Kɔlɔnikɔ Maa-ŋuŋ 25:1 - Yálá laawoo hɛɓɛ (dc)

¹ Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Yálá laawoo hɛɓɛ

¹ Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Bible

¹ Gâloŋ Deeƃé da gɔ-kuluƃa-ŋai mɛi-ƃelai dí kɔ̀yɛŋ dí Asafa, Eemaŋ, da Zedutuŋ dílônii-sinaai síɣe a gɛ́ɛ díkɛ ŋ̀ule too-mɛnii láa túɛ Ŋ̀âla-pɛrɛ Kɛ́tɛi mu. Dítii ƃé kɛ̀ díkɛ Ɣâla ŋɔworɛ̂-wooi ƃò wule-woo, kɔnîŋ pɛlɛ-pɛlɛɛ, gbaya-gbaya da nyɛ̃-nyɛ́ŋ woo-ŋa su. Diai dí dílaa sìɣe m̀ɛnii ŋí kɛ́ mɛni mai ƃé kɛ̀ a:

Kɔlɔnikɔ Maa-ŋuŋ 25:1 ပူးပေါင်းရင်းမြစ်များ

Tɔɔɓɛlaa dɔlɔɔ 10:12

Tɔɔmun ə nwului tii kɛ a Yai-Laa nwɔ pɛ́lɛ́i, da tɔɔmun nwɔ pɛ́lɛ́i bɛlɛ́ nwąną mąą kpulu hɛnŋąą, da gwɛnįnŋaa da bɛlɛgwəiɠaa; nwələ too nuą mąą mɛ̨nį ɓa. Nwulu huwu taaləi tii, ta hvo kɛa ta pa li, di hvo ta pənə li di hvo da kaa, aa lɛɛ la ɉu háákələi yələ aa ɉəli.

Tɔɔɓɛlaa veelɛ 3:15

Yɛ diɛ, 'ka hvɛli kɛmun dɔ̨nɔ̨ təli ə pa.» Yii kɛa vɛli kɛmun ə kɛi vɛli kɛ, Yai-Laa yee ə yɛɛ Elise mɛ̨i;

Kɔlɔnikɔ Maa-ŋuŋ 12:28

ə pɛlɛ la Yehoyada ɓa, Aarɔn nwɔ pɛlɛ́i nwun nąmu; nuąi lɛɛ bɔ diɛ pa, nu waa haaɓa pulu nwun mɛ̨ihveelɛ;

Kɔlɔnikɔ Maa-ŋuŋ 13:8

Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Kɔlɔnikɔ Maa-ŋuŋ 23:2

Yili pulu, Davidə ə Israɛlə ɲɛ̨itɔwɔ nuą kəlee təli, ə bɛlɛ ɉaláá laa həli nuą da Levi lonnii diɛ.

Kɔlɔnikɔ Maa-ŋuŋ 25:2

Asafə lonnii hu: Ɉakurə, Yosɛfə Netania da Asarela. Asafə lonnii di kɛ ɲeemu, Asafə yaa kpɛli, yɛ Yálá kwəi mɛ̨nį hukulɔ tɔɔmun ɲeemu.

Kɔlɔnikɔ Maa-ŋuŋ 25:3

Yedutun lonnii: Gedaliahu, Seri, Yesayahu, Hasaviahu, Matitiahu da Simei, di nu mɛ̨idai tii, di kɛ di nąn Yedutun yee mu, yai kɛi Yai-Laa kwəi mɛ̨nįɠaa hukulɔ a gwɛnįn, yɛ naa tɛ, ə lɛɛ, yɛ mąąwiɛ.

Kɔlɔnikɔ Maa-ŋuŋ 25:9

Gbɛɛn dɔlɔɔ ə Asafə lon Yosɛfə lɛ. Veelɛnąą ə Gedaliahu lɛ, yaa, da nonnii da gaayɔwɔɠaa, di kɛ a nu pow kɔ́w hveelɛ.

Kɔlɔnikɔ Maa-ŋuŋ 6:16

Nuą tii ɓə Davidə ə nwələ too mɛ̨nį tunwɔ̨n diɛ, Yai-Laa nwɔ pɛlɛ́i mu, ɓɛlɔwai lɔ mįnɛ̨ kəhi kaa pai heei la.

Kɔlɔnikɔ Maa-ŋuŋ 6:33

Levi huwu hu nuą yiiɠaa tii, di yee ə kɛ Yálá nwɔ pɛlɛ́i mu koló yiiɠaa tii diɛ.

Kɔlɔnikɔ Maa-ŋuŋ 6:39

Daaɠaa hu nuą ka, yɛ bələi di wɔɔ lɔi kaa la: Aarɔn lonnii, yɛ bələi Kehatə nwɔ pɛlɛ́i kaa la; diɛ ɓə tɔlɔɔ lɔi hɔlɔɓo, yɛ bələi gbɛɛn biliɛ ə nɛ la.

Kɔlɔnikɔ Maa-ŋuŋ 6:44

Asan da gwɛlɛ lɔi, Bɛtə-Sɛmɛsə da gwɛlɛ lɔi,

Kɔlɔnikɔ Maa-ŋuŋ 9:33

Levi lonnii kɛ nwələ too nuą pɔ, diɛ ɓo a pɛlɛ́ nąmįną, di kɛ di wɔɔ pɛlɛ́ɠaai mu, koló takpɛli hvó kɛ diɛ, ə kulɔ lɔ yii kɛ gbɔw laa di nwuɔ̨, diɛ gɛ a hvóló pɛlɛɛ kpįnį ɓa.

Kɔlɔnikɔ Veerɛi 23:1

Gwɛlan mɛ̨ihveelɛnąą Yehoyada ə niikpələ, ə guláa nwun nąmįną həɠə, diɛ ɓaa a: Yerohamə lon Azariahu, Yehohanan lon Yismaɛlə, Ovɛdə lon Azariahu, Adayahu lon Maaseyahu, da Ɉikri lon Elisafatə. Da diɛni di mįnɛ̨ həɠə.

Kɔlɔnikɔ Veerɛi 23:13

Yɛ gaa ɲɛ̨i kɛi, tɔɔmun ga ŋɛ̨i tɔɔni gbəlin mɛ̨i bɛlɛ́ laaləi, nuą ɲɛ̨itɔwɔnuą da dúlu hvɛɛnuą di ɓo tɔɔmun gwɛlɛ, nɔi lonnii kəlee di ɓo kwəinɛ̨ɛ̨ hu, diɛ túlu hvɛɛ, hvɛli kɛ nuą diɛ hvɛli kɛ, diɛ lúwɔ́ too! Atali ə nɛɛmą ə mąąhəɠə huɓɛla, ə tómą, yɛ kɛ: «Lɔgilii ɓə! Lɔgilii ɓə!»

Kɔlɔnikɔ Veerɛi 23:18

Yehoyada ə Yai-Laa nwɔ pɛlɛ́i mɛ̨ikaa mɛ̨nį tɛɛ ɉaláá laa həli nuą kpɛa-kpɛaa da lévi lonnii pɔ. Davidə ə wɔlɔ di heekpəlin na kɛ a di kpulu Yai-Laa nwɔ pɛlɛ́i mɛ̨i, əgɛ, diɛ haláá kulɔ laa, di haláá hɛnŋąą kələn nąą Yai-Laa ɓa, a di kwəinɛ̨ɛ̨, diɛ wələ too, yɛ bələi bɛ̨ɛ̨i la Moisə ŋą tɔ́n ɉɛɓɛ́i hu.

Kɔlɔnikɔ Veerɛi 23:9

Yehoyada ə Davidə nwɔ kpalaɠaa, da nu mąąkpɛ kpanąn ɉuwui lɔpee gəlee, diɛi kɛ Yálá nwɔ pɛlɛ́i mu ɉəɠə, ə dɛɛ guláa nwun nąmįną pɔ.

Kɔlɔnikɔ Veerɛi 29:13

Elisafan lonnii lɔwai: Simri da Yeiɛlə; Asafə lonnii lɔwai: Ɉekariahu da Mataniahu;

Kɔlɔnikɔ Veerɛi 29:14

Heman lonnii lɔwai: Yehiɛlə da Simei; Yedutun lonnii lɔwai Semaya da Uziɛlə.

Kɔlɔnikɔ Veerɛi 31:2

Ezekiasə ə ɉaláá laa həli nuą da lévi lonnii heekpəlin na kɛ, ə di hee a di kpulu, ə di kɛ kolóɠaa lɛ diɛ. Ɉaláá laa həli nuą da lévi lonnii di yee ə lɛɛ ɉaláá hɛn da gəlee kələn mąą mɛ̨nį ɓa, niilaa haláá, goló mɛ̨nį, Yálá hɛɠɛɛɓo mɛ̨nį da mąątɛ̨nɛ̨ mɛ̨nį ɓa Yai-Laa ŋą kwəlii laaləi.

Kɔlɔnikɔ Veerɛi 34:12

Nuą di goló kɛ a kwəi kwələ laa. Nuąi kɛ di ɲɛ̨itɔwɔ, diɛ ɓaa: lévi lonnii Yahatə, da Ovadiahu, Merari yəi bɛlɛ́n nuą; ɛlɛɛ, Ɉekaria da Mesulamə Kehatə yəi bɛlɛ́n nuą; diɛ ɓə kɛ goló nwun na. Lévi lonnii di wəlɛɛ hvɛli kɛ,

Kɔlɔnikɔ Veerɛi 35:15

Asafə lonnii a nwələ too nuą, di lɛɛ tɔɔni di tɔɔ, yɛ bələi Davidə, Asafə, Heman da tɔɔmun nwɔ nwun dɔɔ humun Yedutun di mo la. Bɛlɛ́ laaləi mɛ̨ikaa nuą di lɛɛ tɔɔni di tɔɔi bɛlɛ́ laaləiɠaa ɓa. Nui lɔpee ta hvo həɠə gɛ tíi ɓa, hvo gaai lévi lonnii takpɛliɠaa di kɛi di kɔ̨nɔ̨n bɛli a di wɔɔ.

Kɔlɔnikɔ Veerɛi 5:12

Levi huwu hu nuąi kɛ a nwələ too nuą, diɛ ɓo Asafə, Heman da Yedutun da di kaayɔwɔɠaa di yee mu, həɠə kwɛlɛɛ yɛ ɓo di kwaną, kpɛŋɛ̨nɛ̨n-gwɛli yɛ ɓo di yəi, da gololon-gwɛnįn, ɛlɛɛ, bɛlɛgwəi gwɛnįn; di tɔɔ Yálá kɔ́i mamįiyee hu. Di kwɛlɛ, haláá laa həli nuą nu nwundɔ̨nɔ̨ ɲee hveelɛ ə ɓo laa, diɛ túlú hvɛɛ.

Kɔlɔnikɔ Veerɛi 8:14

Salomɔn ə ɉaláá kulɔ nuą heekpəlin na kɛ, di wɔɔ kolóɠaa hu, yɛ bələi nąn Davidə ə mąą tɔ́n naa la: Levi lonnii, nu kəlee nwɔ kuu ə kɛ mą, diɛ Yálá mąąwiɛ, diɛ di mąą kolóɠaa kɛ ɉaláá kulɔ nuą yee mu. Bɛlɛ́ laaləi nuą, nu kəlee da dɔɔi bɛlɛ́ laaləi tɛitɛi kəlee ɓa. Hvó gaai, bələ ɓə Davidə Yálá nwɔ nu ə mo la.

Ɛsdrasə 2:41

Wələ too nuą, diɛi ɓaa Asafə lonnii, di kɛ a nu nwundɔ̨nɔ̨ ɲee hveelɛ kɔ́w mɛ̨ihaaɓa (128).

Ɛsdrasə 6:18

Di ɉaláá laa həli nuą da Levi lonnii hee a di kpulu, yɛ pələi di kɛ koló ə kɛ la, Yálá hee pɛlɛ́ mu Ɉerusalɛmə daai, yɛ pələi Moisə nwɔ hɛɓɛ́i ə gɛ pələ lɛ la.

Nehemi 11:17

Matania nąn mąą: Mika, yili nwɔ nąn mąą: Ɉavdi, yili nwɔ nąn mąą: Asafə yaai nwələ toɔ mąą la tɛɛ kɛ bɔ, Matania ɓə vɛli ɓo woo ɓoɔ kɔ́wɔ tɔɔ nąąlɔwai; da Matania nəɠə Bakbukia, da Samua lon Avda, yai kɛ a Galalə lon, a Yedutun lon.

Nehemi 12:24

Levi huwuhu nuą ɲɛ̨itɔwɔ nuą ka: Hasavia, Serevia da Kadmiɛlə lon Yesua, ə lɛɛ, di nąn nonnii ŋɛ̨i kɛi nwələ muhon di ɲɛ̨itɔwɔ, yɛ pələi Yálá nwɔ nu Davidə ə mo la, nu kəlee da nwɔ hvóló, Yálá mąątɛ̨nɛ̨ mɛ̨nį da ɉɛɠɛɛ ɓo mɛ̨nį ɓa.

Nehemi 12:27

Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Mąątɛ̨nɛ̨ 81:2

'Ka tomą a kwəinɛ̨ɛ̨ Yálá pɔ pələ, Yaa ɓə a gu wɔ huwalawala, 'ka ka yee lɔwa Ɉakɔbə nwɔ Yálái ɓa.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Izikiɛ 40:44

Gwɛlɛ pələ, bɛlɛ́ laaləi pulu, nwələ too nuą di wɔ pɛlɛ́ɠaai di kɛ laa; ɓɛi nuą di kɛi tɔɔ laa, gwəlii pələ. Bɛlɛɛ́ tɔ̨nɔ̨ ə kɛ ɲələi pələ kpon tənən ma, naa heɛ ɉɛɠɛɛ pələ; dɔ̨nɔ̨ ə ɓo ɉɛɠɛɛ pələ kpon tənən ma, naa heɛ ɲələi pələ.

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.