Kɔlɔnikɔ Maa-ŋuŋ 25:6 - Yálá laawoo hɛɓɛ (dc)

⁶ Nuą tii kəlee kɛ di nąn ɲeemu. Di kɛi wələ too Yai-Laa nwɔ pɛlɛ́i mu, a: laloɠaa, gwɛnįnŋąą, da kɛ́ɛ́ɠaa. Di wɔɔ tíɓoi li kɛ Yálá nwɔ pɛlɛ́i mu. Di kəlee kpɔ kpun, di ɓo la tɔɔmun, Asafə da Heman di wɔɔ ɲąąwooɓo mu.

Yálá laawoo hɛɓɛ

⁶ Nuą tii kəlee kɛ di nąn ɲeemu. Di kɛi wələ too Yai-Laa nwɔ pɛlɛ́i mu, a: laloɠaa, gwɛnįnŋąą, da kɛ́ɛ́ɠaa. Di wɔɔ tíɓoi li kɛ Yálá nwɔ pɛlɛ́i mu. Di kəlee kpɔ kpun, di ɓo la tɔɔmun, Asafə da Heman di wɔɔ ɲąąwooɓo mu.

Bible

⁶ Emaŋ ǹônii-sinaai ŋí da kâa kɛ̀ wule toôi díkɛ kɔnîŋ da nyɛ-nyɛ́ŋ ɣale Yâwɛɛ ŋɔpɛ́rɛ kɛ́tɛi mu dínaŋ yée mu. Asafa, Zedutuŋ da Eemaŋ díkɛ tíi kɛ̂i gâloŋ ǹyaa kpîŋ-kpiŋ yée mu.

Kɔlɔnikɔ Maa-ŋuŋ 25:6 ပူးပေါင်းရင်းမြစ်များ

Samia Veerɛi 6:5

Davidə da Israɛlə nuą kəlee di kɛi kwəinɛ̨ɛ̨ kulɔ Yai-Laa lííla, a hvɛli kɛ hɛnŋaa di ɉaɠa a siprə wulu: kələn, gwɛnįn, bɛlɛgwəi, damąn, lalo da ɓala.

Tɔɔɓɛlaa dɔlɔɔ 10:12

Tɔɔmun ə nwului tii kɛ a Yai-Laa nwɔ pɛ́lɛ́i, da tɔɔmun nwɔ pɛ́lɛ́i bɛlɛ́ nwąną mąą kpulu hɛnŋąą, da gwɛnįnŋaa da bɛlɛgwəiɠaa; nwələ too nuą mąą mɛ̨nį ɓa. Nwulu huwu taaləi tii, ta hvo kɛa ta pa li, di hvo ta pənə li di hvo da kaa, aa lɛɛ la ɉu háákələi yələ aa ɉəli.

Kɔlɔnikɔ Maa-ŋuŋ 15:16

Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Kɔlɔnikɔ Maa-ŋuŋ 15:19

Nwələ too nuą lɔwai, Heman, Asafə da Etan ɓə lalo ə kɛ di yəi a ɓala kwɛli diɛ ɲɔw;

Kɔlɔnikɔ Maa-ŋuŋ 15:22

Kenaniahu tii kɛ a Levi huwuhu nuą da kɛ gəhi kpəŋəi di nwun nąmu, mąąnɛ̨ɛ̨ kɛ ə ɲɛ̨i kɛ golói tii ɓa, nwələ pələ ɓa yili kɛi.

Kɔlɔnikɔ Maa-ŋuŋ 23:5

Di nu waa nąąn ɉəɠə, di di kɛ a bɛlɛ́ laaləi mɛ̨ikaa nuą, di nu waa nąąn ɉəɠə ɉu, diɛ Yai-Laa mąątɛ̨nɛ̨ a hvɛli kɛ hɛnŋąą, diɛi ɲą́ą́ Davidə, ŋį́ pɛli a mąątɛ̨nɛ̨ kɛ hɛn.

Kɔlɔnikɔ Veerɛi 20:28

Di lɔ Ɉerusalɛmə a hvɛli woo: diɛ gwɛnįn ɲɔw, diɛ bɛlɛgwəi yɔw, diɛ tulu hvɛɛ. Di lɛɛ kpɔ a hvɛli kɛi, di həli la Yai-Laa yəi bɛlɛ́ laaləi.

Kɔlɔnikɔ Veerɛi 23:13

Yɛ gaa ɲɛ̨i kɛi, tɔɔmun ga ŋɛ̨i tɔɔni gbəlin mɛ̨i bɛlɛ́ laaləi, nuą ɲɛ̨itɔwɔnuą da dúlu hvɛɛnuą di ɓo tɔɔmun gwɛlɛ, nɔi lonnii kəlee di ɓo kwəinɛ̨ɛ̨ hu, diɛ túlu hvɛɛ, hvɛli kɛ nuą diɛ hvɛli kɛ, diɛ lúwɔ́ too! Atali ə nɛɛmą ə mąąhəɠə huɓɛla, ə tómą, yɛ kɛ: «Lɔgilii ɓə! Lɔgilii ɓə!»

Kɔlɔnikɔ Veerɛi 29:13

Elisafan lonnii lɔwai: Simri da Yeiɛlə; Asafə lonnii lɔwai: Ɉekariahu da Mataniahu;

Kɔlɔnikɔ Veerɛi 29:25

Tɔɔmun ə Levi lonnii hee Yai-Laa nwɔ pɛlɛ́i mu a hvɛli woo: talanənŋąą, gwɛnįnŋąą, da bɛlɛgwəi gwɛnįnŋąą; yɛ bələi Davidə ə mo la da Gadə, da tɔɔmun ŋą kwɛlɛɛn gɛɛ kaamun, ɛlɛɛ, Yálá kwəi mɛ̨nį hukulɔ mun Natan. Mąąhɔlɔɓo, Yai-Laa ɓə gwəi mɛ̨nį tí a mɛ̨nįi tii diɛ mo.

Nehemi 11:17

Matania nąn mąą: Mika, yili nwɔ nąn mąą: Ɉavdi, yili nwɔ nąn mąą: Asafə yaai nwələ toɔ mąą la tɛɛ kɛ bɔ, Matania ɓə vɛli ɓo woo ɓoɔ kɔ́wɔ tɔɔ nąąlɔwai; da Matania nəɠə Bakbukia, da Samua lon Avda, yai kɛ a Galalə lon, a Yedutun lon.

Nehemi 12:24

Levi huwuhu nuą ɲɛ̨itɔwɔ nuą ka: Hasavia, Serevia da Kadmiɛlə lon Yesua, ə lɛɛ, di nąn nonnii ŋɛ̨i kɛi nwələ muhon di ɲɛ̨itɔwɔ, yɛ pələi Yálá nwɔ nu Davidə ə mo la, nu kəlee da nwɔ hvóló, Yálá mąątɛ̨nɛ̨ mɛ̨nį da ɉɛɠɛɛ ɓo mɛ̨nį ɓa.

Nehemi 12:46

Mąąhɔlɔɓo, tɔlɔɔi tii kɛ, Davidə da Asafə di wɔ lɔwai hu, wələ too nuą nwun nąmįną di kɛ mą, Yálá mąątɛ̨nɛ̨ wələ yɛ ɓo laa, da ɉɛɠɛɛ ɓo wələɠaa.

Mąątɛ̨nɛ̨ 68:25

Yálá, daa ə́ pulu kpɔn gaa, nwɔ́ Yálá, nwɔ́ tɔɔmun, daa ə́ pulu kpɔn gaa, ə́ wɔ pɛlɛ́ mąąhəɠɛɛ mu,.

Ifisiɛŋ 5:19

'Ká kɛ Yálá mąątɛ̨nɛ̨ wooɠaa ɓoi gee ɓa, 'káá Yálá laa tɛ wələɠaa too, da kalan nwələɠaa, 'ká kɛ wələɠaa tooi káá gu Nąmu laa tɛ la, a ká lii kəlee.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.