Kɔlɔnikɔ Maa-ŋuŋ 21:13 - Yálá laawoo hɛɓɛ (dc)

¹³ Davidə yɛ Gadə ɓa: «Liihɛlɛn gɛnɛ̨ aa too mą́ą́. Ɲą́ą́ mun nɛ́ɛ́ kpɔ Yai-Laa yəi ə ɉútɔɔ, yili hviɛlaɓoɔi ə dɛ́ɛ́ nu takpɛliɠaa pɔ diɛ ɉútɔɔ, mąąhɔlɔɓo, Yai-Laa nwɛi, a nu ɲɛ̨imąąwɛli kaa.»

Yálá laawoo hɛɓɛ

¹³ Davidə yɛ Gadə ɓa: «Liihɛlɛn gɛnɛ̨ aa too mą́ą́. Ɲą́ą́ mun nɛ́ɛ́ kpɔ Yai-Laa yəi ə ɉútɔɔ, yili hviɛlaɓoɔi ə dɛ́ɛ́ nu takpɛliɠaa pɔ diɛ ɉútɔɔ, mąąhɔlɔɓo, Yai-Laa nwɛi, a nu ɲɛ̨imąąwɛli kaa.»

Bible

¹³ Deeƃé è mò Gâa ma ǹyɛɛi, “Ńii toɔ̂ɔi kpɔ́ pôlu a ŋ̀ánaa. Tɔɔ Yâwɛɛ é ŋ́gula-maa kɛ́, kpɛ́ni fêi, ŋɔmaloŋ-kâai su kɛ́tɛi. Kɛ́lɛ núu-kpune fé ŋ́gùla maa kɛ̂.”

Kɔlɔnikɔ Maa-ŋuŋ 21:13 ပူးပေါင်းရင်းမြစ်များ

Tɔɔɓɛlaa veelɛ 6:15

Yálá nwɔ nui nwɔ tímun ŋɛ̨i kɛ bɔ, ə humo kpɔ a gulaa yələwala pɔ, yɛ gaa ɲɛ̨i kɛi, kɔlaɠa kpulu kɛnɛ̨ da hoo gilɛ həɠə nuą da wotoloɠaa daa di mąątínɛ̨n. Yɛ Elise ɓa: «Eé! Nwɔ́ mɛ̨nį nąmu, gu kaa pai yii kɛi ləi?»

Tɔɔɓɛlaa veelɛ 7:4

Gwa kɛ gu kaa lɔi daa kwəi, bulu kaa laa, gaa pai gu paai, gwa lɛɛ nwɔ̨nɔ̨ ɓɛ heeni, gu kaa pai haai. Ka gwə li Aramə nuą di wɔ kɔ́ɓuwui la, da gu nɔ̨ɔ̨ lɛɛ gu hu, gwa ɓalo, da gu paa nwɔ̨nɔ̨, gu haai lɔ li.»

Kɔlɔnikɔ Veerɛi 28:9

Yai-Laa kwəi mɛ̨nį hukulɔ mun da ə kɛ Samari, diɛ kɛ mą: Odɛdə. Israɛlə kɔlaɠa kɛɛ bulu pənəi, yɛ pai Samari, Odɛdə ə kulɔ yɛ li di laakwiɛn ɉii, yɛ diɛ: «Ka nąnni di wɔ Yálái Yai-Laa lii aa holi Ɉuda pɔ, ya ɓə gɛ yɛ di lɔ ka yee ŋą, kaan, kaa gɛɛ kalaa huwiɛ, aa həli yələ kɔ́lɔn ma.

Mąątɛ̨nɛ̨ 103:8

Yai-Laa liinɛ̨ɛ̨i gwəi, a nu mąąwɛli kaa; hva níiholi ɉa, gaa a wɛlikɛmąą.

Mąątɛ̨nɛ̨ 106:7

Ku nąnni di hvo yɛ́ kwɛlɛɛn mɛ̨nįɠaai, mukulaa kɔ́lɔn ni, Eziptə lɔi hu. Di lɛ̨ą yɛ́ mɛ̨inɛ̨ɛ̨ɠaa tamąą diɛ, di di kwɛli tee Veengbɔ̨nɔ̨ gboloyá kwɛlɛ.

Mąątɛ̨nɛ̨ 119:156

Yai-Laa, ə́ wɔ wɛlikɛmąąlaa hu kɛnɛ̨ɛ̨i, yɛ bələi ə́ naa la ə́ kwəi, pənə ə́ dóó nwúnų kɔ́lɔi.

Mąątɛ̨nɛ̨ 130:4

Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́.

Mąątɛ̨nɛ̨ 130:7

Israɛlə! 'Ə́ kilitɔɔ Yai-Laa ɓa, mąąhɔlɔɓo, mɛ̨inɛ̨ɛ̨ kaa ɲee pɔ, nwun mąąɓo ə ɓo ɲəi a ɉukɛnɛ̨ɛ̨.

Mąątɛ̨nɛ̨ 5:7

Ya lɛɛnuą nwun na pili, ɲąmą pumun, mɛ̨nį piliɉumun, Yai-Laa a yowolaa kulɔ a diɛ.

Mąątɛ̨nɛ̨ 69:13

Nuąi heeni ɉįi la, di kɛi náá pələ ɓo, gɛ́ ɓo lɔ a lɔɔ kpələ nuą laa wələ woo.

Mąątɛ̨nɛ̨ 69:16

'Gɛ, ɲánwąną hvo yɛɛ a ɲą́ą́, və́ yɛɛ bali kpon ɉu, ɛlɛɛ, ɲánwąną hvo pa nwún mɛ̨i pu!

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Hanwon 12:10

Tələnmomun ə nwɔ taatɛlɛɛɠaai mąą kpaan gɔlɔn, Kɛlaa, nwąnąlɔ nuą kwəi ɲɔ̨nwɔ̨ɔ̨i diɛ.

Azaya 46:7

Diɛ ɓə da ɉaliɠaa tii kpəŋə di kalan ɲą, diɛ hiɛ la, diɛ vilɛn ɓɛi gaa pai kɛi laa, yɛ vįitɔɔ, yaamun hvo di kɔ́ li a hvįitɔɔ! A lɛɛ lɔ kɛa laa tɔɔni, hva həɠə dɔɔi! Nu ta ə mą nwoo pili mą, hva mun hvaa, gu hvo mun kɛ yɛ li gulɔi mɛ̨nįi.

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Woolaa 3:32

A mɔ̨nɔ̨ laa nu mɛ̨i, a tinɛ̨n ə ɲɛ̨i mąąwɛli kaa, nwɔ ɲɛ̨imąąwɛlikaa kɛnɛ̨i.

Zôna 3:9

Gbəli hu gwa gɛ tii, Yálá kaa pai gu ɲɛ̨imąąwɛli kaai, ə nwɔ liiɲąnwąną həɠə gu mɛ̨i, gu hvo pa haa.»

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Habakukə 3:2

Éé Yai-Laa! Ŋą́ą́ ə́ kɛ mɛ̨nįɠaa mąą pələ mɛ̨n ŋą́ą́ ɲɔw. Yai-Laa ə́ kɛ mɛ̨nįɠaa kɛ yiihu. Yɛ bələi wɔlɔ ə́ kɛi gɛ la. Ə́ kɛ mɛ̨nį kɔlɔŋąą lɛ a kwɛlan gəlee. Ə mą kɛ kwaa ə́ liiholi mɛ̨nį kɛ, ə́ wɔ ɲɛ̨i mąą wɛli kaa lɛ kuɔ.

Ɉaan 12:27

«Yiihu, lii kələn gwəi aa hvə mą́ą́, ŋą́ kɛ kpɔ lə; Ną́n! Ŋą́ pɛli kɛi yɛ́ gulɔ ɉu? Yaan, mɛ̨nįi ŋą́ paa la, nąąlɔwai aa həli.

Filipə 1:23

Gáá mɛ̨nį hveelɛ lɔwai: gáá bɔ ŋį́ li Kristə pɔ, ɛlɛɛ, yili kpɔ ɓə nwɛli kaa mą́ą́.

Hebreu 10:31

Mɛ̨nį kpɔlu ɓaa: Nu ya too Yálá hvulúmąą yee ŋą.