Kɔlɔnikɔ Maa-ŋuŋ 22:9 - Yálá laawoo hɛɓɛ (dc)

⁹ Yii yáá lon ɉulɔnu kaai, yaa ɓə pai liilaa lɔi nɔi, gáá pai liilaa lɔi da gwɛlɛ lɔiɠaa di lɔwai. Naa ɓaa pai kɛi a Salomɔn. Yaa tii nwɔ hvólói hu ɓə Israɛlə kaa pai liilaa hɔlɔɓoi la.

Yálá laawoo hɛɓɛ

⁹ Yii yáá lon ɉulɔnu kaai, yaa ɓə pai liilaa lɔi nɔi, gáá pai liilaa lɔi da gwɛlɛ lɔiɠaa di lɔwai. Naa ɓaa pai kɛi a Salomɔn. Yaa tii nwɔ hvólói hu ɓə Israɛlə kaa pai liilaa hɔlɔɓoi la.

Bible

⁹ Kɛ́lɛ ya pâi lóŋ-surɔŋ maa sɔlɔ ƃôi nyíi lii-see a pâi ǹyêei, kpɛ́ni fêi, ŋa pâi dɛɛ̂i bɔ́. Ŋa pâi gɛ̂i é víi tɔ́ɔ ŋɔkpɔara-ƃelai kélee yêei. Ǹáa ƃé pâi kɛ̂i a Saloma. À gâloŋ-laai sɔlɔ ƃô, ŋa lii-see tɛɛ̂i Eezuɛ-ŋai pɔ́ ŋá dímɛi káa.

Kɔlɔnikɔ Maa-ŋuŋ 22:9 ပူးပေါင်းရင်းမြစ်များ

Tɔɔɓɛlaa dɔlɔɔ 1:13

'Li! Ə́ həli tɔɔmun ma, yɛ́ mą: ‹Kɛlɛi yɛ́ ɓə a nwɔ́ mɛ̨nį nąmu-ee! Kɛlɛi yə́ ɓə ə́ kwɛla ə́ wɔɔ luwu nɛ̨ą ɓa, yɛ kɛ mą: «Ə́ lon Salomɔn ɓə pai heei dɔɔkpəlin ɉu a mą́ą́hvalən», ə tɛɛ kani ləi yai Adoniasə kaa kɛa a tɔɔmun?›

Tɔɔɓɛlaa dɔlɔɔ 2:15

Adoniasə yɛ mą: «Yɛ́ kpinįi ə́ kili kaa ɉu, ɲą́ą́ ɓə kɛ mąą nɛ̨ɛ̨ ŋą́ kɛ a dɔɔmun, Israɛlə nuą kəlee ɲɛ̨i hiɛ kɛ mą́ą́, ə gɛ, ŋą́ kɛ a dɔɔmun. Kɛlaa, dɔɔlaa aa mą́ą́laa, aa li nə́ɠə Salomɔn pɔ, yili ɓə kɛ a Yai-Laa liiɓa, ə dɛɛ yaa tii bɔ.

Tɔɔɓɛlaa dɔlɔɔ 3:7

Yai-Laa nwɔ́ Yálá, yiihui ŋɛ̨i, yɛ́ ɓə hvaa mą, ɲą́ą́ ŋɛ̨i a ə́ wɔ luwɔ, ə́ ɉéé a ną́n Davidə mąąhvalin, gáá a hulɔnon, və́ ni wala ɲąąwooɓo kɛ.

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Tɔɔɓɛlaa dɔlɔɔ 5:4

Salomɔn nwɔ ɲąąwooɓo ə kɛ Eufratə ya voló tooi ɉɛɠɛɛ pələ, kəlee mɛ̨i, ə həɠə Tifsa yɛ li Gaza, dɔɔɓɛlaa kpɔ tii kɛ laa ɲá koo ɓa, gəlee di kɛ Salomɔn yee mu. Nɔiɠaai kpɔ kɛi Salomɔn mąą tinɛ̨n, da diɛni di kɛ nɛ̨ɛ̨laa hu.

Tɔɔɓɛlaa dɔlɔɔ 8:56

«Mąąwiɛ ə kɛ Yai-Laa ɓa! Ya ɓə kɛɛnɛ̨ɛ̨ tɛɛ nwɔ nu huwui Israɛlə pɔ, yɛ vįitɔɔ laa, yɛ bələ ə gbɛa kɛ mo la. Nwoo lɛlɛɛɠaai kpɔ ə di pu wɔ tímun Moisə la, da lɔpee hvo too li kpɛli kpɛli.

Kɔlɔnikɔ Maa-ŋuŋ 17:11

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Kɔlɔnikɔ Maa-ŋuŋ 22:18

«Kɛlɛi Yai-Laa ka wɔɔ Yálái kaa ka pɔ-é! Kɛlɛi ya ɓə hvįitɔɔ tɛɛ ka pɔ, ka ká kwɛlɛ lɔiɠaa ka lɔwai-é! Nɔiɠaa tii ka háákələi daa kɛ a Yai-Laa nwɔɔ, da nwɔ nu huwuɠaai.

Kɔlɔnikɔ Veerɛi 6:15

Mɛ̨nįi ə́ naakwɛlanmo ə́ nwɔ tímun ną́n Davidə ɓa, yáá bɔ mɛ̨nį kɛ. Mɛ̨nįi ə́ mo ə́ laaləi, yáá bɔ mɛ̨nį kɛ a ə́ yee, yɛ bələi ku kaa gaai la háákələi.

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Mąątɛ̨nɛ̨ 72:1

Salomɔn woo ka. Yálá, ə́ wɔ kiti tee hvilii tɛɛ tɔɔmun bɔ, ə́ wɔ tələnmolaa tɛɛ dɔɔmun non ŋɛ̨i pɔ.

Mąątɛ̨nɛ̨ 72:7

Nwɔ tɔɔlaa lɔwai, Tələnmolon ə kɛ ɲąąnɛ̨ɛ̨ hu, yii kpɔ ɲąnin gaa ni hvələi, nwun na nɛ̨ɛ̨ ə kɛ nɔi!

Azaya 26:12

Yai-Laa! Yáá ku kɔ́ a liilaa yɛnɛ̨ɛ̨, mɛ̨nįi lɔpee ku kaa gɛi, Yɛ́ lɔ ɓə gɛi kuɔ.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 57:19

Gɛ́ kwəinɛ̨ɛ̨ wələ lɔ di la. Yai-Laa yɛ diɛ: Liilaa, liilaa 'ə kɛ nui kwɛala mą, 'ə kɛ lɔ nwɔ̨nɔ̨ kpuɔlamun mą, a tɛ̨ą, gáá pai di ɓaloi!

Azaya 66:12

Mąąhɔlɔɓo, mɛ̨nįi Yai-Laa kaa moi, ya ka: Gáá pai liilaa yɛɛi mɛ̨i yɛ tɛɛ ya. Ɛlɛɛ, gɛ́ hįįɠaa di wɔ mąąwiɛ tɛɛ bɔ, yɛ ya a kɛi kulɔ yee hu a vąŋą kɛnɛ̨. Di kaa pai kɛi ɲįnį tɔɔi ka la, diɛ ka pomo, diɛ ka hee di kɔ́wɔ mɛ̨i.

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Nwun mąąɓo 6:24

Zedeɔn ə nɛɛ mą, ə haláá kulɔi pɛli laa Yai-Laa ɓa, ə ɉaláá kulɔi tii laa hee, a: «Yai-Laa kaa a Líilaa.» Haa ɓaa haa, gɛɛnąąi tii kaa Ofra daai yai a Aviɛzɛrə nu huwu nwɔɔ.