Kɔlɔnikɔ Maa-ŋuŋ 21:15 - Yálá laawoo hɛɓɛ (dc)

¹⁵ Yai-Laa ə malaka ta tɔɔ Ɉerusalɛmə daai, əgɛ, ə nąą kala. Gɛɛ kala pələi tii, Yai-Laa ə nąą kaa, hvo gwəinɛ̨ɛ̨. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́!» Yai-Laa nwɔ malaka ə kɛ tɔɔni Ɉebusə mun Ornan nwɔ mɔ̨nun dan ɉii kwɛlɛ.

Yálá laawoo hɛɓɛ

¹⁵ Yai-Laa ə malaka ta tɔɔ Ɉerusalɛmə daai, əgɛ, ə nąą kala. Gɛɛ kala pələi tii, Yai-Laa ə nąą kaa, hvo gwəinɛ̨ɛ̨. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́!» Yai-Laa nwɔ malaka ə kɛ tɔɔni Ɉebusə mun Ornan nwɔ mɔ̨nun dan ɉii kwɛlɛ.

Bible

¹⁵ Nya ƃe Yâwɛɛ è ŋɔkélai tɛ̀ɛ a gɛ́ɛ é Zerusâlɛŋ su kara. Kɛ́lɛ ŋ̀âla-taa kelai kɛ́ɛ kɛ̀ m̀ɛnii ŋí kɛ̂i, Yâwɛɛ è naa kàa ǹíi é tóo pôlu. È m̀o ŋ̀âla-taa kelai ma ǹyɛɛi, “É naa lɛɛ tí. Nyíti aâ táma!” Ŋ̀âla-taa kelai è kɛ̀ tɔ̂ɔni Arauna ŋɔmii-sɛŋ tânii kɔlɛ ma. Arauna è kɛ̀ a Zɛbu-nuu.

Kɔlɔnikɔ Maa-ŋuŋ 21:15 ပူးပေါင်းရင်းမြစ်များ

Zɛnɛse 19:13

Ku kaa pai ɓɛ nɔi kələn ɉi, mąąhɔlɔɓo, nɔi ŋɛ̨i hu nuą kɛ nɛ̨ŋɛ̨n gun aa həli Yai-Laa ɓa, ə ku tɔɔ, ə gɛ, ku ɓɛ kələn.»

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Samia Veerɛi 24:16

Malaka ə ɲee haŋą Ɉerusalɛmə taa mɛ̨i pələ, yɛ kɛ ə ɉu nuą nwun na pili. Kɛlaa, Yai-Laa hvo kɛa hvaa mą yili hvo kɛ. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́.» Yai-Laa nwɔ malaka ə kɛ tɔɔni Ɉebusə mun Arauna nwɔ mɔ̨nun dan ɉii kwɛlɛ.

Samia Veerɛi 24:18

Gadə ə li ə həli Davidə ɓa mąą yələ, yɛ mą: «'Li ɲee tona, ɓɛi tii Ɉebusə mun Arauna nwɔ mɔ̨nun dan ɉii, ə́ haláá kulɔi pɛli laa a Yai-Laa nwɔɔ.»

Tɔɔɓɛlaa dɔlɔɔ 19:4

Eli yaa kpinįi ə hvóló tɔ̨nɔ̨ hiɛ kɛ yɛ li nɔi pun ɉu. Líi ə mo laa, ə hee ɉenɛ wulu mu. Eli ə hee laa, yɛ haa huhvɛli, yɛ kɛ mą: «Oo kə! Yai-Laa! Víi aa kpɛɛ kpɔ kɛnɛ̨, ɉə́ɠə kɛa yɛnɛ̨ɛ̨, və́ hviɛlaɓo li və́ tɛɛ ną́nni diɛ.»

Kɔlɔnikɔ Veerɛi 3:1

Salomɔn ə ɲee pɛlɛ Yai-Laa nwɔ pɛlɛ́i tɔɔ mɛ̨nį goló ɓa Ɉerusalɛmə, Moriya yee nwuɔ̨, ɓɛi Yai-Laa ə gbɔwɔ lɛ laa nąn Davidə ɓa, ɓɛ kpɔ-kpɔɔ tii Davidə ə nąą pɛli Ɉebusə mun Ornan ŋą mɔ̨nun dan ɉii.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 90:13

Yai-Laa! 'Yali ə́ pulu, ə́ pa ku pɔ! Mįnɛ̨ lɔwai ɓə ə́ wɔ liiholii kaa pai kpɛlai la mą? Ə́ wɔ tínuąi ɲɛ̨imąąwɛli kaa.

Lɛɛ gbɔwɔ ɓa 32:14

Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Lɛɛ gbɔwɔ ɓa 9:28

Ka mą́ą́ nɛ̨ɛ̨mąą hvə Yai-Laa ɓa, ə ɲələgbąnąą da ɉanwon ŋɛ̨i kpəla mą; ŋį́ ka lɛɛ laa, vá kɛa kanąn kaa.»

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Ɉeremi 26:9

Ə́ liikpələi pələ kaa ləi, yɛ mɛ̨nį lɛɛ kwɛa la, yɛ mo a Yai-Laa laa, yɛ kɛ diɛ, bɛlɛ́i ŋɛ̨i kaa pai kɛi yɛ Silo, ɛlɛɛ, di kaa pai daa kalai di ɉu nuą kulɔ ɉu?» Nuą kəlee di tinɛ̨n Ɉeremi ɓa Yai-Laa hee pɛlɛ́ mu.

Ɉeremi 7:12

Ka li tai nwɔ́ kɛɛ nąą mąąhəɠɛɛ ɓa Silo daai, a ɓɛi ŋį́ nąą həɠə ɉu, ŋį́ náá hee laa; ka nąą kaa, bələi ŋį́ nąą kala la, nwɔ́ nu huwu Israɛlə nwɔ lii ɲɔ̨n gwəi laa mąą mɛ̨nį ɓa.

Amɔsə 7:3

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii tii ə́ gaa, hvo pai kɛi tii.»

Amɔsə 7:6

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii ŋɛ̨i nwɔ̨nɔ̨ ə́ gaa, hvo pai kɛi tii.»

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Markə 14:41

Ə pənə ə pa a ɉaaɓa nąą ə mo diɛ, yɛ diɛ: «Ka kɛ kpɔlɔ yii, lɔwai aa həli, daa Nu Lon tɛŋɛ̨n gwɛlɛ nu ɲɔ̨nwɔ̨ɔ̨ɠaa diɛ.

Korɛntə dɔlɔɔ 10:10

'Ká hvo hvaa ká nwun ɉu, yɛ bələi daɠaa di gɛ la; nwun na pilimun yɛ di nwun na pili.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.

Nwun mąąɓo 2:18

Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.