Kɔlɔnikɔ Maa-ŋuŋ 23:25 - Yálá laawoo hɛɓɛ (dc)

²⁵ Davidə ə gbɛa mo yɛ kɛ diɛ: «Yai-Laa Israɛlə nwɔ Yálái aa liilaa yɛnɛ̨ɛ̨ tɛɛ ŋą nuąi pɔ, daa hee Ɉerusalɛmə a yələ kəlee mɛ̨nį.

Yálá laawoo hɛɓɛ

²⁵ Davidə ə gbɛa mo yɛ kɛ diɛ: «Yai-Laa Israɛlə nwɔ Yálái aa liilaa yɛnɛ̨ɛ̨ tɛɛ ŋą nuąi pɔ, daa hee Ɉerusalɛmə a yələ kəlee mɛ̨nį.

Bible

²⁵ Deeƃé è mò ǹyɛɛi, “Eezuɛ-ŋai Díɣâlai Yâwɛɛ a lii-see tɛɛ ŋɔnûai pɔ́. A pâi seêi Zerusâlɛŋ wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Maa-ŋuŋ 23:25 ပူးပေါင်းရင်းမြစ်များ

Samia Veerɛi 7:1

Ɓɛlɔwai tɔɔmun ə lɔ la dɔɔ pɛlɛ́ mu, ɛlɛɛ, Yai-Laa ə gɔ́ a lííla yɛnɛ̨ɛ̨, a ɲowoɠaa kəlee mąą kwɛai ə mo mą.

Samia Veerɛi 7:11

Ə həɠə kpɔ ɲələi ŋį́ kɛi nuą həɠə la ɉu, gɛ́ di hee Israɛlə nwɔ́ nu huwui nwun na, ə həli la háákələi ɓa, ŋį́ ə́ yowoɠaa pɛlɛ ə́ kɔ́wɔ mu, ɛlɛɛ, ŋį́ mo yɛ́, gɛ́ yɛ́: Yai-Laa ɓə pai pɛlɛ́ tɔɔi yɛ́.

Tɔɔɓɛlaa dɔlɔɔ 8:13

A tɛ̨ą ŋą́ą́ tɔɔ pɛlɛ́ mąąwiaa tɔɔ yɛ́, Ɓɛi ə́ kaa pai kɛi laa a yələ kəlee.»

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Kɔlɔnikɔ Maa-ŋuŋ 22:18

«Kɛlɛi Yai-Laa ka wɔɔ Yálái kaa ka pɔ-é! Kɛlɛi ya ɓə hvįitɔɔ tɛɛ ka pɔ, ka ká kwɛlɛ lɔiɠaa ka lɔwai-é! Nɔiɠaa tii ka háákələi daa kɛ a Yai-Laa nwɔɔ, da nwɔ nu huwuɠaai.

Kɔlɔnikɔ Veerɛi 23:18

Yehoyada ə Yai-Laa nwɔ pɛlɛ́i mɛ̨ikaa mɛ̨nį tɛɛ ɉaláá laa həli nuą kpɛa-kpɛaa da lévi lonnii pɔ. Davidə ə wɔlɔ di heekpəlin na kɛ a di kpulu Yai-Laa nwɔ pɛlɛ́i mɛ̨i, əgɛ, diɛ haláá kulɔ laa, di haláá hɛnŋąą kələn nąą Yai-Laa ɓa, a di kwəinɛ̨ɛ̨, diɛ wələ too, yɛ bələi bɛ̨ɛ̨i la Moisə ŋą tɔ́n ɉɛɓɛ́i hu.

Mąątɛ̨nɛ̨ 135:21

Yai-Laa hɛɠɛɛɓo woo ə tɔɔ Siɔn daai, a yai tii heeni Ɉerusalɛmə daai! 'Kánikookwəi!

Mąątɛ̨nɛ̨ 68:16

Yálá nwɔ yeei, Basan yee! Yee tɔɔi, ɲee tɔɔ pumun kulaai Basan yee!

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Mąątɛ̨nɛ̨ 9:11

Nuąi ə́ laa kɔ́lɔn, da di kilitɔɔ yɛ́, hvó gaai, nuąi da ə́ kwɛli, Yai-Laa, hvá ə́ yee kulɔ di mu.

Azaya 8:18

Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Zasua 23:1

Yai-Laa ə liilaa yɛnɛ̨ɛ̨ tɛɛ Israɛlə lonnii pɔ ɲowoɠaa kəlee lɔwai, ɉu kwɛa, Ɉosue ə pɔlɔ. Gɛɛ kɛa a hulɔgolo,