Kɔlɔnikɔ Maa-ŋuŋ 22:14 - Yálá laawoo hɛɓɛ (dc)

¹⁴ «Ə́ ɲɛ̨i hee, bələi mąn hɛn və la ɲə́i, ŋą́ą́ tɔɔ a nwąnąi, ŋą́ą́ Yai-Laa nwɔ pɛlɛ́i tɔɔ hɛnŋąą kwɛli, ŋą́ą́ hɛni waa nwundɔ̨nɔ̨ laaikɛ, da wali kwɛli waa nwun damąą. Yii ɓaa mala kwɛli da gwɛli kpɔɔkpɔ, nu hva pɛli giliin ɉii, damą pələ ɓa. Ŋą́ą́ nwɔ̨nɔ̨ wulu kwɛli, da kwɛni, yɛ́ kpįnįi da kwɛli ə bɛlɛ mą nwɔ̨nɔ̨.

Yálá laawoo hɛɓɛ

¹⁴ «Ə́ ɲɛ̨i hee, bələi mąn hɛn və la ɲə́i, ŋą́ą́ tɔɔ a nwąnąi, ŋą́ą́ Yai-Laa nwɔ pɛlɛ́i tɔɔ hɛnŋąą kwɛli, ŋą́ą́ hɛni waa nwundɔ̨nɔ̨ laaikɛ, da wali kwɛli waa nwun damąą. Yii ɓaa mala kwɛli da gwɛli kpɔɔkpɔ, nu hva pɛli giliin ɉii, damą pələ ɓa. Ŋą́ą́ nwɔ̨nɔ̨ wulu kwɛli, da kwɛni, yɛ́ kpįnįi da kwɛli ə bɛlɛ mą nwɔ̨nɔ̨.

Bible

¹⁴ Ŋa mɛni sôli támaa káa a gɛ́ɛ ŋá Yâwɛɛ ŋɔpɛ́rɛi tɔɔ sãa ŋáa tɛ́ gîe ma. Ŋa gôo pãŋ wála lɔ́ɔlu mɛi saaƃa (8,000), káne pãŋ ŋɔmêeyɔŋ buu lɔ́ɔlu mɛi feerɛ káo lɔ́ɔlu (75,000,000) ƃara da kɔli kpulu kɛ́tɛ nyíi núu fa pɔ̂ri ŋɔwuyɛ kɔ̂ɔnii, wúru da kɔni. Ya pɔ̂ri díta pûi ma a tɛɛ-ŋa.

Kɔlɔnikɔ Maa-ŋuŋ 22:14 ပူးပေါင်းရင်းမြစ်များ

Tɔɔɓɛlaa dɔlɔɔ 10:14

Ɉɛnii Salomɔn ə kɛi ɉɔlɔɓo kwɛlan dɔ̨nɔ̨ yee mu, ə kɛ a hɛni kilə waa pow hveelɛ.

Tɔɔɓɛlaa dɔlɔɔ 7:47

Salomɔn ə ɉɛnŋąą tii kəlee hee ɉeeiɠaa ɓa. Gəlee pɛlɛɛ gee ɓa, nu hva pɛli kɛ mala kwɛlii tii nwiɛ yee kɔ́lɔn ɉii, mąąhɔlɔɓo, gɛnɛ̨i kɛ.

Tɔɔɓɛlaa veelɛ 25:16

Ɉɛnŋąą ŋɛ̨i Salomɔn ə bɛli Yai-Laa hee pɛlɛ́ mu, a mala kwɛli, bɛlɛ hɔlɔɔn veelɛi, ɉɛɲąŋą kɛnɛ̨i tii da ɉee hɛnŋąą, nu hva pɛli kɛ nwiɛ yee kɔ́lɔn ɉii.

Kɔlɔnikɔ Maa-ŋuŋ 22:15

Kólo kɛ nuą kaa ə́ yəi a gbulu kɛnɛ̨. Kwɛni haɠa nuą yɛlɛɛɠaa di ɓo ə́ yəi, da wulu haɠa nuą, ə mą kɛ, yɛlɛ huwui lɔpee gəlee kɛ nuą.

Kɔlɔnikɔ Maa-ŋuŋ 22:3

Davidə ə kwɛli tiɛ̨ geemɛ̨i, yii di kaa pai gɛi a bɛlɛ́ kpon gbanwo hɛn, da ɲili hɛn. Ə kwɛli kpɔlu kwɛli kpɔ kɛnɛ̨, yii di hva pɛli kɛ gɔɔn ɉii.

Kɔlɔnikɔ Maa-ŋuŋ 29:2

Ŋą́ą́ tɔɔ kpɔ a nwąnąi, ŋą́ą́ Ną́mu Yálá nwɔ pɛlɛ́i tɔɔ hɛnŋąą ŋąąkpɔn; hɛni, a yii mąąnɛ̨ɛ̨ a hɛni, wali, a yii mąąnɛ̨ɛ̨ a wali, ɓala kwɛli, a yii mąąnɛ̨ɛ̨ a ɓala kwɛli, wulu, a yii mąąnɛ̨ɛ̨ a wulu, kwɛli kpəlee, a yii mąąnɛ̨ɛ̨ a kwɛli kpəlee; kuwɔ-kwɛni lɛlɛɛɠaa: onisə. Kwɛni lɛlɛɛ huwu tamąą, daɠaa tɛɠiɛɛ, kwɛni kwɛlɛɛ huwu tamąą; ŋą́ą́ ɉɛnŋąą tii kwɛli kpɔ kɛnɛ̨.

Ɉeremi 52:20

Bɛlɛ́ dɔɔ mu hveelɛi, gboloyá pu hɛnɲąŋą tɔ̨nɔ̨i, da nįŋɛ̨ mąąnįnįn bow kɔ́w hveelɛi tii kɛ a mala kwɛli, bɛlɛ́ lon giliɠilin gɔwɔɠaa hvilɛn ŋąą mɛ̨i, diɛi tɔɔmun Salomɔn ə di pɛli Yai-Laa nwɔ pɛlɛ́i mąą mɛ̨nį ɓa, nu hva pɛli gwɛli wiɛ yee kɔ́lɔn ɉii, ya ɓaa, ɉɛnŋaa tii kəlee wiɛ yee.

Lonon mo 7:85

Nwali teaɠaa tii dɔ̨nɔ̨ ə kɛ a kilə nwun dɔ̨nɔ̨ ɲee haaɓa (130), gbələ kɔ́ɔɠaa tii dɔ̨nɔ̨ ə kɛ a kilə pow mɛ̨ihveelɛ (70). Ɉɛnŋąą tii kəlee ə kɛ a kilə waa hveelɛ pulu nwun nąąn (2400), yɛ bələi bɛlɛ́ mąąhəɠɛɛ mu hɛn gɔɔn bələ kaa la.

Korɛntə veelɛ 8:2

Mɔ̨nɔ̨ huwu tamąą ə laa diɛ, kɛlaa di kwəinɛ̨ɛ̨ pələ kɛnɛ̨, di mɛ̨inɛ̨ɛ̨ kpɛa-kpɛaa kɛ, bələi mąn ti di kɛ la yeehvowolo laa hu.