Kɔlɔnikɔ Maa-ŋuŋ 23:31 - Yálá laawoo hɛɓɛ (dc)

³¹ Ɓɛlɔwai lɔpee di kɛi Yai-Laa kɔ́ la a tuwɔ́ lɔwɔ yələ, a ɲąnįn nwɔ hvóló dɔlɔɔ, awala kɛ tii a hɛli yələ ta, da gɛ a haláá hɛn da gəlee kələn, yɛ bələi ɉaláá hɛn nonon ŋąą kaa la a yələ kəlee, diɛ gɛ tii Yai-Laa lííla.

Yálá laawoo hɛɓɛ

³¹ Ɓɛlɔwai lɔpee di kɛi Yai-Laa kɔ́ la a tuwɔ́ lɔwɔ yələ, a ɲąnįn nwɔ hvóló dɔlɔɔ, awala kɛ tii a hɛli yələ ta, da gɛ a haláá hɛn da gəlee kələn, yɛ bələi ɉaláá hɛn nonon ŋąą kaa la a yələ kəlee, diɛ gɛ tii Yai-Laa lííla.

Bible

³¹ Da kâa wule tòo Yâwɛɛ m̀a da kɛ̀ kéreŋ sala kulâi m̀a a Vii-tɔɔ-ɣelei, Ŋ̀áloŋ Ninai da gúu-ŋai da kpɛ́ni-ŋai kélee ŋ̀ele yɛ̂ɛ berei m̀aa nɛ̃ɛ̂i kɛ̀ dí gɛ́ la a ɣele kélee Yâwɛɛ ŋɛ́i-tuɛi.

Kɔlɔnikɔ Maa-ŋuŋ 23:31 ပူးပေါင်းရင်းမြစ်များ

Tɔɔɓɛlaa veelɛ 4:23

Ɉilɛ yɛ mą: «Lə mɛ̨nį ɓa, yɛ́ ə́ li háákələi laa? Yaan, hvo kpɛli a ɲąnin dɔɔ nįnɛ̨, hvo nwɔ̨nɔ̨ a túwɔ́ lɔwɔ?» Nɛ̨ɛ̨nui yɛ ɉilɛ ɓa: «Hvó ə́ liihɛlɛn!»

Kɔlɔnikɔ Maa-ŋuŋ 23:30

Gɔ̨nɔ̨nŋąą tii mąąnɛ̨ɛ̨ kɛ ə kɛ laani Yai-Laa lííla yələwulii da yələwala, naa mąą yɛ wiɛ la.

Kɔlɔnikɔ Veerɛi 24:14

Yii kɛa di di yee laa kulɔ, di pa a nwali kpəli tɔɔmun da Yehoyada di pɔ. Di nwali kpəlii tii lɔ Yai-Laa nwɔ pɛlɛ́i mu hɛnŋąą pɛli mɛ̨nį hu; di da kɛ a haláái da gəlee kələn nwɔ hɛnŋąą, da tíɓo takpɛli kɛ hɛnŋąą. Daɠaa di ɓo a hɛni da wali kwɛli. Di nɛɛmą, haláái da gəlee kələn, diɛ kɛa gulɔ Yai-Laa ɓa nwɔ pɛlɛ́i mu Yehoyada nwɔ yɛnɛ̨ɛ̨ kəlee yee mu.

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Levetekɔ 23:39

«Ɲąnin mɛ̨ihveelɛnąą nwɔ hvóló pow kɔ́w lɔɔli yələ, ka kpɛɛ kɛa a ka pɔ yɛa hihɛnŋąą kəlee ɓa kulaa, mąąnɛ̨ɛ̨ ka hiɛ mąąhəɠɛɛ kulɔ a hɛli Yai-Laa ɓa hvóló mɛ̨ihveelɛ yee mu. Voló tɔlɔɔ a kɛ a hvįįtɔɔ hvóló; voló mɛ̨ihaaɓa yələ ə ɓo a hvįįtɔɔ hvóló.

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.