Kɔlɔnikɔ Maa-ŋuŋ 16:41 - Yálá laawoo hɛɓɛ (dc)

⁴¹ Nuąi kɛ di pɔ, diɛ ɓaa: Heman, da Yedutun, ə pɛlɛ la, nuąi di di lɛ, di di laa ɓo Yai-Laa mąątɛ̨nɛ̨ mɛ̨nį ɓa, gbəli: «Hvó gaai Yai-Laa a kulɔ nwoo ɓa a yələ kəlee.»

Yálá laawoo hɛɓɛ

⁴¹ Nuąi kɛ di pɔ, diɛ ɓaa: Heman, da Yedutun, ə pɛlɛ la, nuąi di di lɛ, di di laa ɓo Yai-Laa mąątɛ̨nɛ̨ mɛ̨nį ɓa, gbəli: «Hvó gaai Yai-Laa a kulɔ nwoo ɓa a yələ kəlee.»

Bible

⁴¹ Naa pôlu ma Emaŋ da Zedutuŋ díkɛ̀ nàa da diai dí dílaa sìɣei a gɛ́ɛ díkɛ laa-maa-tɛ̂ wule tòo, díkɛ sɛɣɛ-fei tɛ̀ɛ Yâwɛɛ pɔ́, ŋɔwɔ́lɔ-wɔlɔ da wɔ́lɔ-wɔlɔ wɛli kɛ-maai mɛni ma.

Kɔlɔnikɔ Maa-ŋuŋ 16:41 ပူးပေါင်းရင်းမြစ်များ

Kɔlɔnikɔ Maa-ŋuŋ 12:31

Ɛfraimə huwu hu nuą, nu waa pow hveelɛ pulu nwun mɛ̨ihaaɓa, a kpakoloɠaa, a nuąi di laa tɛɛ di yəi bɛlɛnŋąą.

Kɔlɔnikɔ Maa-ŋuŋ 15:17

Di Yoɛlə lon Heman lon ɉee, da Bɛrɛkiahu lon Asafə yii lɛɛ bulu, da Kusayahu lon Etan yii lɛɛ a ɉaaɓa nąą; diɛ kɛ a Merari huwuhu nuą.

Kɔlɔnikɔ Maa-ŋuŋ 16:34

'Ka Yai-Laa mąąwiɛ, mąąhɔlɔɓo, nwɔ mɛ̨nį lɛlɛɛi, ə lɛɛ, a kulɔ nwoo ɓa a yələ kəlee.

Kɔlɔnikɔ Maa-ŋuŋ 16:37

Davidə ə Asafə da nąn nonnii lɛɛ Yai-Laa nwɔ mįnɛ̨ kəhii nií la, diɛ tí mą, yɛ bələi mąą tɔɔ ɓo pələ kaa la a yələ kəlee.

Kɔlɔnikɔ Maa-ŋuŋ 6:33

Levi huwu hu nuą yiiɠaa tii, di yee ə kɛ Yálá nwɔ pɛlɛ́i mu koló yiiɠaa tii diɛ.

Kɔlɔnikɔ Veerɛi 20:21

Ɉosafatə da nɔi lonnii di di nwun dɔɔ, əgɛ, di nuą tɔɔ kɔ́kuláaɠaa ɲɛ̨itɔwɔ, diɛ Yai-Laa laa tɛ, diɛ nwɔ kɛnɛ̨ laa mąąhəɠɛɛ mąątɛ̨nɛ̨ wələ tɔɔ, diɛ kɛ mą: «'Ka Yai-Laa laa tɛ, gbala ə tɔɔ, a kulɔ nwoo ɓa, ɲɛ̨n deei hvo mą!»

Kɔlɔnikɔ Veerɛi 5:13

Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.

Kɔlɔnikɔ Veerɛi 7:3

Israɛlə lonnii kəlee di nwɔ̨n gaa yɛ yɛɛ, Yai-Laa Mąąɲįnɛ̨n ə ɓo mɛ̨i; di di nwun vilɛn nɔi ɓa, di pɛlɛ di lii ɓa; diɛ Yai-Laa Laa tɛ. Mąąhɔlɔɓo ŋą mɛ̨nį lɛlɛɛi, ŋą wɛlikɛmąąlaa ɲɛ̨n və mą.

Ɛsdrasə 3:11

Di kɛi nwələ too, diɛ di kee woo mu hon, diɛ kɛ mą: mąąwiɛ da kɛnɛ̨ laa kaa Yai-Laa ɓa; Mąąhɔlɔɓo, nwɔ mɛ̨inɛ̨ɛ̨, da nwɔ lii nɛɛ gwəi laa kpon ɉu kwɛaai Israɛlə ɓa. Di kɛi yili ɓo tii, mąąhɔlɔɓo, di kɛi Yai-Laa hee pɛlɛ́ tɔɔ.

Ɛsdrasə 8:20

Nuąi tii Davidə da nɔi nąmįną di di tɛɛ, diɛ kpɔn Levi lonnii diɛ, di kɛ a tínuą, nu nwun veelɛ (200), gəlee laa pɛ̨ɛ̨.

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Mąątɛ̨nɛ̨ 106:1

'Kánikookwəi! 'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 136:1

'Ka Yái-Laa Laa tɛ, mąąhɔlɔɓo nwɔ mɛ̨nį lɛlɛɛi, Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 39:1

Nwələ ɲɛ̨itɔwɔmun: Yedutun. Davidə nwɔ wələ.

Mąątɛ̨nɛ̨ 77:1

Nwələ ɲɛ̨itɔwɔmun Yeditun. Asafə nwɔ hvɛ́li woo.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Izikiɛ 40:44

Gwɛlɛ pələ, bɛlɛ́ laaləi pulu, nwələ too nuą di wɔ pɛlɛ́ɠaai di kɛ laa; ɓɛi nuą di kɛi tɔɔ laa, gwəlii pələ. Bɛlɛɛ́ tɔ̨nɔ̨ ə kɛ ɲələi pələ kpon tənən ma, naa heɛ ɉɛɠɛɛ pələ; dɔ̨nɔ̨ ə ɓo ɉɛɠɛɛ pələ kpon tənən ma, naa heɛ ɲələi pələ.

Lonon mo 1:17

Moisə da Aarɔn di nuą tii həɠə, di di kɛ a di kwɛlɛ nuą, yɛ bələi di mo la diɛ.

Lukə 1:50

Yaa ɓə ɲɛ̨imąąwɛli kaa kaa ɲəi, a lɔwai kəlee, yɛ gɛ nwɛlikɛmąą nuą diɛ, ə mą kɛ, yiiɠaai da ɲɔw mą.