Kɔlɔnikɔ Maa-ŋuŋ 17:1 - Yálá laawoo hɛɓɛ (dc)

¹ Ɓɛlɔwai Davidə ə kɛ kɛa la ɲəi bɛlɛ́n, ya ɓə a kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yai-Laa nwɔ mįnɛ̨ kəhii ə ɓo kələ mu, mɛ̨i kɛɛ a həɠə. Ə́ wɔɔ kiliŋąhiɛ kaa ləi?»

Yálá laawoo hɛɓɛ

¹ Ɓɛlɔwai Davidə ə kɛ kɛa la ɲəi bɛlɛ́n, ya ɓə a kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yai-Laa nwɔ mįnɛ̨ kəhii ə ɓo kələ mu, mɛ̨i kɛɛ a həɠə. Ə́ wɔɔ kiliŋąhiɛ kaa ləi?»

Bible

¹ Gâloŋ Deeƃé kɛ́ɛ a lɔ́ ŋɔkâloŋ pɛrɛi mui, è worɛ̂ tɛ̀ɛ Ɣâla ŋɔlóno kɛ́-nuui Neetɔŋ pɔ́-naa a gɛ́ɛ é pá. Neetɔŋ kɛ́ɛ a pâi, Deeƃé è mò ma ǹyɛɛi, “Ŋ́gaa lâai pɛ́rɛ mu nyíi dɔɔ̂i a sîda wuru-ƃela-ŋa. Kɛ́lɛ Yâwɛɛ ŋɔkpanaŋ-woo-kɛɛ Gãlai káa nɔ́ sua-kɔlɔ-seɣe pɛrɛ mu!”

Kɔlɔnikɔ Maa-ŋuŋ 17:1 ပူးပေါင်းရင်းမြစ်များ

Samia Veerɛi 12:1

Yai-Laa ə Natan tɔɔ Davidə pɔɔli, yili ə li yɛ Davidə ɓa: «Nu hveelɛ di kɛ taa tɔ̨nɔ̨ hu, dɔ̨nɔ̨ ə ɓo a hɛn gɔw nąmu kɛnɛ̨, dɔ̨nɔ̨ ə ɓo a yeehowolo mun.

Samia Veerɛi 12:25

Yai-Laa ə Natan tɔɔ Davidə pɔ ə mo mą, yɛ mą: «Nokoloi laa hee a Yedidya, mukulaa ɓaa: ‹nwɛli kaa Yai-Laa ɓa›, bələ ɓə Yai-Laa laa ə mo la.»

Samia Veerɛi 6:17

Yii kɛa di pa a Yai-Laa nwɔ mįnɛ̨ kəhii, di ɉee ɓɛi mąąnɛ̨ɛ̨ di ɉee laa, ɉəɠə pɛlɛ́ mu, yai Davidə ə dɔɔ mąą mɛ̨nį ɓa a həɠə ɓɛla. Davidə ə nɛ̨ɛ̨ mą, ə haláá hɛn da gəlee kələn, da nɛ̨ɛ̨yɔwɔ laa haláá kulɔ Yai-Laa ɓa.

Tɔɔɓɛlaa dɔlɔɔ 1:23

Də li di mo tɔɔmun ma, diɛ mą: «Natan aa pa ɓɛ!» Natan ə lɔ, ə li ə pɛlɛ nɔi ɓa, ə kwɛli hvilɛn tɔɔmun ma.

Tɔɔɓɛlaa dɔlɔɔ 1:44

Tɔɔmun ə ɉaláá laa həli mun Sadɔkə, da Yálá kwəi mɛ̨nį hukulɔ mun Natan, ə mą kɛ Yehoyada lon Benayahu, da Kereti nuą, da Peleti nuą, ə di tɔɔ diɛ Salomɔn hee tɔɔmun nwɔ hoohvaalən mɛ̨i.

Tɔɔɓɛlaa dɔlɔɔ 1:8

Kɛlaa, ɉaláá laa həli mun ŋɛ̨i a Sadɔkə, ɛlɛɛ, Yehuyada lon Benayahu, ə mą kɛ, Yálá kwəi mɛ̨nį hukulɔ mun Natan, da Simei, ə pɛlɛ la, Rei, da Davidə mąąkpɛ nuą diɛ; di hvo tɔɔ Adoniasə pulu.

Tɔɔɓɛlaa dɔlɔɔ 8:17

Nán Davidə ə gili tee gwəi yɛ kɛ ə pɛlɛ́ tɔɔ Yai-Laa laa ɓa; yai a Israɛlə nwɔ Yálá.

Kɔlɔnikɔ Maa-ŋuŋ 14:1

Hiramə ɓə kɛ a heeɓomun Tirə. Ə wəlɛɛ tɔɔ Davidə pɔ, ə bɛlɛ kpitili wulu ɓa, da pɛlɛ́ tɔɔ nuą, ə mą kɛ, wulu haɠa nuą; əgɛ, di nwɔ tɔɔ pɛlɛ́i tɔɔ.

Kɔlɔnikɔ Maa-ŋuŋ 15:1

Davidə ə pɛlɛ́ɠaa tɔɔ Davidə taa, ə kɛɛnąą ta pɛli, ə həɠə pɛlɛ́ tɔɔ laa, ə Yálá nwɔ mįnɛ̨ kəhii lɔ mu.

Kɔlɔnikɔ Maa-ŋuŋ 16:1

Di pa a Yálá nwɔ mįnɛ̨ kəhii, ɉəɠə pɛlɛ́i ŋɛ̨i Davidə ə dɔɔ mįnɛ̨ kəhii tii laa ɓa, di ɉee mu. Yili pulu, di nɛ̨ɛ̨mą, di haláá hɛn da gəlee kələn da nɛ̨ɛ̨yɔwɔ laa haláá, di gulɔ laa Yálá ɓa.

Kɔlɔnikɔ Maa-ŋuŋ 17:2

Natan yɛ Davidə ɓa: «Mɛ̨nii lɔpee gɛ kili kaa ə́ ŋą, yá pɛli ə́ gɛ. Mąąhɔlɔɓo, Yálá kaa ə́ pɔ.»

Kɔlɔnikɔ Maa-ŋuŋ 17:5

Mąąhɔlɔɓo, və́ ta lɔ li pɛlɛ́ kpɔ-kpɔɔ mu, ə həɠə ɲələi ŋą́ Israɛlə lonnii kulɔ la Eziptə, ə həli la háákələi ɓa. Ŋą́ kɛ həɠə pɛlɛ́ mu, gɛ́ gbáán dee laa, di kɛɛ ɉiɛ pələi.

Kɔlɔnikɔ Maa-ŋuŋ 22:6

Davidə ə non Salomɔn təli, ə Yai-Laa Israɛlə nwɔ Yálái nwɔ pɛlɛ́i tɔɔ mɛ̨nį gbɔw laa nwuɔ̨.

Kɔlɔnikɔ Maa-ŋuŋ 22:7

Davidə yɛ non Salomɔn ɓa: «Nón! Yii kpɔ gɛ lii ə kɛ gwə́i, ya ɓaa, ŋį́ pɛlɛ́ tɔɔ, ə kɛ a Yai-Laa nwɔ́ Yálái laa.

Kɔlɔnikɔ Maa-ŋuŋ 28:2

Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Kɔlɔnikɔ Maa-ŋuŋ 29:29

Tɔɔmun Davidə kɛ mɛ̨nįɠaa dɔlɔɔ tɔlɔɔɠaa da gbɛlamąąɠaa, di bɛ̨ɛ̨ gɛɛ kaamun Samuɛlə, da Yálá kwəi mɛ̨nį hukulɔ mun Natan di wɔ hɛɓɛ́i hu, da gɛɛ kaamun Gadə nwɛi hu,

Kɔlɔnikɔ Veerɛi 1:4

Yii ɓaa a Yálá nwɔ mįnɛ̨ kəhii nwɛi, Davidə aa ta kɛ ɉəɠə Kiriatə-Yearimə, ə li ə ɉee, ɓɛi ə nąą pɛli gəhii tii laa ɓa; hvo gaai, ə kələ tɔɔ Ɉerusalɛmə gəhii tii laa ɓa.

Mąątɛ̨nɛ̨ 132:5

Hvo kɛ li, ŋą́ gbɛa kɛɛnąą ta hɔlɔɓo a Yai-Laa nwɔɔ, a Ɉakɔbə nwɔ kilɛn nąŋąlon hee pɛlɛ́!»

Lɛɛ gbɔwɔ ɓa 26:1

«Gee kaa kələ kɛ pələ ka: Akɛ a həɠə ɓɛla, bɛ̨ɛ̨ ɲɛ̨i ə ɓo pow, gəlee, a yeekali walawalaa, dɛɠiɛ mu kpɔluɔ, gbɔluɔ gbələ tətə da viliiɓoɔ. Mąąnɛ̨ɛ̨ ə́ mąąkpɛ malakaɠaa pɛli, diɛ mɛ̨i kaa, di pɛliɛ a yɛlɛ.

Ɉeremi 22:15

Ə́ kaa bɔ ə́ ə́ wɔ tɔɔlaai hee a nɛlɛɛ, ə́ nuą ɲɛ̨i tinɛ̨n, ə́ ɉee yɛ́, a kpitili wulu kɛ mɛ̨nį ə́ wɔ pɛlɛ́ nwąnąi ɓa? Ə́ nąn və́ kɛi mɔ̨ɔ̨ naa mįi, yɛ gbələ, yɛ tələnmolaa da tɛ̨ą mɛ̨nį di mąąkɔ̨nwɔ̨? Kɛlaa ə kɛ lɔ nɛɛ hu-ee?

Danîa 4:4

Yili ɓə gɛ, ɉalə nąmįnąai di kaa ɲə́ə́ mu, nuąi da kwɛli hvilɛn pɛmɛ̨nɛ̨n gɔwɠaa diɛ, Kilimąą nuą, da tɔlikpɛ nuą di pa. Ŋą́ nwɔ́ hįi mąą mɛ̨nį hukulɔ diɛ, di hvo pɛli mukulaa lɛi mą́ą́.

Egaa 1:4

«Akɛtii, mɛ̨nį lɛlɛɛ ɓə tii ka káá gɛi, ka laa pɛlɛ́ lɛlɛɛɠaa mu, ɉéé pɛlɛ́ aa pu?

Egaa 1:9

Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Gɛlaɠaa 7:46

Yili yaan, Yálá ə ɲɛ̨i lɛlɛɛ hee mą, ə ɉu hvɛli, yɛ kɛ ə pɛlɛ́ tɔɔ a Ɉakɔbə nwɔ Yálái nwɔɔ.