ̀ ŋ̀úlɔ-wurui da Sikamo-wuru kpɔlɔi mɛi ǹyéei kwára vóloi liî-perei. Zoasi ƃé kɛ̀ ɔle wulɔi seêi kɛ́-kwaai ma mɛni mɛi. Sarɔŋ-nuui Siturai ƃé kɛ̀ daa-tulɛ-ŋai kɛ̀ Sarɔŋ tiŋ-tiŋ su mɛni mɛi kâai. Adilai ǹóŋ Safa ƃé kɛ̀ daa-tulɛ-ŋai kɛ̀ diŋ-tiŋ sui mɛi kâai. Isimɛ ŋɔsuui su-nuui Ɔbii ƃé kɛ̀ zoo-faleŋ-ŋai mɛi kâai. Mɛrono-nuui Zedeia ƃé kɛ̀ ŋ̀wɛlɛ-sôo-ŋai mɛi kâai. Aguri-nuui Zazi ƃé kɛ̀ m̀ala-ŋai da mòli-ŋai mɛi kâai.

Kɔlɔnikɔ Maa-ŋuŋ 27:25 ပူးပေါင်းရင်းမြစ်များ

Zɛnɛse 41:48

Gwɛlanŋąąi tii kəlee kuu mu, daa kpɛa kpɛaɠaa kəlee hu, Ɉosɛfə ə mo di kɔ̨nɔ̨n gələ tɔɔ nąą kəlee, ə mą kɛ daa pɛlɛɛɠaa hu.

Samia Veerɛi 23:31

Arava mun Avi-Alvɔn, Barhumə mun Azmawɛtə,

Tɔɔɓɛlaa veelɛ 18:15

Walii kpɔ kɛ Yai-Laa yəi bɛlɛ́n, da nwalii kpɔ kɛ tɔɔmun ɲəi gəhii, Ezekiasə ə gəlee həɠə ə dɛɛ.

Kɔlɔnikɔ Maa-ŋuŋ 27:24

Seruya lon Ɉoabə aa kɛ gbalatɔɔ, yɛ nonon ɓo kɛ, kɛlaa, hvo naakulɔ; mąąhɔlɔɓo, yili mąą mɛ̨nį ɓə Yálá nwɔ liiholi ə yɛɛ Israɛlə mɛ̨i. Yili mąą mɛ̨nį ɓə gɛ, nuą lononŋąą hvo kɛ laa tɔɔmun Davidə kɛ mɛ̨nį hɛɓɛ́ɠaa ta hu.

Kɔlɔnikɔ Maa-ŋuŋ 27:26

Keluvə lon Ɛzri ɓə kɛ díikɛnuą nwun na.

Kɔlɔnikɔ Maa-ŋuŋ 28:1

Davidə ə Israɛlə ɲąąwooɓo nuą kəlee ɲąąkpɔn Ɉerusalɛmə, ə bɛlɛ, nɔi nwun nąmįną diɛ, gɔláɠa nwun nąmįnąi kpɔ kɛ tɔɔmun ɲee mu, da nuąi kɛ a nu waa nwundɔ̨nɔ̨ nąmįną, nuąi kɛ tɔɔmun da nonnii di wɔɔ hɛngɔwɠaa da daatɛlɛɛ kəlee nwun na, da gbɛtɛgbuwuɠaa, da nuąi tɔɔmun nonnii mɛ̨ikaa mɛ̨nį nwun na, ə mą kɛ, yiiɠaai kɛ gɔɓuwu nwun na, da nu kpɛa-kpɛaɠaa kəlee.

Kɔlɔnikɔ Maa-ŋuŋ 29:6

Ya ɓə bɛlɛ nąmįną, nuąi kɛ ɉį́įɠaa nwun na Israɛlə lɔi hu, yiiɠaa kɛ nu waa tɛitɛi nwun na, nu nwun dɛitɛi nwun na, da nuąi kɛ tɔɔmun nwɔ hɛnŋąą nwun na, di pa a naa gwəi mɛ̨inɛ̨ɛ̨ a di liiɓa pələ,

Kɔlɔnikɔ Veerɛi 16:2

Asa ə wali da hɛni həɠə Yai-Laa ŋą hɛngɔw kpɔlɔi hu, ɲəi bɛlɛ́n, da tɔɔmun ɲəi ɉɛngɔw kpɔlɔ hu, dɔɔ pɛlɛ́ mu; ə dɛɛ Aramə tɔɔmun Bɛn-Hadadə ɓa Damasə, yɛ mą:

Kɔlɔnikɔ Veerɛi 26:10

Yili pulu, ə kɔ́-pɛlɛɠaa tɔɔ nɔi pun ɉu, ə yálɔwa tamąą tee, mąąhɔlɔɓo, taatɛlɛɛ kpulu tamąą di kɛ ɲəi; tíikɛnuą di kɛ ɲəi nɛ̨ŋɛ̨ lɔi hu da ɉɛɠɛɛ pələ. Viɲə yɛɛ laa nuą di kɛ ɲəi ɲeeɠaa ɓa da Karmɛlə yee ɓa. Mąąhɔlɔɓo, tíi kɛɛ wɛli ə kɛ mą.

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Ɉeremi 41:8

Nuąi tii lɔwai nu pow ə kɛ laa, diɛ Yismaɛlə ɓa: «'Hvó ku paa, kwaa kɔ́nɔ̨nŋaa loo gbomoi ku yee kɔ́nma, a mɔ̨nun, kpai, da wulɔ, ɛlɛɛ, da kwɛ̨n nwulɔ.» Yismaɛlə hvo di paa da di ɓɛlaa.