Kɔlɔnikɔ Maa-ŋuŋ 26:26 - Yálá laawoo hɛɓɛ (dc)

²⁶ Selomitə tii da gaayɔwɔɠaa ɓə di di tɛɛ ɉɛngɔwɠaa, da ɉaláá kulɔ hɛnŋąą tii tɔɔmun Davidə ə di laakwɛlanmo Yálá ɓa nwun na, da pɛlɛ́ nwun nąmįną, nu waa tɔ̨nɔ̨ nwun nąmįną, nu nwundɔ̨nɔ̨ nwun nąmįną, da kɔlaɠa nwun nąmįną.

Yálá laawoo hɛɓɛ

²⁶ Selomitə tii da gaayɔwɔɠaa ɓə di di tɛɛ ɉɛngɔwɠaa, da ɉaláá kulɔ hɛnŋąą tii tɔɔmun Davidə ə di laakwɛlanmo Yálá ɓa nwun na, da pɛlɛ́ nwun nąmįną, nu waa tɔ̨nɔ̨ nwun nąmįną, nu nwundɔ̨nɔ̨ nwun nąmįną, da kɔlaɠa nwun nąmįną.

Bible

²⁶ Selomi da ŋɔkáayɔ-ŋai ƃé kɛ̀ zãai mɛi Gâloŋ Deeƃé da ǹúu suu-ŋai láa túɛ-ƃelai, ǹúu-kpulu-ŋai láa túɛ-ƃelai da ŋɔkuluƃa-ŋai láa túɛ-ƃelai dí wɔ́lɔ dɛ̀ɛ Ɣâla pɔ́i.

Kɔlɔnikɔ Maa-ŋuŋ 26:26 ပူးပေါင်းရင်းမြစ်များ

Samia Veerɛi 8:11

Tɔɔmun Davidə ə ɉɛnŋaa tii laakwɛlan mo lɔ nwɔ̨nɔ̨ Yai-Laa ɓa, ə bɛlɛ nwali da ɉɛni, da ɉɛnŋaa kpɔ ə di hon, nɔiɠaa tii hu a kɔ́, ə di laakwɛlanmo Yai-Laa ɓa.

Kɔlɔnikɔ Maa-ŋuŋ 18:11

Ɉɛnŋąą tii, tɔɔmun Davidə ə di laakwɛlanmo Yai-Laa ɓa; ə bɛlɛ, nwali kwɛliɠaa, da ɉɛniɠaai ə gulɔ nɔiɠaa tii yəi, yɛ bələi Edɔmə, Moabə, Amɔn lonnii, Filisti nuą da Amalɛkə nuą.

Kɔlɔnikɔ Maa-ŋuŋ 22:14

«Ə́ ɲɛ̨i hee, bələi mąn hɛn və la ɲə́i, ŋą́ą́ tɔɔ a nwąnąi, ŋą́ą́ Yai-Laa nwɔ pɛlɛ́i tɔɔ hɛnŋąą kwɛli, ŋą́ą́ hɛni waa nwundɔ̨nɔ̨ laaikɛ, da wali kwɛli waa nwun damąą. Yii ɓaa mala kwɛli da gwɛli kpɔɔkpɔ, nu hva pɛli giliin ɉii, damą pələ ɓa. Ŋą́ą́ nwɔ̨nɔ̨ wulu kwɛli, da kwɛni, yɛ́ kpįnįi da kwɛli ə bɛlɛ mą nwɔ̨nɔ̨.

Kɔlɔnikɔ Maa-ŋuŋ 26:25

Eliezɛrə pɔ pələ, gaayɔwɔ ɓaa kɛ a Rehaviahu lon, yili non maa a: Yesayahu; Yesayahu ə Yoramə kaa, Yoramə ə Ɉikri kaa, Ɉikri ə Selomitə kaa.

Kɔlɔnikɔ Maa-ŋuŋ 26:27

Ɉɛnŋąąi di di hon gɔ́ hu, di naakwɛlanmo Yálá ɓa, diɛ ɓo a Yai-Laa nwɔ pɛlɛ́i laahɔnmo hɛnŋąą.

Kɔlɔnikɔ Maa-ŋuŋ 28:21

Ɉaláá laa həli nuą, da Levi lonnii heekpəlinna ka, Yálá nwɔ pɛlɛ́i mu koló kəlee kɛ mɛ̨nį ɓa, nuąi da kɛ nwɔ̨nɔ̨ ə́ pɔ, diɛ ɓaa: nuąi kiliŋąhiɛ lɛlɛɛ kaa diɛ, di yɛlɛɛ, diɛ ɓo a koló huwui lɔpee gɛ pələ kpaɠala kɔ́lɔn ŋąą; nɔi kalanɉonŋąą da nɔi lonnii kəlee kaa ə́ yee mu.»

Kɔlɔnikɔ Maa-ŋuŋ 9:14

Levi nwɔ pɛlɛ́i mu: Semaya Hasuvə lon, Azrikamə lon, Hasavia lon. Merari lonnii lɔwai;

Kɔlɔnikɔ Veerɛi 23:8

Lévi lonnii da Ɉuda nuą di gɛ yɛ bələi ɉaláá laa həli mun Yehoyada ə mo la diɛ. Nu kəlee ə nwɔɔ nuą həɠə. Yiiɠaai kɛi gólo kpalatɔɔ a vįitɔɔ yələ, da yiiɠaai kɛi li vįitɔɔ ɓa, Yehoyada hvo ɲee kulɔ nuąi kɛ gólo ɓa di hu.

Kɔlɔnikɔ Veerɛi 31:2

Ezekiasə ə ɉaláá laa həli nuą da lévi lonnii heekpəlin na kɛ, ə di hee a di kpulu, ə di kɛ kolóɠaa lɛ diɛ. Ɉaláá laa həli nuą da lévi lonnii di yee ə lɛɛ ɉaláá hɛn da gəlee kələn mąą mɛ̨nį ɓa, niilaa haláá, goló mɛ̨nį, Yálá hɛɠɛɛɓo mɛ̨nį da mąątɛ̨nɛ̨ mɛ̨nį ɓa Yai-Laa ŋą kwəlii laaləi.

Ɛsdrasə 2:42

Bɛlɛ́ laaləi mąąkpɛ nuą, diɛi ɓaa Salumə lonnii, Aterə lonnii, Talmɔn lonnii, Akuvə lonnii, Hatita lonnii, Sovai lonnii, di pɛlɛɛ di kee ɓa, di kɛ a nu nwundɔ̨nɔ̨ ɲee haaɓa kɔ́w mɛ̨inąąn (139).

Nehemi 12:45

Ɉaláá laahəli nuą da Levi huwuhu nuą, di yee ə kɛ di wɔ Yálái nwɔ kolói ɓa, da nuą mąąhəɠə mɛ̨nį, yɛ pələi tɔ́n ə mo la. Yii ɓaa nwələ too nuą da bɛlɛ́ laaləi nuą, di kɛi koló kɛ, yɛ pələi Davidə da non Salomɔn di mo la.