Kɔlɔnikɔ Maa-ŋuŋ 23:13 - Yálá laawoo hɛɓɛ (dc)

¹³ Amramə lonnii ɓaa: Aarɔn da Moisə. Di Aarɔn həɠə ɉu a dee, yɛ kólo kɛ gɛɛnąą mąąhəɠɛɛ ɓa a yələ kəlee, yaa da nonnii, diɛ haláá hɛn gun nɛ̨ɛ̨ laa həli Yai-Laa ɓa; diɛ tí mą, ə lɛɛ, diɛ luwɔ too naa hu a yələ kəlee.

Yálá laawoo hɛɓɛ

¹³ Amramə lonnii ɓaa: Aarɔn da Moisə. Di Aarɔn həɠə ɉu a dee, yɛ kólo kɛ gɛɛnąą mąąhəɠɛɛ ɓa a yələ kəlee, yaa da nonnii, diɛ haláá hɛn gun nɛ̨ɛ̨ laa həli Yai-Laa ɓa; diɛ tí mą, ə lɛɛ, diɛ luwɔ too naa hu a yələ kəlee.

Bible

¹³ Amaraŋ ǹyaŋ ǹônii-sinaai ƃé kɛ̀ a Eelɔŋ da Mose. Dí Eelɔŋ siɣe zu a gɛ́ɛ gɛ́ zãa maa-waa-ŋai mɛi kâa. Dí ǹônii-sinaai siɣe zu a gɛ́ɛ díkɛ kéreŋ sɛŋ kúŋ-nɛ̃ɛ kereŋ Yâwɛɛ ŋɛ́i-tuɛ a ɣele kélee, díkɛ tíi kɛ mi, díkɛ ŋɔlûwai láa seri ǹûai dîa.

Kɔlɔnikɔ Maa-ŋuŋ 23:13 ပူးပေါင်းရင်းမြစ်များ

Kɔlɔnikɔ Maa-ŋuŋ 23:12

Kehatə lonnii ɓaa: Amramə, Yiseharə, Hebrɔn da Uziɛlə; diɛ ka tii a nu nąąn.

Kɔlɔnikɔ Maa-ŋuŋ 6:3

Kehatə lonnii ɓaa: Amramə, Yiseharə, Hebrɔn da Uziɛlə.

Kɔlɔnikɔ Maa-ŋuŋ 6:34

Aarɔn da nonnii ɓə di yee ə kɛ ɉaláá koló ɓa, Yálá mąąwiɛ haláá kulɔi, da nwulɔ kun nɛ̨ɛ̨ haláá kulɔi; ə mą kɛ, gɛɛnąą mąąhəɠɛɛ koló. Diɛ lɔ ɓə kɛi Israɛlə nuą mąąnɛ̨ɛ̨ mąą hvə Yálá ɓa, yɛ bələi, Yálá ŋą tímun Moisə, ə mąą hiɛ ɓo pələ tɛɛ la di pɔ.

Mąątɛ̨nɛ̨ 106:16

Di kɛɛ bələ pɔ, di tolo kulɔ a Moisə da Aarɔn, a nui tii Yai-Laa ə ɉəɠə ɉu, ə gɛ a nwɔɔi.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Lɛɛ gbɔwɔ ɓa 28:36

«Yili pulu, ə́ hɛni pu, ə́ bɛli a mɛla ŋą kɛnɛ̨ yɛ wulu powa mąąnįnįn, ə́ bɛ̨ɛ̨ yɛ da kɛi hɛn ɉaɠa, yɛ ɓo a Yai-Laa nwɔɔ.

Lɛɛ gbɔwɔ ɓa 29:44

Gáá pai gee kaa pɛlɛ da ɉaláá kulɔ kəhi kɛi a hɛnŋąą mąą həɠɛɛɠaa, gɛ́ Aarɔn da nonnii di kɛ a nu mąą həɠɛɛɠaa.

Lɛɛ gbɔwɔ ɓa 6:20

Amramə ə dɛlɛ́n Yokɛvɛdə həɠə a nɛ̨ą, da yaa di lon ɉinąą hveelɛ hɔlɔɓo, diɛ ɓaa: Aarɔn da Moisə. Amramə kaa kwɛlan ə kɛ a kwɛlan nwun dɔ̨nɔ̨, kwɛlan bow haaɓa kɔ́w mɛ̨ihveelɛ.

Levetekɔ 10:10

Bələ ɓə ka pɛli hɛnŋąą lɔwai tɔɔi la, hɛn gaa a nwɔ́ɔ́ da hɛn hvo ɓaa a nwɔ́ɔ́, ɛlɛɛ hɛn tɔ́n gaa mą da hɛn tɔ́n və mą.

Lonon mo 18:1

Yai-Laa yɛ Aarɔn ɓa: «Yɛ́, ə́ lonnii, ka Levi nu huwu, ka nwuɔ̨ tiɛ̨ ɓaa nɛ̨ŋɛ̨ŋąą da ɉəɠə gɛɛnąą mąąhəɠɛɛ ɓa, mąą pɔnnaa pu mɛ̨nį. Ɛlɛɛ, nɛ̨ŋɛ̨nŋąąi da ɉəɠə ɉaláá kulɔ kóló hu, yɛ́ ka ə́ lonnii ɓə yili nwulu kaa ka nwuɔ̨.

Lonon mo 26:59

Amramə nɛ̨ą laa ɓaa kɛ Yokɛvɛdə, yai kɛ a Levi lon nɛ̨ɛ̨nu. Levi ə ɉɔlɔɓo Eziptə lɔi hu. Nɛ̨ɛ̨nui tii da Amramə ɓə Aarɔn Moisə da di mąąhala Miriamə di hɔlɔɓo.

Lonon mo 3:27

Kehatə huwu hu nuą, Amramə yəi gwəlii nuą, Yiseharə yəi bɛlɛ́n nuą, da Hebrɔn yəi bɛlɛ́n nuą, ə mą kɛ Uziɛlə yəi bɛlɛ́n nuą. Yiiɠaa kpɔ a Kehatə nu huwu.

Lukə 1:9

Ya ɓə di di yee lɛ mą a volói tii, yɛ pələi ɉala laa həli nuą da gɛ la a bɔlɔ; ya ɓə kɛ mąąnɛ̨ɛ̨ ə lansan kələn Yálá hee pɛlɛ́ mu.

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Dutɛrɔnome 21:5

Nąąlɔwai, Levi lonnii ŋɛ̨i a ɉaláá kulɔ nuą, da pa. Levi lonnii tii ɓə Yai-Laa ka wɔ Yálái ə di həɠə ka lɔwai, diɛ haláá kulɔ kólóɠaa kɛ, diɛ lúwɔ́ too Yai-Laa laa hu. Di woo ɓə a hvaa kpɛɛ, da nu mąą nwąną mɛ̨nį.

Hebreu 5:4

Nu hva pɛli yili mąąlaa tɛɛi gbɔwɔ pɔ, Yálá ɓə a nu təli mą, yɛ bələi ə kɛ la, a Aarɔn nwɛi.

M̀ɛni-lɛɛi 8:3

Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.

Samuɛlə dɔlɔɔ 2:28

ŋą́ ə́ nąn ɉəɠə Israɛlə nu huwuɠaa kəlee lɔwai, gɛ́ gɛ a nwɔ́ haláá laa həli mun, yɛ tɔɔ nwɔ́ haláá kulɔi kɛɛnąąi ɓa, yɛ lansan kələn, yɛ ɉaláá kulɔ həɠə too ɲɛ̨i ɓa, hɛn lɔpee Israɛlə lonnii di kɛi gɔ́ la, ŋą́ kɛi gəlee tɛɛ ə́ nąn nwɔ pɛlɛ́i pɔ.